Jer. 4:24 - Bhaibheri Rakachena muChindau

²⁴ Ndakaringira mitunhu, wona, yaihuta, nezvitunhu zvaizungunyika kakurutu kuenda mberi nesure.

Jer. 4:24 Iomraidhean Croise

1 Madzi. 19:11

Wakati, “Buda, ueme padera pomutunhu pamberi paMambo Mwari; ringira, Mambo Mwari uchapinda ngeapapo.” Dutu guru rinesimba rakamwesa mitunhu, rechiputsa mapuwe kuita zvigurwa pamberi paMambo Mwari; asi Mambo Mwari waiya asirimwo mudutu. Ngesure kwedutu kwaiyapo kuzungunyika kwenyika; asi Mambo Mwari waiya asirimwo mukuzungunyika kwenyika.

Nduyo 18:7

Zvino nyika yakazungunyika, ikatengendeka; nemadzeyo emitunhu akatengendekawo akangundangunda, ngokuti waiya anyangadzwa.

Nduyo 77:18

Izwi rokutinhira kwako raiya muchipupuri; mheni dzako dzakajekisa nyika; nyika yakatengenda, ikazungunyika.

Nduyo 97:4

Mhene dzake dzinojekisa nyika; nyika inoona, nokuhuta.

EKISEDHUSI 19:18

NoMutunhu weSinai waiya wechipwititika chiushi weshe, ngokuti Mambo Mwari wakadzaka padera pawo ari mumuriro; nechiushi chakakwira mudenga kudai ngechiushi chepachoto chinobaka aemho, nomutunhu weshe wakazungunyika kakurutu.

Isa. 13:13

Ndizvo ndinozoita kuti matenga ahute, nenyika inozozungunyiswa kubva pandau yayo, ngoushungu hwaMambo Mwari wehondo, muzuva roushungu hwake hunotyisa.

Isa. 24:20

Nyika inothethereka kudai ngomunhu wararadza, inozungunyikazve kudai ngechitumba; nokupauka kwayo kunozorema padera payo, nayo inowa, isikachamukizve.

Isa. 5:25

Ndizvo ushungu hwaMambo Mwari hunobaswa kuvanhu vake, naye unotambanudza nyara yake kwevari kuvachaya; mitunhu inozungunyika, nemiiri yaavo yakafa inoita kudai ngemarara mukati mwemapato. Ngeizvi zveshe ushungu hwake ahuzi kupera, nenyara yake ichakatambanudzwa nazvino.

Jer. 10:10

Asi Mambo Mwari ndiye Mwari wegwinyiso, ndiMwari unopona, naMambo wemhera nariini. Paushungu hwake nyika inohuta, madzinza aakoni kuemerera ushungu hwake.

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Ezek. 38:20

hove dzoruandhle, shiri dzomudenga, zvikara zvomushango, nazvo zveshe zvinotamanda padera penyika, nevanhu veshe vari pahope yenyika, vanozohuta pamberi pangu, nemitunhu inozokandirwa pashi, nendau dzakaita mawere dzinozowira pashi, nemarukumbati eshe anozowira pashi.

Mik. 1:4

Zvino mitunhu inozonyunguruka pashi pake nemapani anozoputika, kudai ngenamo pasinde pomuriro, nokudai ngemvura inodururwa pabiriiri.

HABHAKUKI 3:10

Mitunhu yakakuona, ikatya; ndambi yemvura yakakukuza yechipinda; ruandhle rwakaereketa ngeizwi rarwo. Rwakamirudza nyara dzarwo mudenga.

HABHAKUKI 3:6

Wakaema, akazungunyisa nyika; wakaringira, akaita kuti madzinza ahute. Mitunhu yemhera nariini yakaparadzwa; kuteera njira dzake dzekaretu zvimitunhu zvemhera nariini zvakanzvaira.

Chakapangijihwa 6:14

Denga rakabviswa kudai ngebhuku apo rechipetwa, nomutunhu weshe nechiwi cheshe chakabviswa kubva pandau yacho.