Jer. 4:23 - Bhaibheri Rakachena muChindau

²³ Ndakaringira nyika, ringira, yaiya isina muemo wakanaka, isina chiro, nokumatenga nawo aiya asina kujeka.

Jer. 4:23 Iomraidhean Croise

Gen. 1:2

Nyika yaiya isina muemo, isina chiro, nechidima chaiya padera pemvura yakadzama; noMweya waMwari wakavhamira padera pemvura.

Isa. 13:10

Ngokuti nyeredzi dzomudenga nezviunga zvadzo adzizojeki; zuva rinozosvipiswa mukubuda mwaro, nomwedzi auzobudisi kujeka kwawo.

Isa. 5:30

Vanozoiririra ngeiro zuva kudai ngokuungumira kworuandhe. Nokudai umwe echiringira kunyika, uchaona chidima nokutambudzika, nokujeka kunosvipiswa ngemakore.

Jer. 2:12

Shamiswai ngeichi, imwimwi matenga, mutye kakurutu, mukaruke kakurutu, unoronza Mambo Mwari.

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Chi. 3:2

Wanditungamira, akandiunza muchidima, musina kujeka.

Joeri 2:10

Nyika inozungunyika pamberi pavo, matenga anohuta. Zuva nomwedzi zvinosvipiswa, nyeredzi dzinofisha kujeka kwadzo.

Amo. 8:9

Pazuva iro, unoronza Mambo Mwari, Mwari, ndinozoita kuti zuva ripote masikati, ndinozosvipisa nyika masikati zuva rakaara.

Zek. 14:6

Pazuva iro akuzoapo kutonhora nokuti chando.

Mateu 24:29

“Ngokukasira ngesure kwokutambudzika kwemazuva awo, zuva rinozoita chidima, nemwedzi auzojeki, nenyeredzi dzinozowa kubva mudenga, nesimba reshe romudenga rinozozungunyiswa.

Mateu 24:35

Denga nenyika zvinozopinda, asi mazwi angu aatongozopindi akadi.

Chakapangijihwa 20:11

Ndakaona chigaro chikuru choumambo chakachena, nouwo wakagara padera pacho; ngokuapo kwake nyika nedenga zvakamutiza, akuzi kuchazooneka ndau yazvo.