Jer. 4:2 - Bhaibheri Rakachena muChindau

² nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Jer. 4:2 Iomraidhean Croise

Gen. 22:18

Madzinza eshe enyika anozofumiswa ngorudzi rwako, ngokuti wakapurutana izwi rangu.”

1 Madzi. 3:6

NaSoromoni wakati, “Iwewe wakaonisa nyasha huru kunomuranda wako Dhavhidha baba angu, ngokuti wakahamba pamberi pako mukugondeka nomukururama kwomwoyo wake kwouri; newe wakamungwaririra urwu rudo rukurutu newe wakamupa mukororo kuti agare padendemaro rake nyamashi.

Nduyo 72:17

Zina rake ngarigare mhera nariini; mbiri yake ngaiangire kugara kuti zuva richindoripo. Madzinza eshe ngaafumiswe mwaari; madzinza eshe ngaaronze kuti, “Unodakara.”

Nduyo 99:4

Mambo unesimba, unoda kutonga kwakarurama; iwewe unogwinyisa kunaka, unoita kutonga kwakanaka nokururama kunaJakobe.

Isa. 45:23

Inini pachangu ndakapika, pamuromo pangu pakabuda zvakarurama, izwi iro risikazopetuki, kwendiri mabvi eshe anozogwadama, nendimi dzeshe dzinozopika ndini.

Isa. 45:25

MunaMambo Mwari rudzi rweshe rwaIsuraeri runozopembedzwa nokuirikidzwa.

Isa. 65:16

Zvino kunyazwi ndiani uwo unokumbira kufumiswa munyika unozofumiswa ndiMwari wokugondeka; kunyazwi ndiani unopika munyika, unozopika ndiMwari wokugondeka; ngokuti madambudziko ekare ariyarikanwa, nawo afishwa kubva kumadziso angu.”

Jer. 10:10

Asi Mambo Mwari ndiye Mwari wegwinyiso, ndiMwari unopona, naMambo wemhera nariini. Paushungu hwake nyika inohuta, madzinza aakoni kuemerera ushungu hwake.

Jer. 12:15

Naapo ndapedza kubvita ndinozovaitirazve nyasha nokuvaunzazve, umwe ngaumwe kunhaka yake nokunyika yake.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 16:19

O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Jer. 3:17

Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 33:9

Dhorobha iri rinozoita kwendiri zina rokudakara, kukudzwa nokuremeredzwa mukuona kwemadzinza eshe enyika, awo anozozwa ngezvakanaka zveshe zvendinovaitira; anozotya nokuhuta ngendaa yokunaka uku kweshe, kubudirira nokunyarara kweshe kwendinozoriunzira.”

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Jer. 7:5

Ngokuti kudai mwechinasira yaamho njira dzenyu nezviito zvenyu, ngegwinyiso kudai mwechiitirana zvakanaka umwe kuneumweni,

Jer. 9:24

Asi iye unodziganzisa ngaadziganzise ngeizvi, kuti unozwisisa nokundizia, kuti ndini Mambo Mwari; ndinoita ngenyasha dzinorudo, kutonga kwakanaka nokururama munyika; ngokuti ndinodakara muneizvi zviro,” unoronza Mambo Mwari.

Hos. 2:19

Ndinozokutora kuti uite mukadzi wangu mhera nariini, mukururama, nomukutonga kwakanaka, ngorudo runenyasha.

Joeri 2:12

“Asi kunyazwi nazvino,” unoronza Mambo Mwari, “Petukai kwendiri ngomwoyo wenyu weshe, ngokuera kudya, ngokuchema nokubonda.”

Zek. 8:8

neni ndinozovaunza kuti vagare muJerusarema. Vanozoita vanhu vangu, neni ndinozoita Mwari wavo, mukugondeka nomukururama.

Mar. 1:11

Ngokuti kubvira mukubuda kwezuva metsa kupota kwaro zina rangu iguru pakati pemadzinza; nokundau dzeshe mutombo wokupisha unegwema rakanaka unozopirwa kuzina rangu, nomunikero wakachena; ngokuti zina rangu iguru pakati pevemadzinza, unoronza Mambo Mwari wehondo.

1 VaK. 1:31

kuitira kuti kudai ngezvakanyorwa, “Iye unoganza, ngaaganze ndiMambo Mwari.”

2 VaK. 10:17

“Asi iye unoganza, ngaaganze munaMambo.”

Vagaratiya 3:8

Nezvinyorwa zvechiona ngepamberi kuti Mwari waizopembedza vemadzinza ngokugonda, zvakachumaira vhangeri karetu kunaAbrahama zvechiti, “Mweuri madzinza eshe anozofumiswa.”

Dhuto. 10:20

Munozotya Mambo Mwari, Mwari wenyu; mumudire iye ega, nokwaari munozonamatira, nokupika ngezina rake.

Dhuto. 4:30

Naapo muri mukutambudzika, neizvi zviro zveshe zvinozouya padera penyu ngemazuva achauya, munozopetuka kunaMambo Mwari, Mwari wenyu, mwechizopurutana izwi rake.

Dhuto. 6:13

Munozotya Mambo Mwari, Mwari wenyu, mumudire, munozopika ngezina rake.

Vafiripi 3:3

Ngokuti tisu tiri vakachekwa, avo vanodira Mwari muMweya nokuganza munaKristu Jesu, tisikagondi munyama,

Ruthe 3:13

Gara usiku uhwu, mangwani mangwanani, kudai iye echizoita kudai ngechinoitwa ngouri hama, zvakanaka; ngaaite izvo zvinoitwa ngouri hama. Asi kudai asikazoiti kudai ngouri hama kwouri, zvino inini ndinozoita kudai ngouri hama kwouri, kudai ngezvaanopona Mambo Mwari. Ata pashi metsa mangwani.”

1 Sam. 20:3

Asi Dhavhidha wakapikawo, akati, “Ngegwinyiso baba ako vanozia kuti ndakaona nyasha pamberi pako; navo vanoti, ‘Jonathani asazozia ichi, nokuti ungazotambudzika.’ Asi ngegwinyiso, kudai ngezvaanopona Mambo Mwari, newe wechipona pachako, iripo nhambwe imwe pakati pangu norufu.”