Jer. 4:19 - Bhaibheri Rakachena muChindau

¹⁹ Ndarwadziwa, mwoyo wangu! Ndarwadziwa, mwoyo wangu! Ndinorwadziwa mumwoyo wangu; mwoyo wangu unochema mukati mwangu; andikoni kunyarara, ngokuti mweya wangu wazwa kuridzwa kwegwama, nokurira kwemhere yehondo.

Jer. 4:19 Iomraidhean Croise

Gen. 49:6

A mweya wangu, usazopotera pakupangana kwavo; uthende hwangu husazoiyaniswa navo mumushongano wavo; ngokuti muushungu hwavo vakauraya munhu, ngorunya rwavo vakatema-tema mirunda yekabi.

2 Madzi. 4:19

Naye wakati kunababa ake, “Soro rangu, soro rangu!” Baba vakati kunomuranda wavo, “Mutore, uende naye kunamai ake.”

2 Madzi. 8:11

Erisha wakamuringisisa muhope mwake, metsa iye wakatsveruka. Zvino munhu waMwari wakachema.

Nduyo 103:1

Kudza Mambo Mwari, A mweya wangu, nazvo zveshe zviri mukati mwangu, ngazvikudze zina rake rakachena.

Nduyo 116:7

Petuka, A mweya wangu, kunokuzorora kwako, ngokuti Mambo Mwari wakakuitira zvakapinda kunaka.

Nduyo 119:136

Madziso angu anoerera ndwizi dzemasodzi, ngokuti vanhu avangwariri mipango yako.

Nduyo 119:53

Ushungu hunobaka hwandibata ngendaa yevakashata, avo vanoramba mupango wako.

Nduyo 146:1

Kudzai Mambo Mwari! kudza Mambo Mwari, A mweya wangu!

Nduyo 16:2

Ndinoti kunaMambo Mwari, “Iwewe ndiwe Mambo wangu; andina chakanaka ngepabanze pako.”

Isa. 15:5

Mwoyo wangu unochemera Moabhi; vanotiza varo vanotizira Zoa, Egirathisherishiya. Ngokuti pakukwidzwa Ruhithi, vanokwira vechichema; mupato rinoenda Horonaimu vanoboorera kuchemera kuparadzwa.

Isa. 16:11

Ndizvo mwoyo wangu unozorira kudai ngembira ngendaa yeMoabhi, nemarupande angu omukati ngendaa yeKirheresi.

Isa. 21:3

Ndizvo chiunu changu chazara ngokutambudzika; kurwadza kwandibata kudai ngokurwadziwa kwomukadzi unobereka; ndakotamiswa pashi andikoni nokuzwa; ndakangaidzwa ndizvo andikoni nokuona.

Isa. 21:4

Mwoyo wangu unoita maharura, kutyisa kwandikarudza; kujeka kwemangwanani kwendinodisisa kwatsandurwa kwendiri kuita kutyisa kunohutisa.

Isa. 22:4

Ndizvo ndakati, “Ringirai kuretu kubva kwendiri, ngandicheme ngesimba; musaedza kundiembedzera, ngendaa yokuparadzwa kwevanhu vangu vanodiwa.”

Jer. 13:17

Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 23:9

Mwoyo wangu wapwanyika mukati mwangu ngendaa yevaprofeti, magodo angu eshe anohuta; ndadai ngechiradza, nokudai ngomunhu wanyiswa ngevhini, ngendaa yaMambo Mwari, nendaa yokuchena kwemazwi ake.

Jer. 4:21

Ndinozoona chioniso, ndizwe kurira kwegwama mukuwo wakadini kureba?

Jer. 4:5

Daidzira muJudha, uziise vari muJerusarema wechiti, “Ridzai gwama munyika; mudaidzire ngeizwi guru mwechiti, unganai pamwepo, tipotere mumadhorobha akashosherwa.

Jer. 42:14

mwechiti, ‘Haiwa; tinozoenda munyika yeEgipite, umwo mwetisikazooni hondo, nokuti kuzwa kurira kwegwama nokuti nzara yechokudya; neumwo tinozogaramwo,’

Jer. 49:2

Ndizvo, ringira, mazuva anouya,” unoronza Mambo Mwari, “Apo pendinozoridza kuti mhere yokurwa hondo nedhorobha reRabha revaAmoni; rinozoita murwi wezvakaparadzwa, nemaguta aro anozopishwa ngomuriro; naapo Isuraeri unozotora nhaka kubva kuneavo vakamutorera nhaka,” unoronza Mambo Mwari.

Jer. 50:22

Bope rokurwa rinozwika munyika nokuparadzwa kukuru.

Jer. 6:24

“Tazwa mbiri yavo; nyara dzedu dzapera simba; maharura okutyiswa atibata, kurwadziwa kwakadai ngekwomukadzi unobereka.

Jer. 8:18

Kudakara kwangu kwapera, kutambudzika kwaa padera pangu, mwoyo wangu unodemera mukati mwangu.

Jer. 8:21

Ngendaa yokuremadzwa kwevanhu vangu varombo, neni ndaremadzwa; ndinosvipa mwoyo; kushamiswa kwandibata.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Chi. 1:16

Ngendaa yeizvi ndinochema; madziso angu anoerera masodzi; ngokuti muembedzeri uri kuretu kubva kwendiri, umwe kumusira simba rangu; vana vangu vaparadzwa, ngokuti gaa ranyisa.

Chi. 1:20

Ringira, O Mambo Mwari, kutambudzika kwangu; ndinotambudzika mukati mwangu, mwoyo wangu unotambudzika mukati mwangu, ngokuti ndakamukira kakurutu. Mumapato shoti inouraya, mumhatso mune rufu rwega.

Chi. 2:11

Madziso angu apera ngendaa yemasodzi; mweya wangu unotambudzika; mwoyo wangu unodururwa pamavhu, ngendaa yokuparadzwa kwevanhu vangu, ngokuti vana nechiya vanodemera mumapato edhorobha.

Dha. 4:19

Zvino Dhanieri, uwo zina rake raizwi Bheriteshaza, wakashamiswa kwekamukuwo, nemipinimidzo yake yakamutyisa. Mambo wakati, “Bheriteshaza, hope nokuti kududzirwa kwadzo zvisakutyisa.” Bheriteshaza wakapingura, akati, “Mambo wangu, hope ngadziitike kwevari avo vanokunyenya, nokududzirwa kwadzo kumagaa ako.

Dha. 7:15

“Asi inini Dhanieri, mweya wangu waitambudzika mukati mwomuiri wangu, nezvioniso zvesoro rangu zvakandityisa kakurutu.

Dha. 7:28

“Pano ndipo panoperera ndaa. Asi inini Dhanieri, mipinimidzo yangu yakandityisa kakurutu, nehope yangu yakatsanduka; asi ndakangwarira ndaa yeshe mumwoyo mwangu.”

Dha. 8:27

Ndizvo inini, Dhanieri, ndakademera, ndakarwara mazuva akatikuti; ndorondomiruka, ndikaita mushando wamambo. Asi ndakashamiswa ngechioniso, andizi kuchizwisisa.

Amo. 3:6

Gwama ringaridzwa here mudhorobha, nevanhu vakarekera kutya? Zvakashata zvingagumira dhorobha here asi kuti Mambo Mwari azviita?

HABHAKUKI 3:16

Ndinozwa, ndani yangu inohuta, miromo yangu inohuta ngeizwi. Kuora kwakapotera mumagodo angu, kuhamba kwangu kunohuta pashi pangu. Ndinogarira mukunyarara zuva rokutambudzika pakuuya kwaro padera pevanhu vanotirwisa.

Zvi. 10:9

Naapo mwechienda koorwa hondo munyika yenyu namagaa avo vanomutambudza, naapo munozoridzisa magwama, kuti muzocherechedzwa pamberi paMambo Mwari, Mwari wenyu, nemwi munozoponeswa kubva kumagaa enyu.

Varoma 10:1

Hama, chidisiso chomwoyo wangu nokukumbira kwangu kunaMwari ngendaa yevaIsuraeri kuti vaponeswe.

1 VaK. 14:8

Ngokuti kudai gwama rikarira kusikaziikanwi, ndiani unozodzinasirira kuenda kuhondo?

Vagaratiya 4:19

Vana vangu vadoko, vendinotambudzikira metsa Kristu abarwe mukati mwenyu,

Vato. 5:21

Ndwizi dzaKishoni dzakavakukuzva, urwo rwizi rwekare, rwizi Kishoni. Hamba, mweya wangu, ngesimba!