Jer. 4:18 - Bhaibheri Rakachena muChindau

¹⁸ “Njira yako nemishando yako zvakuunzira izvi padera pako; uku kuri kushata kwako, kuvavanyi kwekunoita! Zvabaya mumwoyo mwako.”

Jer. 4:18 Iomraidhean Croise

Nduyo 107:17

Vamweni vakaita mapenzi ngendaa yokupauka kwavo, ngendaa yezvishaishi zvavo vakashingirira kutambudzwa.

Mazwi 1:31

ndizvo vanozodya michero yenjira yavo, nokuzadzwa ngokuronga mazano avo.

Mazwi 5:22

Zvishaishi zvewakashata zvinozomubata, naye unozobatwa ngezvisungo zvokushaisha kwake.

Isa. 50:1

Izvi ndizvo zvinoronza Mambo Mwari, “Iri pari tsamba yamai ako yokugura muchado, iyo yendakavarasha ndiyo? Nokuti kunaani wevakweretesi vangu wendakakutengesa kwaari iwewe? Haiwa, ngendaa yezvishaishi zvako wakatengeswa, ngendaa yokupauka kwako mai ako akarambwa.

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 26:19

Hezekia mambo waJudha nevanhu veshe vaJudha vakamuuraya here? Aazi kutya Mambo Mwari here nokupota nyasha dzaMambo Mwari, naMambo Mwari aazi kurekera here kushata kwaaiya aronga kuunza padera pavo? Asi taa kudziunzira kushata kwakura padera pedu.”

Jer. 5:19

“Naapo vanhu vako vanozoti, ‘Ngenyi Mambo Mwari, Mwari wedu, echiita zviro zveshe izvi kwetiri?’ Ngouwo mukuwo unozoti kwevari, ‘Kudai ngezvemwakandisiya nokudira zvimwari zvipara munyika yenyu, ngokudaro munozoshandira vapara munyika isiri yenyu akadi.’ ”

Jer. 5:25

Kushata kwenyu kwapetudza izvi kuretu, nezvishaishi zvenyu zvamurambidzira zviro zvakanaka.

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Chi. 3:15

Wandizadza ngokuvava, wandirairisa mvura yomuti unovava.

Ezek. 39:24

Ndakaita kwevari kudai ngokusikasukiki kwavo, nokudai ngokupauka kwavo nokufisha hope yangu kubva kwevari.

Hos. 7:2

Asi avapinimidzi mumwoyo mwavo kuti ndinokarakadza kweshe kushata kwavo. Zvino zviito zvavo zvinovatendenedza, zviripo pamberi pehope yangu.