Jer. 4:16 - Bhaibheri Rakachena muChindau

¹⁶ “Ronzerai madzinza, ‘Aya ari pano!’ Ringirai, daidzirai kuneJerusarema kuti magaa anouya anobva munyika irikuretu, anoridza mhere kurwisana nemadhorobha aJudha.

Jer. 4:16 Iomraidhean Croise

Isa. 34:1

Kwedzerai pasinde, O madzinza, muzwe. Purutanai, O vanhu. Nyika ngaizwe, nazvo zveshe zviri mukati mwayo; nyika, nazvo zveshe zvinobuda kubva mweiri.

Isa. 39:3

Zvino muprofeti Isaya wakauya kunamambo Hezekia, akati kwaari, “Ava vanhu vatinyi? Vauya kwouri vechibva kuri?” Hezekia wakati, “Vauya kwendiri vechibva kunyika iri kuretu, nyika yeBhabhuroni.”

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 16:6

Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 2:15

Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 31:10

Izwai izwi raMambo Mwari, O madzinza, muridaidzire kuzviwi zviri kuretu mwechiti, ‘Iye wakaparadzira Isuraeri unozomuunganidza, nokumungwarira, kudai ngezvinoita muushi womutanga wake.’

Jer. 39:1

Mugore rechipfumbamwe rokutonga kwaZedhekia mambo waJudha, mumwedzi wegumi, Nebhukhadhineza mambo weBhabhuroni nehondo yake yeshe wakauya koorwisana neJerusarema nokurikomba.

Jer. 4:17

Avakomberedza mukati kudai ngevarindi vemunda, ngokuti wakandimukira,” unoronza Mambo Mwari.

Jer. 5:15

“Ringira, ndinounza padera pako dzinza rinobva kuretu, O mhatso yaIsuraeri” unoronza Mambo Mwari. “Idzinza rinogara, riri dzinza rekaretu, dzinza rousikazii rurumi rwaro, auzwi cherinoereketa.

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 50:2

“Daidzirai pakati pevemadzinza, muteketese muemese mujeki; muteketese, musafisha. Ronzai kuti Bhabhuroni ratorwa, Bheri watsverudzwa, Merodhakhi wapedzwa simba. Miedzaniso yaro yokudira yatserudzwa; zvimwari zvaro zvapedzwa simba.

Jer. 6:18

“Ndizvo izwanyi, O madzinza, muzie, O mbungano, chiinyi chinozoitika kwevari.

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Jer. 6:22

Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Jer. 6:23

Vakabata uta nomukhondo; vanorunya, avana nyasha; bope ravo rinotinhira kudai ngoruandhle; vanogadha mahachi, vakapfeka kudai ngevanhu vokurwa hondo kurwisana newe, O mwanasikana weZioni.”

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Ezek. 21:22

Munyara yake yokumudyo munebhighidha reJerusarema, apo paanoemesa zvokuputsisa, kubeura muromo kudaidzira mukuuraya, kumirudza izwi kudaidzira, kuemesa miti yokuputsa marukumbati pamisiwo, kuaka marukumbati, nokuaka thawa.