Jer. 4:14 - Bhaibheri Rakachena muChindau

¹⁴ O Jerusarema, shambidza mwoyo wako uchene kubva kunezvakashata, kuti uponeswe. Mipinimidzo yako youpenzi inozogara mukati mwako mukuwo wakadini?

Jer. 4:14 Iomraidhean Croise

Nduyo 119:113

Ndinozonda vanemipinimidzo miiri, asi ndinoda mupango wako.

Nduyo 51:2

Ndisukenyi kakurutu kubva mukushata kwangu, nokundichenesa kubva muchishaishi changu.

Nduyo 66:18

Kudai ndakangwarira kushata mumwoyo mwangu, Mambo Mwari waizodai asikazi kundizwa.

Mazwi 1:22

“Munozoda zvoupenzi mukuwo wakadini, imwimwi musina ungwaru? Nevanoshoora vanozodakara mukuwo wakadini mukushoora kwavo nemapenzi enonyenya kuzia?

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Jer. 13:27

Ndaona zvinyangadzo zvako nokuomba kwako, nebope rokuomba, nouhure hwako hunotsverudza pazvimitunhu mushango. Ihehe kwouri, O Jerusarema! Metsa riini iwewe usati wacheneswa?

Jer. 17:1

Chishaishi chaJudha chakanyorwa ngepeni resimbi, rinemuromo wedhaimondi, chakanangurwa parusamba rwomwoyo yavo, nepadera penyanga dzemaarita avo,

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 2:22

Kunyazwi unodzishamba ngesoda, wechishandisa sipo yakawanda, asi muara wokushata kwako kundoripo pamberi pangu, unoronza Mambo Mwari.

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Ezek. 18:31

Rasha kubva kwouri kweshe kushaisha kwako, kwewakandishaishira; udziitire mwoyo mutsva nomweya mutsva. Ngenyi wechizofa, O mhatso yaIsuraeri?

Zek. 8:17

musaronga kuita zvakashata mumwoyo yenyu umwe kuneumweni, musazoda mhiko dzokunyepa; ngokuti izvi zveshe ndizvo zviro zvendinonyenya,” unoronza Mambo Mwari.

Mateu 12:33

“Mwechiita kuti muti unake nemichero yawo inake. Nokuti muite kuti muti ushate nemichero yawo ishate. Ngokuti muti unoziikanwa ngemichero yawo.

Ruka 11:39

NaMambo wakati kwaari, “Zvinopano imwimwi vaFarisi munosuka kubanze kwetsani nokwendiro, asi mukati mwenyu mwakazara ngokukara nokushata.

Johani 13:9

Simoni Petro wakati kwaari, “Mambo, kusachaita tsoka dzangu dzega asi nadzo nyara dzangu nesoro rangu!”

Zvak. 8:22

Ndizvo tenderuka ubve mukushaisha kwako uku, ukumbire kunaMambo, kuti pamweni kungarekererwa kwouri kupinimidza kwomwoyo wako.

Varoma 1:21

ngokuti kunyazwi vechimuzia Mwari avazi kumuremeredza kudai ndiMwari nokuti kumubonga, asi vakaita vasina shwiro mumipinimidzo yavo nemwoyo yavo isina kungwara yakaita chidima.

1 VaK. 3:20

Zve unoti, “Mambo Mwari unozia mikarakadzo yevakangwara kuti iri isina shwiro.”

Jakobe 4:8

Kwedzerai pasinde naMwari, naye unozokwedzera pasinde kwomuri. Shambai nyara dzenyu, imwimwi vashaishi, muchenese mwoyo yenyu imwimwi munemipinimidzo miiri.