Jer. 4:13 - Bhaibheri Rakachena muChindau

¹³ Ringira, unouya kudai ngemakore, nengoro dzake dzinodai ngechipupuri; mahachi ake anorumbisa kupinda madorambudzi. Ihehe kwetiri, ngokuti taparadzwa.

Jer. 4:13 Iomraidhean Croise

2 Sam. 1:23

Sauri naJonathani vaidikanwa, vaiya vakanaka! Mukupona kwavo nomukufa avazi kuparadzaniswa; vaikasiririsa kupinda makodzi, vaiya nesimba kupinda mhondoro.

Isa. 13:5

Vanobva kunyika iri kuretu, kubva kumagumo ematenga, Mambo Mwari nezvokurwa ndizvo zvoushungu hwake, kuparadza nyika yeshe.

Isa. 19:1

Izwi guru ngendaa yeEgipite. Ringirai, Mambo Mwari unogadha padera pegore rinohambisa, naye unouya Egipite; miedzaniso yokudira yeEgipite inozohuta ngokuapo kwake, nemwoyo yevaEgipite inozonyunguruka mukati mwavo.

Isa. 3:8

Ngokuti Jerusarema rapumhunwa, Judha rawa, ngokuti kuereketa kwavo nezviito zvavo zvinorwisana naMambo Mwari, zvechiphikisana nouthende hwokuwapo kwake.

Isa. 5:28

Misee yavo yakapinza, nembita dzavo dzeshe dzakakungwa; makumbo emahachi avo anoringirika akadai ngebuwe rinokonza rinemiara, nemavhiri awo akadai ngechipupuri.

Isa. 66:15

Ngokuti, ringira, Mambo Mwari unozouya ari mumuriro, anemakarichi ake akatodzana nechimupupuri, echiunza kutseneka kwake kunoushungu, nokukaraidza kwake kunemirazvu yomuriro.

Jer. 10:19

“Ihehe kwendiri ngendaa yokuremadzwa kwangu! Ronda rangu rakakura. Asi ndakati, ‘Chokwadi uku kuororwa kwangu, kunotamika kuti ndikutware.’

Jer. 4:12

dutu rinesimba kuzvikurira. Zvino ndini uwo unoereketa mukutongwa kwavo.

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 46:18

Kudai ngezvendinopona,” unoronza Mambo, uwo zina rake rinozwi Mambo Mwari wehondo, Umwe unouya akadai ngeThabhori riri pakati pemitunhu, nokudai ngeKharmeri riri pasinde poruandhle.

Jer. 48:40

Ngokuti izvi ndizvo zvinoronza Mambo Mwari: “Ringira, unozombururuka kudai ngegodzi, nokutambanudza maphaphiro ake kurwa neMoabhi.

Jer. 49:22

Ringira, unozokwira echimbururuka kudai ngegodzi, nokutambanudza maphaphiro ake padera peBhozira, nomwoyo yengwazi dzeEdhomu inozodai ngomwoyo womukadzi uri mukurwadziwa kwake ngokubereka ngeiro zuva.”

Jer. 6:23

Vakabata uta nomukhondo; vanorunya, avana nyasha; bope ravo rinotinhira kudai ngoruandhle; vanogadha mahachi, vakapfeka kudai ngevanhu vokurwa hondo kurwisana newe, O mwanasikana weZioni.”

Jer. 9:19

Ngokuti izwi rokuchema rinozwika richibva Zioni, “Kuparadzwa kwetaitirwa! Tatsverudzwa kakurutu, ngokuti takasiya nyika, ngokuti vapwanyira pashi ugaro hwedu.”

Chi. 4:19

Varumbiriri vedu vaikasira kupinda makodzi omudenga; vakatirumbirira padera pemitunhu, vakatihwarira mushango.

Ezek. 26:10

Mahachi ake anozowanda kakurutu, bukuta rawo rinozomufukidza. Marukumbati ako emene anozozungunyika pakutinhira kwevagadhi vemahachi, mavhiri, nengoro, apo echipotera pamisiwo yako, kudai ngezvevanopotera vanhu mudhorobha rakadurwa uri parukumbati.

Ezek. 38:9

Unozokwira kuuya kudai ngomubvumo; unozodai ngemakore kufukidza nyika yeshe, iwewe nehondo dzako dzeshe, iwewe nevanhu vazhinji.’

Dha. 11:40

“Ngomukuwo wokupedzisira mambo wokubani unozomurwisa. Asi mambo wedera unozokasira kurwa naye, unozouya kudai ngechipupuri, anengoro nevagadhi vemahachi, nengarava dzakawanda. Unozopotera munyika idzi, nokurwa nadzo nokuenda ndimwo kudai ngendambi.

Dha. 7:4

Chokutanga chaiya chakadai ngemhondoro, chinemaphaphiro egodzi. Zvino ndakaringira, maphaphiro acho akatapurwa, nacho chakamirudzwa kubva pamavhu, chakaemeswa ngetsoka mbiri kudai ngomunhu, nomwoyo womunhu wakapuwa kwechiri.

Hos. 8:1

“Isa gwama pamuromo wako! Umwe wakadai ngegodzi uri padera pemhatso yaMambo Mwari, ngokuti vagura chitenderano changu nokupauka kubva kumupango wangu.

Mik. 2:4

Ngeiro zuva umwe unozotora muedzaniso ndiwe, nokuchema ngokuchema kwakakura echiti, ‘Taparadzwa yaamho; wakatsandudza chikoaniswa chevanhu vangu; wakachiita mabvisirenyi kubva kwendiri! Pakati pevamukiri vedu akakoanisa minda yedu!’ ”

Nah. 1:3

Mambo Mwari unononoka kunyangadzwa, asi wakakura musimba guru, aazopembedzi vakashata. Mambo Mwari unenjira yake iri muchipupuri nomumubvumo, nemakore ibukuta retsoka dzake.

HABHAKUKI 1:8

Mahachi avo anokasira kurumba kupinda makhamba, anopinda kutyisa kune matika emadeekoni; mahachi avo anorumbirira. Vanhu vavo vanogadha mahachi vanobva kuretu; vagadhi vemahachi vanombururuka kudai ngegodzi rinokasira kuenda koodya.

Zek. 6:1

Ndakaringirazve mudenga nokuona, ringira, dzakabuda ngoro murongomuna kubva pakati pemitunhu miiri; nemitunhu yaiya mitunhu yethusi.

Mateu 24:30

Naapo kunozooneka chioniso choMukororo woMunhu mudenga, nemadzinza eshe enyika anozobonda, nawo anozomuona Mukororo woMunhu echiuya padera pemakore omudenga, anesimba nouthende hukuru.

Dhuto. 28:49

Mambo Mwari unozounza dzinza rinobva kuretu kurwisana nemwi, rinobva kumagumo enyika, rinokasira kudai ngokumbururuka kwegodzi, iro dzinza ndimi yaro amuzoizwi;

Chakapangijihwa 1:7

Ringirai! Unouya nemakore; nemadziso eshe anozomuona, naavozve vakamubaya; nemadzinza eshe enyika anozobonda ngendaa yake. Eya, Ameni.