Jer. 4:1 - Bhaibheri Rakachena muChindau

¹ “Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Jer. 4:1 Iomraidhean Croise

Gen. 35:2

Ndizvo Jakobe wakati kunevemhatso yake, nokwavari veshe vaiya naye, “Rashai zvimwari zviri pakati penyu, mudzichenese ngokwenyu, musimire zvokusimira zvimweni.

2 Madzi. 23:13

Zvino mambo wakasvipisa ndau dzakakwirira dzaiya kumabvazuva kweJerusarema, idzo dzaiya ngokubani kwoMutunhu woKuparadzwa, idzo mambo Soromoni weIsuraeri dzaakaakira Ashithorethi chinyangadzo chevana vaSidhoni, Khemoshi chinyangadzo chevaMoabhi, naMirikhomu chinyangadzo chevana vaAmoni.

2 Madzi. 23:24

Zve Josia wakabvisa zveshe mweya yokubudirwa, n'anga, miedzaniso, zvithombe, nokushata kweshe ukwo kwakaoneka munyika yaJudha nomuJerusarema, kuti agwinyise mazwi omupango wakanyorwa mubhuku raakaona Hirikia mumhatso yaMambo Mwari.

2 MaKro. 15:8

Naapo Asa azwa mazwi aya, nezvakaprofetwa ndiAzaria mukororo waOdhedhi, wakashingiswa, akadusa miedzaniso inonyangadza kubva munyika yeshe yaJudha neyaBhenjamini, nokubva kumadhorobha eshe aakatora kubva kunyika yemitunhu yaEfuremu. Wakamusira arita raMambo Mwari iro raiya pamberi peruwanze rwemhatso yaMambo Mwari.

2 MaKro. 33:8

Andizodusi nakamwe rutsoka rwaIsuraeri kubva kunyika iyo yendakaemesera madzibaba enyu, kudai kwega vechizongwarira zveshe zvendakavapanga ndizvo, mipango yeshe, zvironzo nezviemeso, zvakaunzwa kubudikidza ndiMosi.”

2 MaKro. 34:33

Josia wakadusa zveshe zvinyangadzo kubva munyika dzeshe dzevana vaIsuraeri, naye wakaita veshe vaiya muIsuraeri kuti vadire Mambo Mwari, Mwari wavo. Mumazuva ake eshe okupona kwake avazi kupauka kubva mukuteera Mambo Mwari, Mwari wemadzibaba avo.

Isa. 31:6

Petukai kwaari uwo wemwakamukira, imwimwi vana vaIsuraeri.

Jer. 15:19

Izvi ndizvo zvinoronza Mambo Mwari, “Kudai wechitenderuka, ndinozokupetudza, newe unozoema pamberi pangu. Kudai wechiteketesa zvakanaka, haiwa zvakashata, unozoita kudai ngomuromo wangu. Ndivo vanozopetuka kwouri, haiwa iwewe kupetuka kwevari.

Jer. 15:4

Ndinozoita kuti vanyenywe kuumambo hweshe hwenyika ngendaa yaManase mukororo waHezekia mambo waJudha,” ngendaa yaakaita muJerusarema.

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 25:5

naapo vechiti, ‘Tenderukai zvino, imwimwi mweshe, umwe ngaumwe wenyu kubva kunjira yake yakashata nokubva kuzviito zvake zvakashata, mugare munyika yaakamupa Mambo Mwari nemadzibaba enyu, kubvira karetu mhera nariini;

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 3:14

“Petukai, imwimwi vana vasikagondi, unoronza Mambo Mwari, ngokuti ndini mambo wenyu; ndizomutora, umwe kubva mudhorobha, nevairi kubva mumhuri, neni ndinozomuunza Zioni.

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 4:4

Dzichekerenyi pachenyu kunaMambo Mwari, muduse ganda romwoyo yenyu, O vanhu vaJudha nevagari vomuJerusarema, nokuti ushungu hwangu hungabuda kudai ngomuriro, unopisha pasina naumwe ungaudzima ngendaa yezvakashata zvomunoita.”

Jer. 7:3

Mambo Mwari wehondo, Mwari waIsuraeri, unoronza izvi, ‘Nasirisai njira dzenyu nezviito zvenyu, neni ndinozomuita kuti mugare pandau iyi.’

Jer. 7:5

Ngokuti kudai mwechinasira yaamho njira dzenyu nezviito zvenyu, ngegwinyiso kudai mwechiitirana zvakanaka umwe kuneumweni,

Jer. 7:7

zvino ndinozogara nemwi mundau iyi, munyika yendakapa kumadzibaba enyu mhera nariini nariini.

Ezek. 11:18

Naapo vagumapo, vanozodusa kubva kweriri zviro izvo zveshe zvinonyenyesa, nazvo zveshe zvinonyangadza zvayo.

Ezek. 18:13

unokweretesa kuti auyirwe ngezvakawanda, unozopona here? Aazoponi. Waita zviro izvi zveshe zvinonyangadza; ngegwinyiso unozofa; ngazi yake inozogara padera pake.

Ezek. 43:9

Zvino ngavarashe uhure hwavo, nemiiri yemadzimambo avo yakafa, kuretu kubva kwendiri, neni ndinozogara pakati pavo mhera nariini.

Hos. 14:1

O Isuraeri, hwirira kunaMambo Mwari, Mwari wako, ngokuti wakawa ngokushata kwako.

Hos. 2:2

Potai mai enyu, potai; ngokuti aari mukadzi wangupi, neni andiri mwamuna wakepi. Ndizvo ngaarashe uhure hwake kubva pamberi pehope yake, nokuomba kwake kubva pakati pemazamo ake,

Hos. 7:16

Vanohwirira asi haiwa kuno UwoUripadera-pazveshe; vakadai ngouta hwakashata; vatongi vavo vanozowa ngeshoti ngendaa youshungu hworurumi rwavo. Ichi chinozoita kushoorwa kwavo munyika mweEgipite.”

Joeri 2:12

“Asi kunyazwi nazvino,” unoronza Mambo Mwari, “Petukai kwendiri ngomwoyo wenyu weshe, ngokuera kudya, ngokuchema nokubonda.”

Zek. 1:4

Musadai ngemadzibaba enyu, avo vevakadaidza kwevari vaprofeti vokutanga vechiti, ‘Unoronza izvi Mambo Mwari wehondo: Petukai zvino kubva kunjira dzenyu dzakashata, nokubva kuzviito zvenyu zvakashata. Asi avazi kuzwa, nokuti kupurutana kwendiri, unoronza Mambo Mwari.

Dhuto. 27:15

“Wakatukwa uwo munhu unozoita muedzaniso wakatsetswa, nokuti wakaumbwa, uri chinyangadzo kunaMambo Mwari, mushando womunhu unobheja, echiuisa mundau yakafishika.” Navanhu veshe vanozopingura vechiti, “Ameni!”

Dhuto. 4:30

Naapo muri mukutambudzika, neizvi zviro zveshe zvinozouya padera penyu ngemazuva achauya, munozopetuka kunaMambo Mwari, Mwari wenyu, mwechizopurutana izwi rake.

Josh. 24:14

“Ndizvo zvino ityai Mambo Mwari, mumushandire musina ndemo ngegwinyiso; murashe zvimwari izvo zvakashandirwa ngemadzibaba enyu ngoruseri rworwizi nomuEgipite, mumushandire Mambo Mwari.

Vato. 10:16

Navo vakarasha kubva pakati pavo zvimwari zvipara vakamudira Mambo Mwari; nomweya wake wakatambudzika ngendaa yokutambudzwa kwevaIsuraeri.

1 Sam. 7:3

Zvino Samueri wakaereketa kumhatso yeshe yaIsuraeri echiti, “Kuti mwechihwirira kunaMambo Mwari ngomwoyo wenyu weshe, zvino rashai zvimwari zvipara naAshitharothi kubva pakati penyu. Mwechiemesa mwoyo yenyu kunaMambo Mwari, nokumushandira iye ega, naye unozomununura kubva munyara dzevaFiristia.”