Jer. 39:9 - Bhaibheri Rakachena muChindau

⁹ Zvino Nebhuzaradhani nduna yevarindi wakatora kuenda Bhabhuroni veshe vevanhu, avo vakasiyiwa mudhorobha, kuvaita vabatwa, naavozve vakatiza kuenda kwaari, pamwepo nevanhu vakasaramwo.

Jer. 39:9 Iomraidhean Croise

Gen. 37:36

VaMidhiani vakamutengesa muEgipite kunaPotifa, nduna huru yaFaro, yaiya nduna yemajoni.

2 Madzi. 20:18

Vamweni vevakororo vako, avo vanoberekwa ndiwe, vanozotorwa; vanozoitwa mitenwa mungome yamambo weBhabhuroni.”

2 Madzi. 25:11

Nebhuzaradhani nduna yevarindi wakavatora kuenda navo vanhu avo vakasara mudhorobha, nevaiya vatiza vakadzitura kunamambo weBhabhuroni, veshe vakasara vembungano.

2 Madzi. 25:20

Nebhuzaradhani nduna yevarindi yakavatora, yakavaunza kunamambo weBhabhuroni muRibra.

Isa. 5:13

Ndizvo vanhu vangu vanoenda muubatwa ngokutama kuzia, nevanhu vavo vanoremeredzwa vanofa ngenzara, nechiunga chavo chinopera ngenyota.

Jer. 10:18

Ngokuti ndizvo izvi zvinoronza Mambo Mwari: “Ringirai, ndinozorasha kubanze avo vanogara munyika iyi ngouyu mukuwo, ndichaunza dambudziko padera pavo, kuti vazvione.”

Jer. 16:13

Ndizvo ndinozomubvisa kuneiyi nyika kuenda kunyika yomusikazi kuizia, imwimwi nokuti madzibaba enyu; iyoyo munozodira zvimwari zvimweni masikati nousiku, apo pendisikazomuitiri nyasha.’

Jer. 24:8

“Asi izvi ndizvo zvinoronza Mambo Mwari, ‘Kudai ngemaonde akashata, akashata asikadyiki, ndizvo zvendinozoitira Zedhekia, mambo waJudha, vatongi vake, vakasara veJerusarema, avo vakasara munyika iyi, naavo vanogara munyika yeEgipite.

Jer. 38:19

Mambo Zedhekia wakati kunaJeremia, “Ndinotya vaJudha avo vakadzipira kuvaKharadhea, kuti vanozondipira munyara dzavo, navo vanozondiitira zvakashata.”

Jer. 40:1

Izwi rakauya kunaJeremia rechibva kunaMambo Mwari, ngesure kwokusunungurwa kwake kuti aende kubva Rama ndiNebhuzaradhani nduna yevarindi, apo akamutora akasungwa ngemanguri pakati paavo veshe vakatorwa kuitwa vabatwa veJerusarema neveJudha, avo vakatorwa kuenda Bhabhuroni kooizwa vabatwa.

Jer. 40:7

Naapo nduna dzeshe dzehondo dzaiya murubaya, nezvikwata zvadzo, dzazwa kuti mambo weBhabhuroni waiya aemesa Gedharia mukororo waAhikamu kuti aite mutongi munyika, naye wakaemesa kwaari vamuna, vakadzi nevana, varombo venyikeyo, avo vasikazi kutorwa kuitwa vabatwa kuBhabhuroni,

Jer. 52:26

Zvino Nebhuzaradhani nduna huru yevarindi wakavatora, akavaunza Ribra kunamambo weBhabhuroni.

Jer. 52:27

Namambo weBhabhuroni wakavachaya, akavauraya paRibra munyika yeHamathi. Ndizvo Judha wakapinda muusungwa kuitwa hloko kubanze kwenyika yake.

Dha. 2:14

Zvino Dhanieri wakapingura ngokuzia nokungwara kunaAriokhi, nduna yevangwariri vamambo, iyo yakabuda koouraya vanhu vakangwara veBhabhuroni.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.

Dhuto. 4:27

Mambo Mwari unozomuparadzira mukati mwemadzinza eshe; munozosara muri vashomani pakati pevasikadiri Mwari, kundau dzaanozomuisa Mambo Mwari.