Jer. 39:8 - Bhaibheri Rakachena muChindau

⁸ VaKharadhea vakapisha mhatso yamambo nemhatso dzevanhu ngomuriro; vakaputsira pashi marukumbati eJerusarema.

Jer. 39:8 Iomraidhean Croise

2 Madzi. 25:8

Mumwedzi wechishanu ngezuva rechinomwe romwedzi, raiya gore regumi nemapfumbamwe rokutonga kwaNebhukhadhineza mambo weBhabhuroni, wakauya Nebhuzaradhani, nduna yevarindi, muranda wamambo weBhabhuroni, wakauya Jerusarema.

2 MaKro. 36:19

Vakapisha mhatso yaMwari, vakaputsira pashi rukumbati rweJerusarema, vakapisha ngome dzaro dzeshe ngomuriro, vakaparadza zvidziyo zvaro zveshe zvaiya zvakanaka.

Neh. 1:3

Vakapingura vechiti, “Vakasara munyikemwo vari mukutambudzika kakurutu nokutsverudzwa; rukumbati rweJerusarema rwakaputsikira pashi, nemisiwo yarwo yakapishwa ngomuriro.”

Nduyo 79:7

ngokuti vakaparadza Jakobe, vakaita matongo ugaro hwake.

Isa. 5:9

Mambo Mwari wehondo unopika mukuzwa kwenzee dzangu, “Ngegwinyiso mhatso dzakawanda dzinozoita matongo, dzakakura nokunaka, dzisina vanhu.

Jer. 17:27

Asi kuti musikapurutani kwendiri, musikaremeredzi zuva reSabatha rakachena nokusikatwara mutwaro mwechipinda ngepamisiwo yeJerusarema ngezuva reSabatha, zvino ndinozobasa muriro pamisiwo yaro, nawo unozopedza ngome dzeJerusarema usikazodzimwi.’ ”

Jer. 21:10

Ngokuti ndakaemesa hope yangu kurwisa iri dhorobha ngendaa yokushata, haiwa ngendaa yokunaka,” unoronza Mambo Mwari. “Rinozopirwa munyara yamambo weBhabhuroni, naye unozoripisha ngomuriro.”

Jer. 32:29

VaKharadhea vanorwa nedhorobha iri vanozouya, vabase muriro padera paro nokuripisha, nemhatso idzo dzevakapishira mutombo unegwema padera pamatenga adzo kunaBhaari, vakadurura midiro yokumwa kunezvimwari zvimweni kunditsenesa.

Jer. 34:2

“Izvi ndizvo zvinoronza Mambo Mwari, Mwari waIsuraeri echiti, ‘Enda uerekete kunaZedhekia mambo waJudha, wechimuronzera kuti, izvi ndizvo zvinoronza Mambo Mwari: Ringira, ndinozopa iri dhorobha munyara yamambo weBhabhuroni, naye unozoripisha ngomuriro.’

Jer. 34:22

Ringira, ndinozopanga, unoronza Mambo Mwari, naye unozovapetudza kuiri dhorobha; navo vanozorirwisa nokuritora, nokuripisha ngomuriro. Madhorobha aJudha ndinozoaita matongo, asina unogaremwo.”

Jer. 37:10

Kunyazwi mukanyisa hondo yeshe yevaKharadhea, iyo inorwa nemwi, apo panozosara vamweni vavo vakaremadzwa mumatende avo, vanozomiruka umwe ngaumwe kubva kutende rake, nokupisha dhorobha iri ngomuriro.”

Jer. 38:18

Asi kudai usikazodzipiri kuvatongi vamambo weBhabhuroni, dhorobha iri rinozopirwa munyara yevaKharadhea, navo vanozoripisha ngomuriro, newe auzopokonyoki kubva munyara yavo.”

Jer. 5:10

Kwirai ngomumisara yemivhini mwechiriparadza yaamho asi musapedza reshe; dusai matai aro, ngokuti aasiri aMambo Mwari akadi.

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Chi. 1:10

Gaa rakatambanudza nyara dzaro padera pezviro zvaro zveshe zvinomutengo mukurutu; ratoona madzinza echipotera mundau dzaro dzakacheneswa, avo vewakaereketa ndivo kuti vasapotera mumishongano yako.

Chi. 2:2

Mambo Mwari wakaparadza asikakunguriri ugaro hweshe hwaJakobe, muushungu hwake wakandira pashi marukumbati emwanasikana waJudha; wadzasa pashi pamavhu mukutsverudza umambo nevatongi vahwo.

Chi. 2:7

Mambo Mwari waramba arita rake, akanyenya ndau yake yakachena; wapira munyara dzemagaa marukumbati engome dzaro; vaita bope mumhatso yaMambo Mwari, kudai ngezuva redhiri rakaemeswa.

Ezek. 16:41

Vanozopisha mhatso dzako ngomuriro, nokukutonga mukuona kwevakadzi vazhinji; ndinozokuita kuti urekere uhure hwako, newe auchazobhadhari chiro nakamwe.

Ezek. 23:47

Chikwata chinozovaponda ngemapuwe, ngeshoti dzavo vanozovatemera pashi; vanozouraya vakororo vavo nevanasikana vavo, nokupisha mhatso dzavo ngomuriro.

Ezek. 33:21

Mugore regumi nemairi ouhloko hwedu, mumwedzi wegumi, ngezuva rechishanu romwedziwo, umwe wakapokonyoka kubva Jerusarema, wakauya kwendiri echiti, “Dhorobha ranyiswa.”

Amo. 2:5

Ndizvo ndinozotumira muriro padera paJudha, nawo unozopedza ngome dzeJerusarema.”

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.