Jer. 39:2 - Bhaibheri Rakachena muChindau

² Mugore regumi narimwe rokutonga kwaZedhekia, mumwedzi wechirongomuna, ngezuva rechipfumbamwe romwedziwo, rusvingo rwedhorobha rwakapwanyirwa pashi. Apo perakatorwa Jerusarema,

Jer. 39:2 Iomraidhean Croise

Jer. 1:3

Rakauyazve ngamazuva amambo Jehoiakimu, mukororo waJosia weJudha, metsa kuguma gore regumi narimwe ramambo Zedhekia mukororo waJosia weJudha, metsa mukuwo wokutorwa kweJerusarema kuitwa hloko ngomwedzi wechishanu.

Jer. 32:1

Izwi rakauya kunaJeremia kubva kunaMambo Mwari mugore rechigumi raZedhekia mambo waJudha, iro raiya gore regumi nemasere raNebhukhadhineza.

Jer. 34:22

Ringira, ndinozopanga, unoronza Mambo Mwari, naye unozovapetudza kuiri dhorobha; navo vanozorirwisa nokuritora, nokuripisha ngomuriro. Madhorobha aJudha ndinozoaita matongo, asina unogaremwo.”

Jer. 37:8

NevaKharadhea vanozopetuka nokurwisa iri dhorobha; vanozorinyisa nokuripisha ngomuriro.

Jer. 5:10

Kwirai ngomumisara yemivhini mwechiriparadza yaamho asi musapedza reshe; dusai matai aro, ngokuti aasiri aMambo Mwari akadi.

Ezek. 33:21

Mugore regumi nemairi ouhloko hwedu, mumwedzi wegumi, ngezuva rechishanu romwedziwo, umwe wakapokonyoka kubva Jerusarema, wakauya kwendiri echiti, “Dhorobha ranyiswa.”

Ezek. 4:3

Zvino dzitorere ndiro yesimbi, uemese kudai ngorukumbati rwesimbi pakati pako nedhorobha; uemese hope yako kweriri, naro ngariwe nechiemo chokukombwa, iwewe rikombe. Ichi chinozoita chioniso kunevemhatso yaIsuraeri.

Ezek. 5:2

Unozopisha rupande rwaro rwechitatu ngomuriro mukati mwedhorobha, apo mazuva okukombiwa apera; unozotora rupande rumweni rwechitatu rwaro, nokuruchaya ngeshoti kutendenedza dhorobha; norupande rwechitatu rumweni unozoparadzira mudutu, neni ndinozoshwamura shoti sure kwaro.

Zef. 1:10

“Pazuva iro,” unoronza Mambo Mwari, “Kunozoapo bope rokuchema kubva kuMusiwo Hove, kuboorera kubva kurutii rwechipiri, kupwanyiwa kukurutu kubva kuzvimitunhu.

Zek. 8:19

“Izvi ndizvo zvinoronza Mambo Mwari wehondo: Kuera kudya mwedzi wechirongomuna, nokuera kudya kwemwedzi wechishanu, nokuera kudya kwemwedzi wechinomwe, nokuera kudya kwemwedzi wegumi, kunozoita kumhatso yaJudha kudakara nokudakadzwa, kudya kwakawanda kunodakadza; ndizvo idai gwinyiso nokunyarara.”