Jer. 38:9 - Bhaibheri Rakachena muChindau

⁹ “Mambo wangu, mambo, vanhu ava vaita zveshe zvakashata kunaJeremia muprofeti ngokumukandira murindi, kuti afiremwo ngenzara, ngokuti akuchina kudya mudhorobha.”

Jer. 38:9 Iomraidhean Croise

Jobe 31:34

ngokuti ndakaema ndechityiswa kakurutu ngembungano huru, ngokushoorwa kwemhuri kwakandityisa, ndizvo ndakanyarara, andizi kubuda kubanze.

Jer. 19:9

Ndinozoita kuti vadye nyama yevakororo vavo neyevanasikana vavo, navo veshe umwe ngaumwe unozodya nyama yomuakirwana wake ngomukuwo wokukombiwa newokutyiswa, ukwo magaa avo neavo vanotsvaka kuvauraya vanozovatyisa ndikwo.’

Jer. 37:21

Ndizvo Zedhekia mambo wakapanga kuti vaunze Jeremia muruwanze rwevarindi, nokumupa mazuva eshe chingwa kubva kumhatso dzevabiki, metsa zvingwa zveshe zvomudhorobha zvapera. Ndizvo Jeremia wakagara muruwanze rwevarindi.

Jer. 38:10

Zvino mambo wakapanga Ebhedhimerekhi muEthiopia echiti, “Tora vamuna vatatu kubva panapa, uende navo mubudise muprofeti Jeremia kubva murindi, asati afa.”

Jer. 38:8

Ndizvo Ebhedhimerekhi wakabuda kubva kumhatso yamambo, akaereketa kunamambo echiti,

Jer. 39:17

Asi ndinozokuponesa ngeiro zuva, unoronza Mambo Mwari, auzopirwi munyara dzavanhu vounotya.

Jer. 52:6

Pazuva rechipfumbamwe romwedzi wechirongomuna nzara yakashata yakauya mudhorobha, ndizvo mwaiya musichina kudya kwevanhu veiyi nyika.

Chi. 1:11

Vanhu varo veshe vanogwimba, apo vanotsvaka chokudya; vanotengesa zviro zvavo zvinomutengo mukurutu kutenga kudya kuti vapone. “Ringira, O Mambo Mwari, uone kushoorwa kwendinoitwa.”

Chi. 3:53

Vakandikandira murindi ndechipona, vakakandira mapuwe padera pangu.