Jer. 38:4 - Bhaibheri Rakachena muChindau

⁴ Zvino vatongi vakati kunamambo, “Munhu uyu unosisira kuti aurawe, ngokuti unopedza simba renyara dzevamuna vokurwa vanosiyiwa mudhorobha iri, nenyara dzavanhu veshe, ngokuereketa mazwi akadai kwevari. Ngokuti munhu uyu aatsvaki kugarisika kwavanhu ava, asi kuremadzwa kwavo.”

Jer. 38:4 Iomraidhean Croise

1 Madzi. 21:20

Ahabhi wakapingura Erija echiti, “Wazondiona, iwewe gaa rangu here?” Naye wakapingura, “Eya, ndakuona, ngokuti iwewe wakadzitengesa kuita zvakashata mukuona kwaMambo Mwari.

2 MaKro. 24:21

Asi vakapangana kumumukira, ngokupanga kwamambo vakamuponda ngemapuwe muruwanze rwemhatso yaMambo Mwari.

Ezura 4:12

Nazvino ngazviziikanwe kunamambo kuti vaJudha avo vakakwira kubva kwouri vakauya kwetiri vakapetuka Jerusarema. Vanoakisa dhorobha iro rinomukira rakashata; vaakupedza marukumbati nokuakisa matsikiro.

Neh. 6:9

Ngokuti veshe vaida kutityisidzira, vechipinimidza kuti, “Nyara dzavo dzinozopera simba mumushando, kuti usachazoshandwa.” Asi zvino, A Mwari wangu, gwinyisa nyara dzangu.

EKISEDHUSI 5:4

Asi mambo weEgipite wakati kwavari, “Imwimwi Mosi naAroni, ngenyi mwechitora vanhu kubva kumishando yavo? Endai kumishando yenyu!”

Jer. 11:21

Ndizvo izvi zvinoronza Mambo Mwari ngevanhu veAnathothi, avo vanotsvaka kukuuraya vechiti, “Usazoprofeta ngezina raMambo Mwari kuti usafa ngenyara dzedu.”

Jer. 18:23

Asi iwewe, O Mambo Mwari, unozia bangano ravo reshe rokuda kundiuraya. Usakungurira kushata kwavo, usadzima zvishaishi zvavo kubva kuhope yako. Ngavarigwe pashi pamberi pako; ita izvi kwevari ngomukuwo wokunyangadzwa kwako.”

Jer. 26:11

Zvino vapristi nevaprofeti vakaereketa kuvatongi nokuvanhu veshe vechiti, “Uyu munhu unosisa kufa, ngokuti waprofeta zvinorwisana nedhorobha iri, kudai ngezvamwadzizwira ngenzee dzenyu.”

Jer. 29:7

Asi tsvakai kunyarara kweiro dhorobha, umwo mwendakaita kuti mutorwe kuenda kooitwa vabatwa, murikumbirire kunaMambo Mwari, ngokuti mukunyarara kwaro munozoona kunyarara kwenyu.

Jer. 38:16

Ndizvo mambo Zedhekia wakapika ngokufishika kunaJeremia echiti, “Kudai ngezvaanopona Mambo Mwari, uwo wakatisika unotipa kupona kwedu, andizokuurayi nokuti kukupa munyara mwevanhu avo vanotsvaka kukuuraya.”

Jer. 38:25

Kuti vatongi vakazwa kuti ndaereketa newe, vakauya kwouri vechiti, ‘Tiziise zvewaronza kunamambo, nezvaakuronzera mambo; usatifishira, nesu atizokuurayi,’

Jer. 43:3

Asi Bharukhi mukororo waNeria ndiye unokuchengedzera kurwisana nesu kuti tipirwe munyara dzevaKharadhea, kuti vatiuraye nokuti kutitora kuenda Bhabhuroni kooitwa vabatwa.”

Ezek. 22:27

Vatongi varo vari mukati mwaro vakadai ngemakava anobvajura zvokudya, kuparadza ngazi nokuuraya vanhu kuti vaone kuuyirwa kusikagondeki.

Amo. 7:10

Zvino Amazia mupristi weBhetheri wakatumira kunaJerobhoamu mambo waIsuraeri echiti, “Amosi wakaita bangano ndiwe pakati pemhatso yaIsuraeri; nyika aikoni kutwara mazwi ake eshe.

Ruka 23:2

Navo vakatanga kumuitira ndaa vechiti, “Takamuona uyu munhu echipaukisa dzinza redu, echirambidza kuti chibharo chisabhadharwa kunaSiza, echironza kuti iye emene ndiKristu, mambo.”

Zvak. 16:20

Naapo vavaunza pavatongi vakuru, vakati, “Ava vanhu vaJudha vanoshaishira dhorobha redu.

Zvak. 17:6

Naapo vasikavaoni, vakakweya Jasoni nehama dzimweni nokuvaunza pamberi pevatongi vedhorobha, vechidaidzira vechiti, “Ava vanounza madambudziko munyika, vatogumawo muno.

Zvak. 24:5

Ngokuti takaona uyu munhu kuti wakashata yaamho, unomusa bope pakati pevaJudha veshe munyika dzeshe, nomutungamiriri wechikwata chevaNazaretha.

Zvak. 28:22

Asi tinodisisa kuzwa ndiwe izvo zvounopinimidza; ngokuti ngendaa yechiunga ichi, kunoziikanwa kwetiri kuti kundau dzeshe chinoereketwa zvakashata ndicho.”