Jer. 36:3 - Bhaibheri Rakachena muChindau

³ Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 36:3 Iomraidhean Croise

Neh. 1:9

asi kudai mwechizotenderukira kwendiri nokungwarira mipango yangu, mwechiita; kunyazwi varipo vari venyu vakapararira kumagumo enyika, ndinozovaunganidza kubvayo, ndinozovaunza kundau yendakatsanangura kuisa zina rangupo.’

Nduyo 139:24

Wona kuti iripo here njira yakashata mukati mwangu, undikweere munjira yemhera nariini. KuneMutungamiriri woKuemba. Nduyo yaDhavhidha.

Isa. 6:10

Kodza mwoyo yevanhu ava, utsiire nzee dzavo, upofomadze madziso avo; kuti vasaona ngemadziso avo, nokupurutana ngenzee dzavo, nokuzwisisa ngomwoyo yavo, vatenderuke, vatambiswe.”

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 18:8

asi kudai iro dzinza, rendakaereketa ndiro rikatenderuka kubva mukushata kwaro, ndinozorekera kuita kushata kwendakapinimidza kuita padera paro.

Jer. 23:14

Asi muvaprofeti veJerusarema ndaona chiro chine tsvina: vanoomba, nokuhamba mumanyepo; vanogwinyisa nyara dzevaiti vezvakashata, kuti kutamike naumwe unopetuka kubva mukushata; veshe vakadai ngeSodhoma kwendiri, nevanogaremwo vakadai ngeGomora.

Jer. 24:7

Ndinozovapa mwoyo wokundizia, kuti ndini Mambo Mwari; navo vanozoita vanhu vangu, neni ndinozoita Mwari wavo, ngokuti vanozopetuka kwendiri ngomwoyo wavo weshe.

Jer. 26:3

Pamweni vanozopurutana veshe, nokutenderuka umwe ngaumwe kubva kunjira yake yakashata, kuti ndirekere kushata kwendinoronga kuunza padera pavo ngendaa yezviito zvavo zvakashata.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 36:7

Pamweni vanozouya koopota kunaMambo Mwari nokutenderuka, umwe ngaumwe kubva kunjira yake yakashata, ngokuti kutseneka noushungu hwakashata zvaakaronza Mambo Mwari kunevanhu ava zvikuru.”

Ezek. 12:3

Ndizvo, mukororo womunhu, dzirongedzere nhunduru dzoubatwa, uende muubatwa masikati mukuona kwavo; unozoenda kudai ngomubatwa kubva kundau yako uende kundau imweni mukuona kwavo. Pamweni vangazozwisisa, kunyazwi imhatso inomukira.

Ezek. 18:23

Ndine kudakara here mukufa kwouwo wakashata, ” unoronza Mambo Mwari, Mwari: “Haiwa kuti atenderuke kubva munjira dzake, apone?

Zef. 2:3

Tsvakai Mambo Mwari, imwimwi mweshe mwakapfaa venyika, vanoita kupanga kwake; tsvakai kururama, tsvakai kupfaa; pamweni mungafishwa ngezuva roushungu hwaMambo Mwari.

Mateu 13:15

Ngokuti mwoyo yaavo vanhu yakaita gwizhimbira, nenzee dzavo dziri madziiranzee, nemadziso avo akatswatira, kuti pamweni vangazoona ngemadziso avo, vazwe ngenzee dzavo nokuzwisisa ngemwoyo yavo, vatenderuke, neni ndivaponese.’

Marku 4:12

kuti vechiona vangaona vasikaonesesi, vechizwa vangazwa vasikazwisisi, kuti pamweni vangatenderuka, nokushaisha kurekererwe kwavari.”

Ruka 20:13

Naapo mambo womunda wemivhini wakati, ‘Ndinozoitenyi? Ndinozotuma mukororo wangu unodikanwa; pamweni vanozomuremeredza.’

Zvak. 26:18

kubeura madziso avo nokuvatenderudza kuti vabve muchidima, vapotere mukujeka, nokubva kusimba raSathani kuuya kunaMwari, kuti vaashire kukungurirwa kwezvishaishi, kuti vagare nhaka mukati mweavo vakacheneswa ngokugonda kwendiri.’

Zvak. 26:20

asi ndakatanga kuchumaira kwavari veshe veDhamasekusi nomuJerusarema nomunyika mweshe mweJudhia nokunevemadzinza kuti vatenderuke, vakunukukire kunaMwari, vechiita mishando inosisira kutenderuka kwavo.

Zvak. 28:27

Ngokuti mwoyo yeava vanhu yakakonza nenzee dzavo adzizwisisi nemadziso avo vakatswatira; kuti vasazoona ngemadziso avo, vazwe ngenzee dzavo, nokuzwisisa ngomwoyo yavo, vatenderuke, neni ndivaponese.’

Zvak. 3:19

Ndizvo tenderukai mukunukukire kunaMwari kuti zvishaishi zvenyu zvitsukutidzwe,

Dhuto. 30:2

tenderukirai kunaMambo Mwari, Mwari wenyu, nokupurutana izwi rake kudai ndizvo zveshe zvendinomupanga ngezuva ranyamashi, imwimwi nevana venyu, ngomwoyo yenyu yeshe, nomweya yenyu yeshe.

Dhuto. 30:8

Zvino munozopetuka nokupurutana izwi raMambo Mwari, nokuita yeshe mipango yake yendinomupanga nyamashi.

Dhuto. 5:29

A kudai kungaapo mukati mwavo mwoyo wokunditya, nokungwarira mukuwo weshe mipango yangu yeshe, kuti zvinake kwavari, nokuvana vavo kunoti mhera nariini!

2 Pet. 3:9

Mambo aanonoki kuita chigondiso chake, kudai ngenjira yevanoti vamweni unononoka, asi unosengerera kwomuri, asikadi kuti naumwe arashwe, asi kuti veshe vatenderuke.

1 Sam. 7:3

Zvino Samueri wakaereketa kumhatso yeshe yaIsuraeri echiti, “Kuti mwechihwirira kunaMambo Mwari ngomwoyo wenyu weshe, zvino rashai zvimwari zvipara naAshitharothi kubva pakati penyu. Mwechiemesa mwoyo yenyu kunaMambo Mwari, nokumushandira iye ega, naye unozomununura kubva munyara dzevaFiristia.”