Jer. 34:5 - Bhaibheri Rakachena muChindau

⁵ unozofa mukunyarara. Kudai ngezvekwaiya nokupishwa kwomutombo unegwema rakanaka kupishira madzibaba ako, madzimambo okutanga pamberi pako, ndizvo vanozoupishira iwewe; navo vanozokuchema vechiti, ‘Yoowe! Mambowee!’ Ngokuti ndaereketa izwi, unoronza Mambo Mwari.”

Jer. 34:5 Iomraidhean Croise

2 Madzi. 22:20

Ndizvo ringira, ndinozokuunganidza kunemadzibaba ako, newe unozounganidzwa muiba rako mukunyarara; madziso ako aazooni kutambudzika kweshe kwendinozounza padera pendau iyi.’ ” Ndizvo vakaunzazve kunamambo mazwi aya.

2 MaKro. 16:14

Vakamutsira muiba rake, raakadziitira emene mudhorobha raDhavhidha. Vakamuradzika mumubhedhi uwo waiya unemakha anegwema rakanaka, nembeu dzakaparadzana dzemitombo inegwema rakanaka yakanasirwa ngenyanga inozia mitombo; navo vakamuitira muriro mukurutu kumuremeredza.

2 MaKro. 34:28

Ringira, ndinozokuunganidza kunemadzibaba ako, newe unozoikwa muiba rako mukunyarara; madziso ako aazooni iri dambudziko reshe rendinozounza padera peiyi ndau, nepadera pevagari vayo.’ ” Ndizvo vakapetuka neizwi kunamambo.

Jer. 22:18

Izvi ndizvo zvinoronza Mambo Mwari ngendaa yaJehoiakimu, mukororo waJosia mambo waJudha: “Avazomuchemi vechiti, ‘Yoowe, hama yangu!’ Nokuti, ‘Yoowe, hanzvadzi yangu!’ Avazomuchemi vechiti, ‘Yoowe, mambo!’ Nokuti, ‘Yoowe, ukuru hwake!’

Jer. 34:4

Asi izwa izwi raMambo Mwari, O Zedhekia mambo waJudha; izvi ndizvo zvinoronza Mambo Mwari ngendaa yako: Auzofi ngeshoti,

Chi. 4:20

Wakadzodzwa waMambo Mwari, femero rokupona kwedu, wakabatwa ngehunza dzavo, umwe uwo wetakati ndiye, “Pashi pebvute rake tinozopona pakati pemadzinza.”

Ezek. 17:16

“Kudai ngezvendinopona,” unoronza Mambo Mwari, Mwari, “Ngegwinyiso mundau yaanogara mambo, uwo wakamuita mambo, uwo mhiko yake yaakashoora, nechitenderano chake naye chaakagura, muBhabhuroni unozofa.

Dha. 2:46

Zvino mambo Nebhukhadhineza wakawa ngehope, akadira Dhanieri, akapanga kuti mudiro wezviyo upirwe newezvinegwema rakanaka uitwe kwaari.

1 Sam. 31:12

Ngwazi dzeshe dzakamiruka, dzakahamba usiku hweshe, dzakatora muiri waSauri, nemiiri yevakororo vake kubva parukumbati rweBhethishani. Vakauya Jabheshi, vakaipishapo.