Jer. 33:4 - Bhaibheri Rakachena muChindau

⁴ Ngokuti izvi ndizvo zvinoronza Mambo Mwari, Mwari waIsuraeri, ngendaa yemhatso dzedhorobha iri, nemhatso dzemadzimambo aJudha, idzo dzakaputsirwa pashi kudzirwira naavo vakaaka mirwi yamavhu, pamberi peshoti.

Jer. 33:4 Iomraidhean Croise

Isa. 22:10

Mwakaerenga mhatso dzeJerusarema, mwakaputsa mhatso kuti mugwinyise marukumbati.

Isa. 32:13

ngendaa yeivhu ravanhu vangu munomera minzwa nemakato, eya, ngendaa yemhatso dzeshe dzokudakara mudhorobha rokudakara.

Isa. 32:14

Ngokuti ngome inozosiiwa, dhorobha rinevanhu vazhinji rinozotizwa; mutunhu nemarusvingo okurinda zvinozoita mapako mhera nariini, kudakara kwedhuba, kumafuro ezvifuyo,

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 6:6

Ngokuti izvi ndizvo zvinoronza Mambo Mwari wehondo, “Temerai pashi miti yaro; mushoshere Jerusarema. Ndiro dhorobha; rinosisira kuororwa; amuna chiro chirimwo, asi kuripo kutambudza kukurutu pakati paro.

Chi. 2:7

Mambo Mwari waramba arita rake, akanyenya ndau yake yakachena; wapira munyara dzemagaa marukumbati engome dzaro; vaita bope mumhatso yaMambo Mwari, kudai ngezuva redhiri rakaemeswa.

Ezek. 21:22

Munyara yake yokumudyo munebhighidha reJerusarema, apo paanoemesa zvokuputsisa, kubeura muromo kudaidzira mukuuraya, kumirudza izwi kudaidzira, kuemesa miti yokuputsa marukumbati pamisiwo, kuaka marukumbati, nokuaka thawa.

Ezek. 26:8

Vanasikana vako, madhorobha ari munyika, unozouraya ngeshoti. Unozokuemesera rusvingo rwokurwa newe, unozoemesa mirwi yemavhu kurwa newe, nokumirudza denga rezvihlangu kurwa newe.

Ezek. 4:2

urikombe ngorukumbati, uake rukumbati rwokurwa naro, uemese kweriri murwi wokurwa naro; uemese matende okurwa naro, udzimike matanda okuputsa rukumbati ndiwo kuritendendza.

HABHAKUKI 1:10

Kumadzimambo vanoadadira, vatongi vanovaita chishekedzo. Vanosheka rusvingo rweshe, nokuita mirwi yemavhu kurutora.

Dhuto. 20:20

Kwega miti iyo yomunozoita kuti aibereki michero yokudya, ndiyo yomunozotemera pashi ipere; ngeiyo munozoaka rushosha kudhorobha iro romunorwa naro, metsa rinyiswe.