Jer. 32:9 - Bhaibheri Rakachena muChindau

⁹ Ndakatenga munda waHanameri mukororo wasekuru angu waiya muAnathothi, ndikamupimira mare yaiya zvigurwa zvesirivha gumi nazvinomwe.

Jer. 32:9 Iomraidhean Croise

Gen. 24:22

Naapo makamera apedza kumwa, wakatora mhete yomukore ine hafu yeshekeri kurema kwayo, nemabhengere mairi omumioko yake anoita mashekeri gumi omukore kurema kwawo.

Gen. 37:28

Zvino vaMidhiani vatengisi vakapinda ndipo; navo vakakweya nokubudisa Josefa kubva murindi, vakatengesa Josefa kuvaIshumaeri ngezvigurwa zvesirivha makumi mairi (20), vakaunza Josefa muEgipite.

1 Madzi. 20:39

Naapo mambo echipinda, wakadaidzira kunamambo echiti, “Muranda wako wakaenda koorwa; ringira, munhu wakapauka parutii wakaunza munhu kwendiri echiti, ‘Ngwarira uyu munhu, kudai echizotamika, naapo kupona kwako kunozodai ngokwake, nokuti unozoripa ngetarenta resirivha.’

Neh. 5:15

Asi vakatanga pamberi pangu vakaita mutwaro unorema kuvanhu, vakatora kubva kwevari zvokudya nevhini, ngapabanze pezvigurwa zvesirivha makumi marongomuna. Kunyazwi nevaranda vavo vakatwarisa padera pevanhu avo mitwaro inorema. Asi inini andizi kuita kudaro ngokuti ndinomutya Mwari.

Esita 3:9

Kudai zvechidakadza mambo, ngakuemeswe mutemo wokuurawa kwavo: neni ndinozobhadhara makhirogramu mazana matatu nemakumi marongomuna emakumi emazana (340,000) esirivha munyara dzaavo vanoita uwo mushando, kuti vaaise muupfumi hwamambo.”

EKISEDHUSI 21:32

Kudai kabi yechitunga hloko, mwamuna nokuti mukadzi, tenzi wayo unozopa kunaMambo wouwo munhu zvigurwa zvesirivha makumi matatu, nekabi inozopondwa ngemapuwe.

Isa. 55:2

Ngenyi wechipedza mare yako ngeizvo zvisiri kudya, nomushando wako weizvo zvisikagutsi? Nasa kupurutana kwendiri, udye izvo zvakanaka, nemweya yako ngaudakadzwe ngezvakakora.

Ezek. 4:10

Kudya kwako kwounodya unozopimirwa magramu ezvingwa anoita mazana mairi nemakumi matatu (230) ngezuva; ngemikuwo yakaemeswa unozochidya.

Hos. 3:2

Ndizvo ndakamutenga ngezvigurwa zvesirivha gumi nezvishanu, nedengu rebare, nechipimo chevhini.