Jer. 32:8 - Bhaibheri Rakachena muChindau

⁸ Ndizvo Hanameri mukororo wasekuru angu wakauya kwendiri muruwanze rwevarindi, kudai ngezverakatonga izwi raMambo Mwari, akati kwendiri, “Tenga munda wangu uri muAnathothi munyika yaBhenjamini, ngokuti maruramiro okugara nhaka nokuusunhura ngezvako; dzitengere pachako.” Zvino ndakazia kuti izwi raMambo Mwari.

Jer. 32:8 Iomraidhean Croise

1 Madzi. 2:26

Mambo wakati kunaAbhiatha mupristi, “Miruka, uende Anathothi kunyika yako; ngokuti iwewe unosisira rufu. Asi zvino andizokuurayi, ngokuti wakatwara bhokisi rechitenderano chaMambo Mwari pamberi paDhavhidha baba angu, ngokuti wakatambudzwa ngezveshe zvaakatambudzwa ndizvo baba angu.”

1 Madzi. 22:25

Mikhaia wakati, “Ringira, unozoona ngezuva rounozoenda koodzifisha mukamera romukati.”

1 MaKro. 6:60

Kubva kudzinza raBhenjamini, Gebha nenyika yayo yemafuro, Aremethi nenyika yayo yemafuro, neAnathothi nenyika yayo yemafuro. Madhorobha avo eshe mukati mwemadzinza avo aiya madhorobha gumi namatatu.

Jer. 1:1

Mazwi aJeremia, mukororo waHirikia, wevapristi vaiya muAnathothi, munyika yaBhenjamini.

Jer. 32:2

Ngouwo mukuwo hondo yamambo weBhabhuroni yaitendenedza Jerusarema, naJeremia muprofeti wakakonyerwa muruwanze rwevarindi, rwaiya mungome yamambo waJudha,

Jer. 32:25

Asi iwewe, O Mambo Mwari, Mwari, wakati kwendiri, ‘Tenga uyu munda ngemare, wechitora zvapupu;’ kunyazwi dhorobha rapirwa munyara dzevaKharadhea.”

Jer. 32:7

Ringira, Hanameri mukororo waSharumu sekuru ako unozouya kwouri echiti, ‘Tenga munda wangu uri muAnathothi, ngokuti ndiwe unemaruramiro okuutenga.’ ”

Jer. 33:1

Izwi raMambo Mwari rakauya kunaJeremia ngokwechipiri, achakakonyerwa muruwanze rwevarindi rechiti,

Jer. 37:12

Jeremia wakabuda kubva Jerusarema, akaenda kunyika yaBhenjamini, kuti aashire chikoaniswa chake kubva pakati pevanhu.

Ezek. 12:7

Ndakaita kudai ngezvendakapangwa. Ndakabudisa nhunduru dzangu masikati, kudai ngenhunduru dzoubatwa, nomumadeekoni ndakatsa kupotya rukumbati ngenyara dzangu; ndakadzibudisa kwasvipa, ndakadzitwara pafudzi rangu mukuona kwavo.

Zek. 11:11

Ndizvo chakagurwa ngeiro zuva; vatengesi nevatengi vemakwai vaindiringira vakazia raiya izwi raMambo Mwari.

Johani 4:53

Ndizvo baba akazia kuti ndiro awa raakaereketa Jesu kwaari kuti, “Mukororo wako unozopona.” Naye pachake wakatenda nevemhatso yake yeshe.