Jer. 32:41 - Bhaibheri Rakachena muChindau

⁴¹ Ndinozodakara ndivo kuvaitira zvakanaka, mukugondeka ndinozovasima munyika iyi, ngomwoyo wangu weshe nomweya wangu weshe.”

Jer. 32:41 Iomraidhean Croise

Nduyo 80:8

Iwewe wakaunza muvhini kubva Egipite; wakadzinga madzinza, ukausima.

Isa. 60:21

Vanhu vako vanozoita vakarurama veshe; vanozogara nhaka yenyika mhera nariini, miningwi yomunda wangu wendakasima, mushando wenyara dzangu, kuti ndiirikidzwe.

Isa. 62:4

Auchazodaidzwizve kuti “Wakasiiwa,” nenyika yako aichazoronzwizve kuti, “Matongo,” asi unozodaidzwa kuti “Hefizibha,” nenyika yako inoroorwa. Ngokuti Mambo Mwari unodakara mweuri nenyika yako inozoroorwa.

Isa. 62:5

Ngokuti kudai ngejaha rinoroora mhandwe, ngokudaro vakororo vako vanozokuroora: nokudai ngomukwambo unodakara ndimakhoti wake, ndizvo zvinozoita Mwari unozodakara ndiwe.

Isa. 65:19

Ndinozodakara muJerusarema, nokudakara muvanhu vangu: neizwi rokuchema arichazozwiki mukati mwaro nokuti izwi rokubonda.

Jer. 18:9

Nepamukuwo umweni ndinozoereketa ngendaa yedzinza, nokuti ngendaa youmambo, iro rendinozoaka nokuriemesa,

Jer. 24:6

Ndinozoisa madziso angu padera pavo kuti vagarisike, ndinozovapetudza kunyika iyi. Ndinozovaaka, andichazovaputsi; ndinozovasima, haiwa kuvabvita.

Jer. 31:28

Kudai ngezvendakaringira padera pavo, kubvita, nokuvaputsira pashi, kubvisa, kuparadza, nokuunza kushata, ndizvo ndinozovaringira kuaka nokusima,” unoronza Mambo Mwari.

Ezek. 36:36

Zvino madzinza akasara anomutendenedza anozozia kuti inini Mambo Mwari ndakaakisa ndau dzakaondomoka, nokusima ndau dzaiya matongo; inini Mambo Mwari ndaereketa, neni ndinozochiita.”

Hos. 14:5

Ndinozodai ngebeto kunaIsuraeri; unozotumbuka kudai ngegofa, nokubudisa nzinde dzake kudai ngegwasha reRebhanoni.

Amo. 9:15

Ndinozovasima munyika yavo, navo avachazobvitwizve kubva munyika yavo yendakavapa,” unoronza Mambo Mwari, Mwari wako.

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Zef. 3:17

Mambo Mwari, Mwari wako, uri pakati pako, ngwazi inopa kunyisa; unozodakara padera pako ngokudakadzwa; unozozorora murudo rwake, unozodakara ndiwe ngokuemba,

Dhuto. 28:63

Nokudai ngezveaidakara ndimwi Mambo Mwari kumuitira zvakanaka nokumuwanzisa, ngokudaro Mambo Mwari unozodakara ngokumuparadza, nokumuita kuti mupere; nemwi munozobvitwa kubva munyika yomunoenda koogara nhaka.

Dhuto. 30:9

Mambo Mwari, Mwari wenyu, unozoita kuti mubudirire kakurutu kumishando yeshe inoitwa ngenyara dzenyu, nokunevanobarwa ndimwi, nokunezvinobarwa ngezvifuyo zvenyu, nokuzvirimwa zveshe zvenyika yenyu. Ngokuti Mambo Mwari unozodakara ndimwi mukubudirira kwenyu muzvakanaka, kudai ngezvaakadakara ngokubudirira kwemadzibaba enyu,