Jer. 32:32 - Bhaibheri Rakachena muChindau

³² ngendaa yokushata kweshe kwevanhu vaIsuraeri nekwevanhu vaJudha, kwevakaita kumusa kutseneka kwangu, ivo namadzibaba avo, vatongi vavo, vapristi vavo nevaprofeti vavo, vanhu vaJudha, naavo vanogara muJerusarema.

Jer. 32:32 Iomraidhean Croise

Ezura 9:7

Kubvira kumazuva emadzibaba edu metsa nyamashi tanyanya kudzaka mukushaisha; ngendaa yezvinyangadzo zvedu isusu, madzimambo edu nevapristi vedu, takapirwa munyara dzemadzimambo enyika, koourawa ngeshoti, kuitwa hloko, kuchakatwa, nokutsverudzwa kudai ngezvezvakaita nyamashi.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 22:1

Izwi guru ngendaa yebani rechioniso. Unoronzenyi ngokukwira kwemwaita mweshe padera pemhatso,

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 44:17

Asi ngegwinyiso tinozoita chiro cheshe chetakapika kuita, kupisha mutombo unegwema kunavahosi vomudenga nokudurura kwaari mudiro wokumwa, kudai ngezvatakaita, isusu nemadzibaba edu, nemadzimambo edu nevatongi vedu, mumadhorobha aJudha nomumapato eJerusarema. Taigara tinokudya kwakawanda, techigara zvakanaka, atizi kuona chakashata.

Jer. 44:21

“Asi ngendaa yomitombo yemwakapishira mumadhorobha aJudha nomumapato eJerusarema, imwimwi nemadzibaba enyu, madzimambo enyu nevatongi venyu, nevanhu venyika, Mambo Mwari aazi kuikarakadza here? Azvizi kupinda mumukarakadzo wake here?

Jer. 7:17

Auoni here izvo zvevanoita mumadhorobha aJudha nomumapato eJerusarema?

Ezek. 22:6

Ringira, vatongi vaIsuraeri vari mweuri, weshe kudai ngesimba rake, waiya akakotama kuparadza ngazi.

Dha. 9:16

O Mambo Mwari, kudai ngokururama kwokuita kwako kweshe, kunyangadzwa kwako noushungu hwako, tinokumbira, ngazvipetudzwe kubva kudhorobha rako Jerusarema, mutunhu wako wakacheneswa; ngendaa yezvishaishi zvedu nokushata kwemadzibaba edu, Jerusarema nevanhu vako vaitwa chitsverudzo ndivo veshe vaakirwana vedu.

Dha. 9:6

Atizi kupurutana kuvaranda vako vaprofeti, avo vakaereketa ngezina rako kumadzimambo edu, vatongi vedu, nemadzibaba edu, nokwevari vanhu veshe venyika.

Dha. 9:7

O Mambo Mwari, kururama kuri kwouri, asi kwetiri kutsveruka kwehope, kudai ngezviripo nyamashi, kwevari vanhu vaJudha nevagari vemuJerusarema, nokwevari vaIsuraeri veshe, avo vari pasinde, naavo vari kuretu, kunyika dzeshe kwowakavadzingira, ngendaa yokushaisha kwevakaita kwouri.

Dha. 9:8

O Mambo Mwari, kutsveruka kwehope kuripo pamhene kunowira padera pedu, kumadzimambo edu, kuvatongi vedu, nokumadzibaba edu, ngokuti takashaisha kwouri.