Jer. 32:30 - Bhaibheri Rakachena muChindau

³⁰ Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 32:30 Iomraidhean Croise

Gen. 8:21

Naapo Mambo Mwari wakafemba gwema rakanaka; naMambo Mwari wakati mumwoyo mwake, “Andichazotukizve mavhu ngendaa yomunhu, ngokuti kupinimidza kwomwoyo womunhu kwakandoshata kubvira muudoko hwake; zve, andichazoparadzizve zveshe zvinopona kudai ngezvendaita.

Isa. 63:10

Asi vakamumukira, vakatsenesa Mweya wake Wakachena; ndizvo wakavapandukira kuita gaa ravo, iye pachake wakarwisana navo.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 2:7

Ndakamuunza kunyika yezvakawanda, kuti mudye michero yayo nezviro zvayo zvakanaka. Asi apo mwapindamwo, mwakasvipisa nyika yangu, nokuita kuti nhaka yangu iite chinyangadzo.

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 25:6

musateera zvimwari zvimweni kuzvishandira nokuzvidira, musanditsenesa kuti ndinyangadzwe ngemishando yenyara dzenyu. Zvino andizomuremadzi.’

Jer. 25:7

Asi amuzi kundipurutana,” unoronza Mambo Mwari; “Ndizvo mwamusira ushungu hwangu ngemishando yenyara dzenyu yomunodziremadza ndiyo.

Jer. 3:25

Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 30:14

Vadikani vako veshe vakuriyarwa; avakutsvaki; ngokuti ndakakuremadza ngebonje regaa, kuororwa kwouwo usina nyasha, ngendaa youwandu hwokushata kwako, ngokuti zvishaishi zvako zvakawandisa.

Jer. 36:2

“Tora bhuku rinopetwa, unyore mukati mwaro eshe mazwi endakaereketa kwouri ndiIsuraeri naJudha, nemadzinza eshe kubvira pazuva rendakaereketa kwouri, kubvira pamazuva aJosia metsa nyamashi.

Jer. 44:3

ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 20:8

Asi vakamukira kurwa neni, nokusikapurutana kwendiri; haiwa naumwe wavo wakarasha zvinyangadzo zvinodakadza madziso ake, nokuti kurekera miedzaniso yokudira yeEgipite. Zvino ndakapinimidza kuti ndaizodurura ushungu hwangu padera pavo, kuti ndipedze ushungu hwangu kwevari mukati mwenyika yeEgipite.

Ezek. 23:3

vakaita uhure muEgipite; vakaita uhure vachimuutsva hwavo; mazamo avo akabatwa batwa, vakapukutwa tsungu dzoumhandara hwavo.