Jer. 32:25 - Bhaibheri Rakachena muChindau

²⁵ Asi iwewe, O Mambo Mwari, Mwari, wakati kwendiri, ‘Tenga uyu munda ngemare, wechitora zvapupu;’ kunyazwi dhorobha rapirwa munyara dzevaKharadhea.”

Jer. 32:25 Iomraidhean Croise

Nduyo 77:19

Njira yako yaipinda ngomuruandhle, njira yako yaipinda ngomumvura yakawanda; asi zvitsiko zvako zvaiya zvisikaoneki.

Nduyo 97:2

Makore nechidima zveshe zvinomutendenedza; kururama nokutonga kwakanaka zviri chitsimiso chedendemaro rake.

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 32:15

Ngokuti izvi ndizvo zvinoronza Mambo wehondo, Mwari waIsuraeri, ‘Mhatso neminda, neminda yemivhini ichazotengwazve munyika iyi.’ ”

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 32:26

Izwi raMambo Mwari rakaunya kunaJeremia rechiti,

Jer. 32:43

Minda inozotengwa munyika iyi, iyo yomunoti, ‘Iri matongo isina munhu nokuti mhuka; yapirwa munyara dzavaKharadhea.’

Jer. 32:8

Ndizvo Hanameri mukororo wasekuru angu wakauya kwendiri muruwanze rwevarindi, kudai ngezverakatonga izwi raMambo Mwari, akati kwendiri, “Tenga munda wangu uri muAnathothi munyika yaBhenjamini, ngokuti maruramiro okugara nhaka nokuusunhura ngezvako; dzitengere pachako.” Zvino ndakazia kuti izwi raMambo Mwari.

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Johani 13:7

Jesu wakapingura, akati kwaari, “Icho chendinoita inini, iwewe auchizii zvino, asi unozochizwisisa ngesure kweizvi.”