Jer. 32:18 - Bhaibheri Rakachena muChindau

¹⁸ Unoonisa rudo runenyasha kumakumi emazana emibarirwana, nokuunzidzira kushata kwemadzibaba padera pevana vavo vanoteera sure kwavo, O mukuru nounesimba Mwari, uwo zina rake ndiMambo Mwari wehondo,

Jer. 32:18 Iomraidhean Croise

Gen. 49:24

Asi uta hwake hunondogara hwakagwinya nemioko yenyara dzake yakagwinyiswa ngenyara dzoUwo Unesimba raJakobe, kubudikidza ngezina roMuushi, Buwe raIsuraeri,

2 Madzi. 9:26

‘Ngokuti ngazi yaNabhothi, nengazi yevakororo vake yendakaona zuro, unoronza Mambo Mwari, ndinozomuunzidzira paiyi ndau.’ Ndizvo zvino mutore, umukandire kundau yemunda, kudai ngezverakaronza izwi raMambo Mwari.”

Neh. 1:5

Ndakati, “A Mambo Mwari, Mwari womudenga, Mwari mukuru nounotyisa, uwo unongwarira chitenderano nenyasha kwevari vanomuda nokungwarira mipango yake;

Nduyo 50:1

Umwe unesimba reshe, Mwari Mambo Mwari unoereketa, nokudaidza nyika kubvira ngokumabvazuva metsa kumabirirazuva.

Nduyo 89:9

Iwewe unotonga simba roruandhle; apo mafungu arwo avheruka, unoanyaradza.

EKISEDHUSI 34:6

Mambo Mwari wakapinda ngepamberi pake, wakadaidzira echiti, “Mambo Mwari, Mambo Mwari, Mwari, wakazara ngokukungurira nenyasha, unononoka kutseneka, unowanza rudo negwinyiso.

EKISEDHUSI 34:7

Unongwarira nyasha dzine rudo kune makumi emazana, unokungurira kushata, kupauka nokushaisha; uwo usikapembedzi vane ndaa, echiunzidzira kushata kwemadzibaba padera pevana nepadera pevana vevana, metsa padera pomubarirwana wechitatu nepewechirongomuna.”

Isa. 10:21

Unosara, eya, unosara waJakobe unozohwirira kunaMwari unesimba.

Isa. 57:15

Ngokuti izvi ndizvo zvinoronza uwo uri padera newakakwirira, uwo unogara mumhera nariini, uwo zina rake Rakachena: “Ndinogara mundau yakakwirira neyakachena, nouwo unomweya unotambudzika, wakapfaa mumweya, kumusirira mumweya wouwo wakapfaa, nokumusira mwoyo yaavo vanotenda ngomwoyo.

Isa. 9:6

Ngokuti tabarirwa mwana, mukororo wapuwa kwetiri; noumambo unozogara pamapfudzi ake; nezina rake rinozodudzwa rechiziwi Gota rinoshamisa, Mwari Une-simba, Baba emhera nariini, Muzvare wokunyarara.

Jer. 10:16

Chikoaniswa chaJakobe achizi kudai ndiyo akadi, ngokuti ndiye Mururi wezviro zveshe, naIsuraeri idzinza renhaka yake; Mambo Mwari wehondo ndiro zina rake.

Jer. 10:6

Akuna naumwe wakadai ndiwe, O Mambo Mwari; uri mukuru, nezina rako iguru musimba.

Jer. 20:11

Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Jer. 31:35

Izvi ndizvo zvinoronza Mambo Mwari, uwo unopa zuva kuti riite kujeka kwemasikati, nokuemesa mwedzi nenyeredzi kuita kujeka kwousiku, uwo unomusa ruandhle apo mafungu arwo anoungumira; Mambo Mwari wehondo, ndiro zina rake:

Jer. 33:2

“Izvi ndizvo zvinoronza Mambo Mwari muiti wenyika, Mambo Mwari, uwo wakaiita nokugwinyisa; Mambo Mwari ndiro zina rake:

Jer. 50:34

Muripiri wavo wakagwinya; Mambo Mwari wehondo ndiro zina rake. Unozonasa kupota ngendaa yavo, kuti azorodze nyika, asi kutambudza vanogara Bhabhuroni.”

Dha. 2:45

kudai ngezvewakaona kuti buwe rakagurwa kubva kumutunhu haiwa ngenyara, naro rakapwanya simbi, thusi, dongo, sirivha nomukore. Mwari mukuru wakaziisa mambo chinozoitika ngesure kweizvi. Hope dzinegwinyiso, nokududzirwa kwadzo kunegwinyiso.”

HABHAKUKI 1:12

Auri uwo wekare here, O Mambo Mwari, Mwari wangu, Uwo Wakachena wangu? Atizofi. O Mambo Mwari, wavaemesera kutongwa; newe, O Buwe, wavaemesera kuororwa.

Zvi. 14:18

“Mambo Mwari unononoka kushatirwa, naye unenyasha huru, echirekerera kushaisha nokupauka, asi asikapembedzi uwo unendaa, echiunzidzira kushaisha kwemadzibaba padera pevana metsa kumubarirwana wechitatu nokuti wechirongomuna.

Mateu 27:25

Nevanhu veshe vakapingura, vakati, “Ngazi yake ngaiuye padera pedu nepadera pevana vedu.”

Ruka 6:38

ipai, nakwo kunozopuwawo kwomuri. Chipimo chakanaka, chakarondwa, chakazunguzirwa nechinerushangu, vanozotindikira kwomuri. Ngokuti ngeicho chipimo chomunozopima ndicho, chinozopimirwawo kwomuri.”

Dhuto. 10:17

Ngokuti Mambo Mwari, Mwari wenyu, ndiMwari padera pezvimwari, naMambo padera pemadzimambo, Mwari mukuru, unesimba nounotyisa, usikatsananguri vanhu, nousikatori chitengero.

Dhuto. 7:21

Musazovatya, ngokuti Mambo Mwari, Mwari wenyu, uri pakati penyu, uri Mwari unesimba nounotyisa.