Jer. 31:3 - Bhaibheri Rakachena muChindau

³ Mambo Mwari wakaoneka kwendiri ngomukuwo wekaretu. Ndakuda ngorudo rwemhera nariini; ndizvo ndaangira kuita kugondeka kwangu kwouri.

Jer. 31:3 Iomraidhean Croise

1 Madzi. 10:9

Ngaabongwe Mambo Mwari, Mwari wako, uwo unodakara ndiwe, nokukugadza padendemaro raIsuraeri! Ngokuti Mambo Mwari wakada Isuraeri mhera nariini, ndizvo wakakuemesa kuita mambo, kuti uite kutonga kwakanaka nokwakarurama.”

Nduyo 103:17

Asi nyasha dzinorudo dzaMambo Mwari dzinogara dzakadaro kubvira mhera nariini metsa mhera nariini kuneavo vanomutya, nokururama kwake kunogara kuripo kunevana vevana,

Nduyo 25:6

Karakadza ngenyasha dzako, A Mambo Mwari, nenyasha dzako dzinorudo rwakakura, ngokuti zvaindoiyapo kare nekare.

Sor. 1:4

Ndikwee sure kwako, tinozokuteera ngokukasira. Mambo wandiunza mumakamera ake. Tinozokudza nokudakara mweuri; tinozokudza rudo rwako kupinda vhini; ngokururama vanokuda.

Isa. 43:4

Ngokuti iwewe unomutengo mukuru mukuona kwangu, unoremeredzeka, neni ndinokuda; ndizvo ndinozoisa vanhu ndau yako, nemadzinza pandau yokupona kwako.

Isa. 45:17

Asi vaIsuraeri vanoponeswa ndiMambo Mwari ngoruponeso rwemhera nariini; amuzotsverudzwi nokuti kukangaidzwa mhera nariini.

Isa. 49:14

Asi Zioni rakati, “Mambo Mwari wandisiya, Mambo Mwari wangu wandiriyarwa.”

Hos. 11:1

“Apo Isuraeri achimwana, ndakamuda, ndakadaidza mukororo wangu kubva muEgipite.

Hos. 11:4

Ndakavakweya ngemapote enyasha dzomunhu, ngezvisungo zvorudo. Kwevari ndaiya ndakadai ngeavo vanobvisa joka patsaya dzavo. Ndakakotama pashi kwevari, ndikaisa kudya pamberi pavo.

Mar. 1:2

“Ndakamuda,” unoronza Mambo Mwari. Asi munoti, “Wakatida ngenjiranyi?” “Esau aasiri mukoma waJakobe here?” Unoronza Mambo Mwari. “Asi ndada Jakobe,

Varoma 8:30

Naavo vaakaemesa ngekaretu wakavadaidzawo; naavo vaakadaidza wakavaruramisawo; naavo vaakaruramisa wakavakurisawo.

Varoma 9:13

Kudai ngezvakanyorwa zvinoti, “Jakobe ndakamuda, asi Isau ndakamuzonda.”

Dhuto. 10:15

asi Mambo Mwari waiya nokudakadzwa ngemadzibaba enyu kuvada, naye wakatsanangura rudzi rwavo runovateera ngesure kwavo, imwimwi, kupinda vanhu veshe, kudai ngezvezvadaro nyamashi.

Dhuto. 33:26

Akuna wakadai ndiMwari waJeshuruni, uwo unogadha padera pematenga kuuya kukudetsera, nokuukuru hwake kudarika ngomumakore.

Dhuto. 33:3

Eya, unodikana pakati pevanhu, veshe vakacheneswa vake vari munyara dzake; navo vanohamba patsoka dzako, veshe umwe ngoumwe vanoashira kupanga kwako.

Dhuto. 4:37

Ngokuti iye wakada madzibaba enyu, ndizvo wakatsanangura rudzi rwavo runoteera ngesure kwavo, naye wakamubudisa kubva Egipite mukuona ngesimba guru,

2 Tim. 1:9

uwo wakatiponesa nokutidaidza ngokudaidzwa kwakacheneswa, haiwa kubudikidza ngemishando yedu asi kubudikidza ngokuemesa kwake emene nenyasha. Nyasha idzi dzakapuwa kwetiri kubudikidza ndiKristu Jesu nguva dzisati dzaapo,

Jakobe 1:18

Ngokuda kwake iye wakatibara ngeizwi regwinyiso, kuti tiite kudai ngemichero yokutanga yezvakasikwa zvake.

1 Pet. 1:3

Ngaakudzwe Mwari, Baba aMambo wedu Jesu Kristu! Uwo ngenyasha dzake huru wakatibarazve kuti tianegonda rinopona kubudikidza ngokumuka kwaJesu Kristu kubva kwevakafa,

1 Joh. 4:19

Tinoda ngokuti iye wakatanga kutida.