Jer. 30:8 - Bhaibheri Rakachena muChindau

⁸ “Pazuva iro, unoronza Mambo Mwari wehondo, ‘Ndinozogura joka rake kubva pamutsipa wako, nokudambura zvisungo zvako, nevapara avachazoshandirwi ndiye.

Jer. 30:8 Iomraidhean Croise

Nduyo 107:14

Wakavabudisa kubva muchidima nomubvute rokufa, akadambura zvisungo zvavo.

Isa. 10:27

Ngeiro zuva mutwaro wake unozobviswa kubva papfudzi rako, nejoka rake rinozoparadzwa kubva pamutsipa wako.”

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Isa. 14:25

Ndinozogura vaAsiria munyika mwangu, napadera pemitunhu yangu ndinozomutsikatsika pashi petsoka; joka rake rinozobviswa kubva kwevari, nomutwaro wake kubva pamakhadza avo.

Isa. 14:3

Naapo Mambo Mwari amupa kuzorora kubva mukusvipa mwoyo kwenyu, nokubva mukutya kwenyu, nokubva mukushanda kwakakonza kwemwakamanikidzwa kuita,

Isa. 9:4

Ngokuti wagura joka raivaremera, nemwamba wairemera makhadza avo, ndonga yomutambudzi wavo, iwewe wagura kudai ngezuva raMidhiani.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 25:14

Ngokuti madzinza akawanda nemadzimambo makuru anozovasunga muuhloko, neni ndinozovaunzidzira kudai ngezviito zvavo, nokudai ngemishando yenyara dzavo.”

Jer. 27:2

“Izvi ndizvo zvinoronza Mambo Mwari kwendiri: Dzinasirire tambo nejoka, uzvisungire pamutsipa wako.

Jer. 27:7

Madzinza eshe anozomushandira nomukororo wake, nomukororo womukororo wake, metsa mukuwo wenyika yake ugume; zvino madzinza akawanda nemadzimambo makuru anozomuita hloko yavo.’

Jer. 28:10

Zvino Hanania muprofeti wakadusa joka kubva pamutsipa womuprofeti Jeremia, akarigura.

Jer. 28:13

“Enda, uronzere Hanania kuti, ‘Izvi ndizvo zvinoronza Mambo Mwari: Wagura majoka emiti kwega, kuti uvanasirire majoka esimbi pandau yawo.

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Ezek. 30:18

PaThafanehesi zuva rinozoita chidima, apo pendinozogurapo majoka eEgipite, nokudzikudza kwesimba rayo kunozopera kweriri; gore rinozorifukidza, nevanasikana varo madhorobha vanozoenda muuhloko.

Ezek. 34:27

Miti yomushango inozobereka michero yayo, nenyika inozobudisa zvakawanda zvayo. Anozongwaririka munyika yawo, anozozia kuti inini ndini Mambo Mwari, apo pendinozogura mipiningidzo yemajoka awo, nokuanunura kubva munyara dzaavo avo vakavaita hloko.

Nah. 1:13

Nazvino ndinozogura joka rake kubva kwouri, nokudambura zvisungo zvakakusunga.”