Jer. 30:7 - Bhaibheri Rakachena muChindau

⁷ Ihehe! Zuva iro iguru, akunazve rakadai ndiro; inguva yokutambudzika kwaJakobe, asi unozonunurwa kubva kweriri.’

Jer. 30:7 Iomraidhean Croise

Gen. 32:7

Naapo Jakobe wakatya kakurutu nokutambudzika, wakaparadzanisa kuita zvikwata zviiri vanhu vaiya naye nezvifuyo, n'ombe nemakamera,

Nduyo 25:22

Ripira Isuraeri, A Mwari, kubva mumadambudziko ake eshe. Nduyo yaDhavhidha.

Nduyo 34:19

Madambudziko owakarurama mazhinji, asi Mambo Mwari unomununura kubva kwaari eshe.

Isa. 20:6

Muzuva iro vagari vomurutii rwerwizi vanozoti, ‘Ringirai, izvi ndizvo zvaitika mwevari avo vetaigonda nemwevari kwetakatizira, kudetserwa nokununurwa kubva kunamambo weAsiria! Neisusu tinozoita mapokonyokerenyi?’ ”

Jer. 14:8

O Gonda raIsuraeri, muponesi wavo ngomukuwo wokutambudzika, ngenyi wechiita kudai ngomupara munyika iyi, nokudai ngomuhambi unopauka kuata usiku humwe?

Jer. 2:27

vechiti kumuti, ndiwe baba angu, nokubuwe, ndiwe wakandibereka. Ngokuti vakandifuratira mishana yavo, haiwa hope dzavo. Asi ngomukuwo wokutambudzika kwavo vanoti, uya utiponese!

Jer. 2:28

Asi zviri pari zvimwari zvenyu zvemwakadziitira? Ngazviuye kuti zvechikona kumuponesa ngomukuwo wokutambudzika kwenyu; ngokuti unazvo zvakawanda zvimwari kudai ngokuwanda kwemadhorobha ako, iwewe Judha.

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Chi. 1:12

Azvironzi chiro kwomuri here, imwimwi mweshe munopinda ngenjira? Ringirai, muone kuti kuripo here kutambudzika kukuru kwakadai ngokutambudzika kwangu, ukwo kwakaitwa kwendiri, kwaakanditambudza ndikwo Mambo Mwari ngezuva roushungu hwake hukuru.

Chi. 2:13

Chiinyi chendingakona kupupura ndiwe? Chiinyi chendingakutodzanisa nacho, O mwanasikana weJerusarema? Ndingakona kukuedzanisa nenyi, kuti ndikuembedzere mhandwe, mwanasikana weZioni? Ngokuti rutwe rwako rwakakura kudai ngoruandhle; ndiani uwo ungakona kukuporesa?

Chi. 4:6

Ngokuti kuororwa kwokushaisha kwevanhu vangu kwakapinda kukura kunokuororwa kwokushaisha kweSodhoma, iro rakaparadzwa ngomukuwo mudoko, kunyazwi akuna nyara yakaiswa padera paro.

Dha. 12:1

Pamukuwo uwo Mikhaeri, mutongi mukuru, uwo unoema kungwarira vanhu vako unozomiruka.Unozoapo mukuwo wokutambudzika, usikazi kumboapo kubvira apo pakatanga kuuya madzinza munyika. Asi pamukuwo uwo vanhu vako vanozonunurwa, weshe unozooneka akanyorwa mubhuku.

Dha. 9:12

Wakagwinyisa mazwi ake, aakatiereketera, nokuvatongi vedu, avo vakatitonga, ngokuunza padera pedu kushata kukurutu, kwaitirwa Jerusarema akuzi kumboitika nakamwe pashi pedenga reshe.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Joeri 1:15

Ihehe ngezuva iro! Ngokuti zuva raMambo Mwari raa pasinde, rinouya kudai ngokuparadzwa kunobva kune Une-simba-reshe.

Joeri 1:2

Izwanyi ichi, O harahwa, mupurutane, mweshe vagari venyika! Chiro chakadaro chakamboitika kumazuva enyu here, nokuti kumazuva emadzibaba enyu?

Joeri 2:11

Mambo Mwari unoereketa izwi rake pamberi pehondo yake; kukuranyi kwakaita hondo yake! Vakawandisa avo vanopurutana mupango wake. Ngegwinyiso zuva raMambo Mwari iguru, rinotyisa kakurutu; ndiani ungariemera?

Joeri 2:31

Zuva rinozotsandurwa kuita chidima, nomwedzi kuita ngazi, risati raguma zuva guru rinotyisa raMambo Mwari.

Mik. 4:9

Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?

HABHAKUKI 3:16

Ndinozwa, ndani yangu inohuta, miromo yangu inohuta ngeizwi. Kuora kwakapotera mumagodo angu, kuhamba kwangu kunohuta pashi pangu. Ndinogarira mukunyarara zuva rokutambudzika pakuuya kwaro padera pevanhu vanotirwisa.

Zek. 14:7

Nakwo kunozoangira kuita masikati (rinoziikanwa kunaMambo Mwari;) haiwa masikati, haiwa usiku, ngokuti nguva yemadeekoni kunozoapo kujeka.

Mar. 4:1

“Ringira, zuva rinouya, rechibaka kudai ngechoto, navo veshe vanodzikudza, veshe vaiti vezvakashata, vanozoita mazungu; zuva rinouya rinozovapisha,” unoronza Mambo Mwari wehondo, “Kuti arizovasiiri runzinde nokuti nhai.

Marku 13:19

Ngokuti ngaawo mazuva kunozoapo kutambudzika kukuru, ukwo kusikazi kumboapo kwakadaro kubvira pakutanga kwokusikwa kwaakasika Mwari metsa zvinopano, akuchatongozoitikizve kwakadaro.

Zvak. 2:20

Zuva rinozotsandurwa kuita chidima nomwedzi kuita ngazi, risati raguma zuva guru nerine mbiri raMambo.

Varoma 11:26

Ndizvo vaIsuraeri veshe vanozoponeswa; kudai ngezvakanyorwa, “Kunozobuda Mununuri kubva muZioni; iye unozodusa kusikatya Mwari kubva kunaJakobe.”

Chakapangijihwa 6:17

ngokuti raguma zuva guru roushungu hwavo, ndiani ungakona kuema?”