Jer. 30:3 - Bhaibheri Rakachena muChindau

³ Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 30:3 Iomraidhean Croise

Ezura 3:1

Naapo mwedzi wechinomwe waguma vana vaIsuraeri vaiya vaa mumadhorobha, vanhu vakaungana pamwepo muJerusarema.

Ezura 3:12

Asi vazhinji vevapristi nevaRevhi nevakuru vemhatso dzemadzibaba, avo vanhu vakurisa, avo vakaona mhatso yokutanga pamadzeyo ayo, vakachema ngeizwi guru, apo pevakaona mhatso iyi, kunyazwi vazhinji vakadaidzira kakurutu ngokudakara.

Ezura 3:8

Mugore rechipiri ngesure kwokuuya kwavo kumhatso yaMwari paJerusarema, ngomwedzi wechipiri, Zerubhabheri mukororo waShearitieri naJeshua mukororo waJozadhaki, vakaita maambo pamwepo nevamweni vevanhu vavo, vapristi nevaRevhi, naavo veshe vaiya vapetuka kuJerusarema vechibva kuusungwa. Vakaemesa vaRevhi vaibvira pamakore makumi mairi nevari padera, kuti varingire mushando wemhatso yaMambo Mwari.

Nduyo 126:4

Tibvisire uhloko hwedu, A Mambo Mwari, kudai ngendwizi dzinounza mvura mubani.

Nduyo 53:6

A, dai ruponeso rwaIsuraeri rwaibva Zioni! Naapo Mwari oohwirinza upfumi hwevanhu vake, Jakobe unozodakara, Isuraeri unozodakadzwa. KuneMutungamiriri woKuemba nezvimadangari. Nduyo yaDhavhidha apo vaZifi vakaenda vakaronzera Sauri, “Dhavhidha unohwara pakati pedu.”

Jer. 16:15

asi, Kudai ngezvaanopona Mambo Mwari, uwo wakabudisa vana vaIsuraeri kubva munyika yedera, nokubva kunyika dzeshe dzaakavadzingira. Ngokuti ndinozovapetudza kunyika yavo yendakapa kumadzibaba avo.

Jer. 23:5

“Ringira, mazuva anouya chokwadi,” unoronza Mambo Mwari, “Apo ndinozomirudzira Dhavhidha Dai rakarurama, naye unozotonga paumambo ngokungwara; unozotonga ngokutonga kwakanaka, nokuita zvakarurama munyika.

Jer. 27:11

Asi kunyazwi ngeriri dzinza rinoisa mutsipa waro pashi pejoka ramambo weBhabhuroni nokumushandira, ndiro ndinozotendera kuti risare munyika yaro, unoronza Mambo Mwari; naro rinozoirima nokugara mweiri.”

Jer. 27:22

‘Zvinozotwarwa kuenda Bhabhuroni, zvinozogara apo metsa zuva rendinozovahambira,’ unoronza Mambo Mwari. ‘Zvino ndinozozviunza ndechizvihwirinza kundau iyi.’ ”

Jer. 29:10

“Ngokuti izvi ndizvo zvinoronza Mambo Mwari: ‘Kwega apo Bhabhuroni rapedza makore aro makumi manomwe ndinozouya kwemuri, ndechizadzisa chigondiso changu kwemuri, ngokumupetudza kundau iyi.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 30:18

“Izvi ndizvo zvinoronza Mambo Mwari, ‘Ringira, ndinozopetudza vakabatwa vematende aJakobe, ndechionisa nyasha kundau dzake dzokugara; dhorobha rinozoakiswa padera pematongo aro, nengome yaro inozoapozve pandau payo pemene.

Jer. 30:4

Naaya ndiwo mazwi aakaereketa Mambo Mwari ngendaa yaIsuraeri naJudha.

Jer. 31:16

Izvi ndizvo zvinoronza Mambo Mwari: Nyarara izwi rako kubva mukuchema, nemadziso ako asachema masodzi; ngokuti mushando wako unozoripirwa, unoronza Mambo Mwari. Vanozopetuka kubva kunyika yemagaa.

Jer. 31:23

Izvi ndizvo zvinoronza Mambo Mwari wehondo, Mwari waIsuraeri: Vachazoereketazve mazwi aya munyika yaJudha, nomumadhorobha ayo, apo ndinozovapetudza kubva muubatwa hwavo, “Mambo Mwari ngaakufumise, O ugaro hwokururama, O mutunhu wakacheneswa.

Jer. 31:27

“Ringira, ngegwinyiso mazuva anouya,” unoronza Mambo Mwari, “Apo pendinozosima mhatso yaIsuraeri nemhatso yaJudha ngembeu yevanhu nembeu yemhuka.

Jer. 31:31

“Ringira, ngegwinyiso mazuva anouya,” unoronza Mambo Mwari, “Apo pendinozoita chitenderano chitsva nemhatso yaIsuraeri, nemhatso yaJudha,

Jer. 31:38

“Ringira, mazuva anouya,” unoronza Mambo Mwari, “Apo dhorobha rinozoakirwa Mambo Mwari kubva paRusvingo rwaHananeri kuguma paMusiwo wepaKhona.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 32:44

Vanhu vanozotenga minda ngemare, nokunyora mutsamba, nokuinama ngechidhindo, nokutora zvapupu munyika yaBhenjamini, nomundau dzinotendenedza Jerusarema, nomumadhorobha aJudha, neenyika yezvimitunhu, neeShefera neokubani; ngokuti ndinozopetudza vakabatwa vavo,” unoronza Mambo Mwari.

Jer. 33:26

ndingazoramba mibarirwana yaJakobe, neyeDhavhidha muranda wangu, ndisatsanangura naumwe wemibarirwana yake kutonga padera pemibarirwana yaAbrahama, Isaka, naJakobe. Ngokuti ndinozopetudza vabatwa vavo nokuvaitira nyasha.”

Jer. 51:60

Jeremia wakanyora mubhuku rinopetwa kweshe kushata kwaizouya padera peBhabhuroni, mazwi aya eshe akanyorwa ngendaa yeBhabhuroni.

Ezek. 20:42

Munozozia kuti inini ndini Mambo Mwari, apo pendinomuunza mukati mwenyika yaIsuraeri, munyika yendakapika mhiko kuipa kumadzibaba enyu.

Ezek. 34:13

Ndinozoaunza kubva pakati pevanhu nokuaunganidza kubva kunyika, ndinozoaunza munyika yawo; ndinozoagutisa padera pemitunhu yaIsuraeri pasinde pendwizi, nokundau dzeshe dzinogarwa ngevanhu venyika.

Ezek. 36:24

Ngokuti ndinozomutora kubva pakati pemadzinza, ndimuunganidze kubva kunyika dzeshe, ndimuunze munyika yenyu.

Ezek. 47:14

Munozoigura ngokuedzanisa; ndakapika kuipa kunemadzibaba enyu, nenyika iyi inozowira kwomuri kuita nhaka yenyu.

Joeri 3:1

“Ngokuti zvino, ngaawo mazuva nepamukuwo uwo, apo ndinozopetudzazve vakachakatwa vaJudha neJerusarema,

Zef. 2:7

Humbikumbi inozoita nhaka yevakasara vemhuri yaJudha, apo pevanozoushira zvifuyo zvavo padera payo, nomumhatso dzeAshikeroni vanozoatamwo madeekoni. Ngokuti Mambo Mwari, Mwari wavo, unozovahambira, nokuvaunzazve kubva kuubatwa hwavo.

Zef. 3:20

Panguva iyo ndinozomuunza kanyi, panguva apo pendinozomuunganidza; ngokuti ndinozomupa mbiri nokukudzwa pakati pevanhu veshe venyika, apo ndinozohwirinza ubatwa hwenyu pamberi pemadziso enyu,” unoronza Mambo Mwari.

Ruka 17:22

Naye wakati kuvadzidzi, “Mazuva achazouya omunozodisisa kuti muone rimwe remazuva oMukororo woMunhu, nemwi amuzorioni.

Ruka 19:43

Ngokuti mazuva anozokugumira, apo magaa ako anozokushoshera rushosha nokukutendenedza, akukonyere mukati kumarutii eshe.

Ruka 21:6

“Ngendaa yeizvi zvomunoona, mazuva anozouya naapo arizosiiwi buwe rimwe rakaturikidzwa padera perimweni risikazowiswi pashi.”

Dhuto. 30:3

Zvino ngouwo mukuwo Mambo Mwari, Mwari wenyu unozomutsandura uhloko hwenyu, nokumuitira nyasha, naye unozouyazve amuunganidze kubva kunyika dzeshe, paakamuparadzira Mambo Mwari, Mwari wenyu.

Dhuto. 30:5

Mambo Mwari, Mwari wenyu unozomuhwirinzazve munyika iyo yevakagara nhaka madzibaba enyu, munozoigara nhaka; naye unozomuitira zvakanaka, amuwanzise kupinda madzibaba enyu.

Vahebheru 8:8

Ngokuti Mwari unovaitira ndaa, apo paanoti: “Mazuva achazouya, unoronza Mambo Mwari, apo pendinozoita chitenderano chitsva nemhatso yaIsuraeri nemhatso yaJudha;