Jer. 30:16 - Bhaibheri Rakachena muChindau

¹⁶ Ndizvo avo veshe vanokudya vachadyiwawo, nemagaa ako eshe, rimwe ngarimwe anozopinda muubatwa; naavo vanokuchakata vanozochakatwawo, naavo vanokuparadza vanozoparadzwawo.

Jer. 30:16 Iomraidhean Croise

Nduyo 129:5

Ngavatsverudzwe, vapetudzwe sure veshe avo vanozonda Zioni.

EKISEDHUSI 23:22

Asi kudai mwechizopurutana izwi rayo ngegwinyiso nokuita zveshe zvendinoereketa, zvino ndinozoita gaa kumagaa enyu, nokurwisa vanomurwisa.

Mazwi 22:23

ngokuti Mambo Mwari unoemerera ndaa dzavo, nokuchakata ndaramo yeavo vanovachakata.

Isa. 14:2

Madzinza anozovatora nokuvaunza kundau dzavo; nemhatso yaIsuraeri inozogara navo kuvaita hloko vamuna nevakadzi munyika mwaMambo Mwari; vanozobata avo vaiya vakavabata nokuvaita hloko; navo vanozotonga padera paavo vakavanesa.

Isa. 33:1

A, iwewe muparadzi, iwewe pachako auzi kuparadzwa; iwewe muchengedzeri, uwo usina naumwe wakakuchengedzera! Apo unopedza kuparadza, unozoparadzwa; naapo unozoreka kuchengedzera, unozochengedzerwa.

Isa. 54:15

Kudai aripo unomusa bope, aribvi kwendiri; kunyazwi ndiani unozomusa bope newe, unozowa ngendaa yako.

Isa. 54:17

Apana chokurwa ndicho chakanasirirwa kurwa newe chinozobudirira, ndii dzeshe dzinozokumukira mukutongwa unozodzinyisa. Iyi ndiyo nhaka yevaranda vaMambo Mwari, nokururamiswa kwavo kunozobva kwendiri,” unoronza Mambo Mwari.

Jer. 10:25

Durura ushungu hwako padera pemadzinza asikakuzii, nepadera vanhu vasikadaidzi zina rako; ngokuti vakaparadza Jakobe, vakamuparadza nokumupedza, vakaita kuti ugaro hwake huite matongo.

Jer. 12:14

Izvi ndizvo zvinoronza Mambo Mwari ngevaakirwana vangu veshe vakashata, avo vanogwama nhaka yendakaita kuti vanhu vangu Isuraeri vaigare: “Ringira, ndinozovabvita kubva munyika yavo, nokubvita mhatso yaJudha kubva pakati pavo.

Jer. 2:3

Isuraeri waiya akachena kunaMambo Mwari, mitanguro yemichero yake. Veshe avo vakaidya vakaitwa vanendaa; kushata kwakauya padera pavo,” unoronza Mambo Mwari.

Jer. 25:12

Zvino apo makore makumi manomwe apera, ndinozoorora mambo weBhabhuroni, neiro dzinza, nyika yevaKharadhea, ngendaa yokushata kwavo,” unoronza Mambo Mwari, “Ndinozoita kuti nyika igare yakaita matongo mhera nariini.

Jer. 30:15

Unochema ngenyi ngendaa yokuremadzwa kwako? Kurwadziwa kwako akurapiki. Ngokuti kushaisha kwako kwakakura, ngokuti zvishaishi zvako zvanyanya kuwanda, ndizvo ndaita izvi kwouri.

Jer. 50:28

“Izwai! Vanotiza nokupokonyoka kubva munyika yeBhabhuroni, kuuya koodaidzira mhere muZioni, yokuunzidzira kwaMambo Mwari, Mwari wedu, kuunzidzira temperi rake.

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Chi. 1:21

Vakazwa kugwimba kwangu, pasina naumwe wokundiembedzera. Magaa angu eshe akazwa ngokutambudzika kwangu; anodakara ngokuti wazviita. Unza zuva rowaemesa, vaite kuti vadai ndini.

Chi. 1:22

“Kushata kwavo kweshe ngakuuye pamberi pako; uvaitire kudai ngezvewaita kwendiri ngendaa yezvishaishi zvangu zveshe; ngokuti kugwimba kwangu kwakawanda, nomwoyo wangu unodemera.”

Ezek. 29:6

Zvino vagari veshe veEgipite vanozozia kuti inini ndini Mambo Mwari, ngokuti vakaita mudondoro worutsanga kumhatso yaIsuraeri.

Ezek. 35:5

“Ngokuti iwewe unokunyenya kusikagumi, wakaparadza ngazi yevanhu vaIsuraeri ngesimba reshoti ngomukuwo wokutambudzika kwavo, ngomukuwo apo wokuororwa kwavo kwokugumisira;

Joeri 3:8

Ndinozotengesa vakororo venyu nevanasikana venyu munyara yevanhu vaJudha, navo vanozovatengesa kuvaSabheani, kudzinza riri kuretu; ngokuti Mambo Mwari waereketa.

Mik. 4:11

Zvino madzinza akawanda aungana kurwa newe echiti, “Ngaasvipiswe, nemadziso edu ngaaringire padera peZioni.”

Mik. 7:10

Zvino gaa rangu rinozoona, nokutsveruka kunozomufukidza uwo wakati kwendiri, “Uripari Mambo Mwari, Mwari wako?” Madziso angu anozomuona pakuwa kwake; zvino unozotsikwatsikwa pashi kudai ngemadhaka emapato.

Nah. 1:8

Kunyazwi mundambi inopopoma, unozopedza ndau yaro yaamho, naye unozorumbirira magaa ake muchidima.

HABHAKUKI 2:16

Munozozadzwa ngezvinotsverudza pandau youthende. Imwa iwewe pachako, udai ngouwo usikazi kuchekwa! Tsani iri munyara yokumudyo yaMambo Mwari inozoguma pasinde kwouri, nokunotsverudza kunozoapo padera pouthende hwako.

Zef. 2:8

“Ndazwa kureiwa kwaMoabhi, nokutuka kwevana vaAmoni, kwevakaita vanhu vangu, nokudzikudza kwavo ngendaa yenyika yavo.

Zek. 1:14

Ndizvo ngirosi yakaereketa neni yakati kwendiri, “Daidzira izwi iri, wechiti, ‘Izvi ndizvo zvinoronza Mambo Mwari wehondo: Ndine ndurumwa huru ngendaa yeJerusarema neZioni.

Zek. 1:15

Neni ndinonyangadzwa kakurutu ngemadzinza avo vakagarisika; ngokuti ndakanyangadzwa kadodoko kega, navo vakawanza kutambudzika.

Zek. 12:2

“Ringira, ndaakuda kuita kuti Jerusarema riite tsani yokuthethereka kwevanhu veshe vanoritendenedza, richarwisa Judha nomukutendenedzwawo kurwisa Jerusarema.

Zek. 14:2

Ngokuti ndinozounganidza madzinza eshe kurwisa Jerusarema kuhondo; nedhorobha rinozotorwa, mhatso dzinozochakatwa, nevakadzi vanozobhinywa; norupande rwedhorobha runozoenda muuhloko, asi vakasara vevanhu avazourawi kubva mudhorobha.

Zek. 2:12

Mambo Mwari unozogara nhaka yaJudha iyo ndiyo chikoaniswa chake munyika yakacheneswa, unozotsanangurazve Jerusarema.

Zek. 2:8

Ngokuti izvi ndizvo zvakaronza Mambo Mwari wehondo: ngesure kwouthende wakandituma kumadzinza akamuchakata: ngokuti iye unomugwama, unogwama mboni yedziso rake.

Dhuto. 30:7

Mambo Mwari, Mwari wenyu, unozoa zveshe izvi zvituko padera pemagaa enyu, nepadera paavo vanomunyenya nokumutambudza.

Chakapangijihwa 13:10

Kuti aripo wakaemeserwa kusungwa, unozosungwa muusungwa; kuti aripo wakaemeserwa kuurawa ngeshoti, ngegwinyiso unozourawa ngeshoti. Pano ndipo panokusengerera nokugonda kwevakacheneswa.

1 Sam. 17:53

VaIsuraeri vakapetuka kubva koorumbirira vaFiristia, vakachakata matende avo.