Jer. 30:12 - Bhaibheri Rakachena muChindau

¹² Ngokuti izvi ndizvo zvinoronza Mambo Mwari, “Kuremadzwa kwako akurapiki, nebonje rako rakashata.

Jer. 30:12 Iomraidhean Croise

2 MaKro. 36:16

Asi vakaangira kuitira jee varanda vaMwari, vakashoora izwi rake, vakatuka vaprofeti vake, metsa ushungu hwaMambo Mwari hwabaka kunavanhu vake kakurutu, apana naumwe wakapokonyoka.

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 14:19

Mwarasha yaamho vaJudha here? Mweya wako unonyenya Zioni here? Ngenyi watichaira pashi, pasina kurapwa kwedu? Tinotsvaka kunyarara asi akuna chakanaka, tinoringira mukuwo wokutambiswa, asi ringira kutyiswa!

Jer. 15:18

Kurwadziwa kwangu kunoangira ngenyi, bonje rangu aripori, rinoramba kuporeswa? Ngegwinyiso iwewe wakadai ngechinyuka chokunyepera, nokudai ngemvura inopwa?”

Jer. 30:15

Unochema ngenyi ngendaa yokuremadzwa kwako? Kurwadziwa kwako akurapiki. Ngokuti kushaisha kwako kwakakura, ngokuti zvishaishi zvako zvanyanya kuwanda, ndizvo ndaita izvi kwouri.

Jer. 6:7

Kudai ngechinyuka chinongwarira mvura yacho yakachena, ndizvo rinongwarira kushata kwaro kutsva; ugebenga nokuparadza zvinozwika mukati mwaro; kurwara, maonje zviri pamberi pangu mukuwo weshe.

Jer. 8:22

Akuna mutombo wokuporesa here muGireadhi? Akuna murapi here apo? Ndizvo zvino vanhu vangu varombo avazi kutambiswa ngenyi?

Chi. 2:13

Chiinyi chendingakona kupupura ndiwe? Chiinyi chendingakutodzanisa nacho, O mwanasikana weJerusarema? Ndingakona kukuedzanisa nenyi, kuti ndikuembedzere mhandwe, mwanasikana weZioni? Ngokuti rutwe rwako rwakakura kudai ngoruandhle; ndiani uwo ungakona kukuporesa?

Ezek. 37:11

Zvino wakati kwendiri, “Mukororo womunhu, aya magodo imhatso yeshe yaIsuraeri. Ringira, vanoti, ‘Magodo edu awoma, negonda redu rapera; takapera yaamho.’

Hos. 5:13

Naapo Efuremu aona nhenda yake, naJudha aona bonje rake, zvino Efuremu wakaenda Asiria, akatuma kunamambo mukuru. Asi aazi kukona kukurapa, nokuti kuporesa bonje rako.

Mik. 1:9

Ngokuti bonje rake arirapiki. Rauya kunaJudha; raguma pamusiwo wevanhu vangu, kuJerusarema.

Nah. 3:19

Akuna kuporeswa kwokuremadzwa kwako; ronda rako arirapiki. Veshe avo vanozwa mbiri yako vanoembera nyara ndiwe. Ngokuti ndiani wakambotiza kushata kwako kusina magumo?