Jer. 30:10 - Bhaibheri Rakachena muChindau

¹⁰ “Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 30:10 Iomraidhean Croise

Gen. 15:1

Ngesure kweizvi zviro izwi raMambo Mwari rakauya kunaAbrama muchioniso rechiti, “Usatya, Abrama, inini ndiri chihlangu chako; nomuthuso wako unozoita mukuru yaamho.”

Isa. 14:3

Naapo Mambo Mwari amupa kuzorora kubva mukusvipa mwoyo kwenyu, nokubva mukutya kwenyu, nokubva mukushanda kwakakonza kwemwakamanikidzwa kuita,

Isa. 35:9

Mhondoro nokuti mhuka inokara azvizokwirimwo, azvizoonekimwo, asi vakaripirwa vanozohamba ndimwo.

Isa. 43:5

Usatya, ngokuti ndinewe; ndinozounza mibarirwana yako kubva kumabvazuva, nokubva kumabirirazuva ndinozomuunganidza.

Isa. 44:1

“Asi zvino, izwai O Jakobe muranda wangu, Isuraeri uwo wendatsanangura.

Isa. 44:2

Izvi ndizvo zvinoronza Mambo Mwari uwo wakakusika, uwo wakakuumba mundani, naye unozokudetsera: Usatya, O Jakobe muranda wangu, Jeshuruni uwo wendatsanangura.

Isa. 46:11

ndechidaidza shiri inokara kubva kumabvazuva, munhu wendakapanga kudisisa kwangu kubva kunyika iri kuretu. Ndaereketa, ndinozochiita; ndaronga, neni ndinozozviita.

Isa. 46:13

Ndinounza pasinde kununura kwangu, akusiri kuretu, noruponeso rwangu aruzononoki; ndinozoisa ruponeso rwangu muZioni, ngendaa yaIsuraeri uthende hwangu.”

Isa. 49:12

Ringira, ava vanozouya vechibva kuretu; ringira, avo vanozobva dera nokumabirirazuva, naavo vanozobva kunyika yaSinimu.”

Isa. 49:25

Asi unoronza izvi Mambo Mwari, “Kunyazwi hloko dzevane simba dzinozotorwa, nezvakachakatwa zvevanotyisa zvinozorwirwa; ngokuti ndinozorwisana navo vanorwisana newe, neni ndinozoponesa vana vako.

Isa. 54:4

Usatya, ngokuti auzotsverudzwi; usapera simba, ngokuti auzopindi mukutsverudzwa; ngokuti unozoriyarwa kutsverudzwa kwoutsva hwako, auchazokarakadzizve kushoorwa kwoushirikadzi hwako.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 23:4

Ndinozomirudza vaushi padera pawo, avo vanozoausha; nawo aachazotyi nokuti kuvhunduswa, apana narimwe rawo rinozorashika,” unoronza Mambo Mwari.

Jer. 23:6

Mumazuva ake Judha unozoponeswa, naIsuraeri unozogara ngokungwaririka. Neiri ndiro zina rake raanozodaidzwa ndiro kuti, ‘MAMBO MWARI KURURAMA KWEDU.’

Jer. 23:8

asi, ‘Kudai ngezvaanopona. Mambo Mwari, uwo wakabudisa nokutungamira rudzi rwemhatso yaIsuraeri kubva munyika yedera, nokubva munyika dzeshe kwendakavadzingira.’ Zvino vanozogara munyika yavo yemene.”

Jer. 29:11

Ngokuti ngegwinyiso ndinozia urongwa hwendinahwo ndimwi,’ unoronza Mambo Mwari, ‘Urongwa hwokugara kwenyu mukunyarara, haiwa wokuremadzwa, kumupa gonda rezvichauya kumagumisiro enyu.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 30:7

Ihehe! Zuva iro iguru, akunazve rakadai ndiro; inguva yokutambudzika kwaJakobe, asi unozonunurwa kubva kweriri.’

Jer. 33:16

Mumazuva awo Judha unozoponeswa neJerusarema rinozogarisika mukungwaririka. Neiri ndiro zina raanozodaidzwa ndiro rokuti, ‘Mambo Mwari Ndiye Kururama kwedu.’

Ezek. 16:52

Twara kutsveruka kwako, iwewewo wakatonga vanun'una vako ngenjira yakanaka; ngendaa yezvishaishi zvako zvewakaita zvinonyangadza kupinda zvavo, vakarurama kupinda iwewe. Ndizvo iwewe ita unotsverudzwa; iwewewo udzitwarire kutsveruka kwako, ngokuti wakapembedza vaunun'una vako.

Ezek. 38:11

Unozoti, ‘Inini ndinozokwira kurwisa munyika inemaguta asikazi kushosherwa, ndinozowira padera pevanhu vakanyarara, avo vanogara mukungwaririka, veshe vavo vanogara vasina marukumbati akashosherwa, vasina mipiningidzo nokuti misiwo;’ ”

Dha. 12:1

Pamukuwo uwo Mikhaeri, mutongi mukuru, uwo unoema kungwarira vanhu vako unozomiruka.Unozoapo mukuwo wokutambudzika, usikazi kumboapo kubvira apo pakatanga kuuya madzinza munyika. Asi pamukuwo uwo vanhu vako vanozonunurwa, weshe unozooneka akanyorwa mubhuku.

Hos. 2:18

Ndinozokuitira chitenderano ngeiro zuva nemhuka dzomushango, shiri dzomudenga, nezvinotamanda pamavhu; ndinozogura uta, shoti nehondo kubva munyika, ndechizoita kuti vaate pashi ngokungwaririka.

Hos. 2:20

Ndinozokutora kuti uite mukadzi wangu mukugondeka; newe unozozia Mambo Mwari.

Hos. 6:11

Newewo, O Judha, kukukura kwaemeserwa kwouri. “Apo ndakahwirinza ubatwa hwavanhu vangu.

Joeri 2:21

Usatya, O nyika; dakara nokudakadzwa, ngokuti Mambo Mwari waita zviro zvikuru.

Mik. 4:9

Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?

Zek. 3:10

Pairo zuva, unoronza Mambo Mwari wehondo, munozodaidzana umwe neumweni kuuya pashi pomuvhini nepomuonde.”

Johani 12:15

“Usatya, iwewe mukunda weZioni. Ringira, mambo wako unouya, akagadha padera pemwana wembongoro!”