Jer. 3:8 - Bhaibheri Rakachena muChindau

⁸ Inini ndakaona, apo ndakamurasha nokumupa tsamba yokuparadzana, ngendaa dzeshe dzokuomba dzaakaita Isuraeri echipetuka sure; asi Judha munun'una wake unochengedzera aazi kutya, asi wakaenda kooita hure.

Jer. 3:8 Iomraidhean Croise

2 MaKro. 21:11

Zve, wakaemesa ndau dzakakwirira munyika yemitunhu yaJudha, naye wakatungamirira vagari veJerusarema kuita zvifebi, wakaita kuti vaJudha vapauke.

Isa. 50:1

Izvi ndizvo zvinoronza Mambo Mwari, “Iri pari tsamba yamai ako yokugura muchado, iyo yendakavarasha ndiyo? Nokuti kunaani wevakweretesi vangu wendakakutengesa kwaari iwewe? Haiwa, ngendaa yezvishaishi zvako wakatengeswa, ngendaa yokupauka kwako mai ako akarambwa.

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 33:24

“Auzi kunasa kuringira here zvevanoronza ava vanhu, apo pevanoti, ‘Madzinza mairi akatsanangurwa ndiMambo Mwari akarambwa ndiye,’ ndizvo vanoshoora vanhu vangu ngenjiranyi kuti vasachaita dzinza mukuona kwavo?

Jer. 5:7

“Ndingakuita marekererenyi? Vana vako vandisiya, vechipika ndivo vasiri Mwari akadi. Naapo ndavagutisa yaamho, vakaomba, vechidziunganidza ngezvikwata mumhatso dzeuhure.

Ezek. 16:46

Hurwani ako vakuru vaiya Samaria, avo vaigara nevanasikana vavo ngedera kwako; nomunun'una wako mudoko waigara ngokubani kwako Sodhoma nevanasikana vake.

Ezek. 16:47

Iwewe auzi kuhamba ngenjira dzavo kwega, nokuita kudai ngezvinyangadzo zvavo; mukamukuwo kadoko, iwewe waiya wapinda kushata kupinda ivo ngenjira dzako dzeshe.

Ezek. 16:51

Samaria arizi kushaisha norupande rwezvishaishi zvako; iwewe wakawanzisa zvinonyangadza zvako kupinda ivo, wakapembedza vanun'una vako mukati mwezvinonyangadza zvako zveshe zvewakaita.

Ezek. 23:44

Ngokuti vapotera kwaari, kudai ngeumwe unopotera munehure. Ndizvo vakapotera munaOhora nomunaOhoribha, kuvakadzi vanoemura zvenyama.

Ezek. 23:9

Ndizvo ndakamupira munyara dzevadikani vake, munyara dzevaAsiria, avo vaakaemura.

Hos. 3:4

Ngokuti vaIsuraeri vanozogara mazuva akawanda vasina mambo, vasina mutongi, vasina mubairo, vasina muedzaniso wokudira, vasina efodi nokuti terafimu.

Dhuto. 24:1

Kudai munhu echitora mukadzi, echimuroora, kukaitika kuti aachaiti unodikana mukuona kwake, ngendaa yokuti waona chiro chasvipiswa kwaari; naapo ngaamunyorere tsamba yokuparadzana, aipe munyara yake, amudzinge kubva kumhatso yake.

Dhuto. 24:3

Nokudai uwo mwamuna naye asikamudi, nokumunyorera tsamba yokuparadzana, nokuipa munyara yake, nokumudzinga kubva kumhatso yake; nokuti kudai mwamuna wechipiri afa, uwo wakamutora kuti aite mukadzi wake,