Jer. 3:5 - Bhaibheri Rakachena muChindau

⁵ Unozogara anoushungu hwake mhera nariini here? Unozogara akatseneka metsa kumagumo here?’ Aya ndiwo maereketere ewaita, asi waita kushata kweshe kudai ngezvewaikona.”

Jer. 3:5 Iomraidhean Croise

2 MaKro. 29:10

Zvino zvirimwo mumwoyo mwangu kuti ndiite chitenderano naMambo Mwari, Mwari waIsuraeri, kuti ushungu hwake hunotyisa hukunukuke kubva kwetiri.

Nduyo 85:5

Unozotitsenekera mhera nariini? Unozogumisa ushungu hwako kumibarirwana yeshe here?

Nduyo 85:6

Auzotimusiririzve here, kuti vanhu vako vadakare mweuri?

Isa. 57:16

Ngokuti andingaangiri kuitira ndaa nokuti kuangira kunyaradzwa, ngokuti zvino mweya ungazopera simba pamberi pangu, kunyazwi nemweya yendakasika.

Isa. 64:9

Usanyanya kutseneka, O Mambo Mwari, zve, usachakarakadza ngokushaisha mhera nariini. Ringira, uone, tinokupota; teshe tiri vanhu vako.

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Jer. 8:6

Ndakapurutana ndikazwa, avaereketi zvakarurama; apana watenderuka kubva mukushata kwake echiti, ‘Ndakaitenyi?’ Umwe ngaumwe waenda kunjira yake kudai ngehachi rinorumba kupinda muhondo.

Ezek. 22:6

Ringira, vatongi vaIsuraeri vari mweuri, weshe kudai ngesimba rake, waiya akakotama kuparadza ngazi.

Mik. 2:1

Ihehe kwevari vanoronga zvakashata nokushanda zvakashata pamibhedhi yavo! Apo mangwanani oojeka, vanozviita, ngokuti zviri pashi pesimba renyara dzavo.

Mik. 7:3

Nyara dzavo ingwazi kuita zvakashata; mukuru nomutongi vanokumbira fumha muromo; nounesimba unoronza zvaanokarira mumwoyo wake; ndizvo vanofukidza kutonga kwakanaka.