Jer. 3:3 - Bhaibheri Rakachena muChindau

³ Ndizvo mvura yarambidzwa kunaya, akuzi kuapo mvura yokupedzisira; asi waiya nehope yehure, wakaramba kutsverudzwa.

Jer. 3:3 Iomraidhean Croise

Gen. 19:34

Mangwani mangwanani wedangwe wakati kuno mudoko, “Wona, ndakaatana usiku hwezuro nababa angu; ngatiite kuti vamwe vhini usiku hunozve; upotere iwewe uatane navo, kuti tingwarire rudzi rwababa edu.”

Neh. 9:17

Vakaramba kupurutana, navo avazi kukarakadza ngemishamiso yowakaita pakati pavo; asi vakaomesa mitsipa yavo, vakadziemesera kuti vahwirire kuuhloko hwavo muEgipite. Asi iwewe uri Mwari wakanasirira kurekerera, unenyasha norudo, usikakasiri kutseneka, wakazara ngorudo rwakakura, newe auzi kuvasiya.

Mazwi 21:29

Munhu wakashata unokonzisa hope yake, asi wakarurama unokarakadza njira dzake.

Isa. 5:6

Ndinozouparadza, auzotonongorwi nokuti kushakurwa; asi unozomera makato neminzwa; ndinozopangazve makore kuti asanayisa mvura padera pawo.

Jer. 14:1

Izwi raMambo Mwari rakauya kunaJeremia ngendaa yokuomerwa kwenyika.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Jer. 14:3

Vakuru varo vanotuma varanda vavo koochera mvura; vanoguma kuzvinyuka, asi avaoni mvura; vanohwirira nezvidziyo zvisina mvura. Vanotsveruka nokukangaidzwa nokufukidza masoro avo.

Jer. 14:4

Mavhu akamweka ngokuti kwaiya kusina mvura panyika. Varimi vakangaidzwa, vafukidza masoro avo.

Jer. 36:2

“Tora bhuku rinopetwa, unyore mukati mwaro eshe mazwi endakaereketa kwouri ndiIsuraeri naJudha, nemadzinza eshe kubvira pazuva rendakaereketa kwouri, kubvira pamazuva aJosia metsa nyamashi.

Jer. 5:24

Avaronzi mumwoyo mwavo kuti, ‘Ngatitye Mambo Mwari, Mwari wedu, uwo unonaisa mvura, yeshe yokutanga neyokuteerera ngenguva yayo; unotiemesera mavhiki okukukura.’

Jer. 5:25

Kushata kwenyu kwapetudza izvi kuretu, nezvishaishi zvenyu zvamurambidzira zviro zvakanaka.

Jer. 5:3

O Mambo Mwari, madziso ako aatsvaki gwinyiso here? Wavachaya, asi avazi kuzwa kurwadziwa; iwewe wavapedza, asi vakaramba kupangwa. Vakaita kuti hope dzavo dzikonze kupinda buwe; varamba kupetuka sure.

Jer. 6:15

Vakaita ngenjira inotsverudza, apo vakaita zvinonyangadza; asi vaiya vasikatsveruki, avazi kuzia kutsveruka. Ndizvo vanozowa pakati peavo vanowa; ngomukuwo wendinovaorora, vanozorigwa pashi,” unoronza Mambo Mwari.

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Jer. 9:12

“Ndiani wakangwara, ungazwisisa ichi? Ndiani zve uwo kwaari muromo waMambo Mwari wakaereketa kuti azvidaidzire? Ngenyi nyika yechipedzwa yechiitwa matongo kudai ngerubaya, kuti kusaapo naumwe unopinda ngoumwo?”

Ezek. 3:7

Asi mhatso yaIsuraeri aizokupurutani, ngokuti avadi kundipurutana; ngokuti mhatso yeshe yaIsuraeri inehuma yakaoma nomwoyo wakakukutara.

Revhi 26:19

Ndinozogura kudzikudza kwesimba renyu, ndikaita denga renyu ridai ngesimbi, nenyika yenyu kuti idai ngethusi.

Amo. 4:7

Neni ndakabata mvura kubva kwemuri, apo kuchine mwedzi mitatu yokucheka; ndakaita kuti inaye padera pedhorobha rimwe, ndikaita kuti isanaya padera pedhorobha rimweni; yakanaya padera pemunda umwe, nepamunda apo peisikazi kunaya wakazeketera.

Amo. 4:8

Ndizvo madhorobha mairi nokuti matatu akahamba kuenda kudhorobha rimwe koomwa mvura, nawo aazi kuguta; asi amuzi kupetuka kwendiri, unoronza Mambo Mwari.

Zef. 2:1

Unganidzanai pamwepo, unganidzanai, O dzinza risikatsveruki;

Zef. 3:5

Mambo Mwari uri mukati mwayo wakarurama; aaiti zvakashata. Mangwanani eshe unoita kutonga kwake mambakwedza, amwe ngaamwe aakoreri akadi; asi vasikazi kururama avazii kutsveruka.

Hag. 1:11

Neni ndadaidza kuoma kuti kuuye padera penyika, padera pezvimitunhu, padera pezviyo, padera pevhini idzva, padera pemafuta, nepeizvo zvinoberekwa ngemavhu, nepadera pevanhu, nepadera pemhuka, nepemishando yavo yeshe yenyara.”

Dhuto. 28:23

Denga riri padera pemasoro enyu rinozoita thusi, nemavhu ari pashi penyu anozoita simbi.

Vahebheru 12:25

Ngwarai kuti musaramba uwo unoereketa; ngokuti kudai vasikazi kupokonyoka avo vakaramba uwo wakavapanga munyika muno, isusu tinozoita mapokonyokerenyi, kuti techiramba uwo unotipanga echibva mudenga!