Jer. 3:25 - Bhaibheri Rakachena muChindau

²⁵ Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 3:25 Iomraidhean Croise

Nduyo 106:6

Takashaisha isusu nemadzibaba edu; takaita zvakashata, takashaisha.

Nduyo 106:7

Madzibaba edu apo aiya muEgipite aazi kupinimidza ngemishando yako inoshamisa; avazi kukarakadza uwandu hwenyasha dzako dzinorudo, asi vakamukira Uwo Uripadera-pezveshe, vari paruandhle, paRuandhle Rwakatsvuka.

Nduyo 109:29

Magaa angu ngaapfekeswe ngokureruswa; ngavadziputire mukutsveruka kwavo kudai ngechokufuka.

Mazwi 13:18

Urombo nokutsverudzwa ndiwo muthuso wouwo unoramba kudzidziswa, asi uwo unongwarira kupangwa unoremeredzwa.

Mazwi 5:13

Andizi kupurutana izwi ravadzidzisi vangu, nokuti kukotamisa nzee dzangu kuvapangi vangu.

Isa. 48:8

Ausati wazwa, ausati wazia; kubvira pamukuwo wekaretu nzee dzako adzizi kubeurwa. Ngokuti ndakazia kuti waizoita ngokuchengedzera kakurutu, nokuti kubvira pakubarwa wakadaidzwa kuzwi mupanduki.

Isa. 50:11

Ringirai, imwimwi mweshe murivabasi vomuriro, munodzitendenedza ngetsatsi. Hambai mukujeka kwomuriro wenyu, nomukati mwetsatsi dzemwakabasa. Ichi ndicho chomunozoashira kubva kunyara yangu: munozoata pashi mukutambudzika.

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 12:13

Vakakusha koroni, asi vakakukura minzwa; vakadzipira mukurembesa, asi avazi kuuyirwa ngechiro. Vanozotsverudzwa ngezviyo zvavo ngendaa youshungu hunotyisa hwaMambo Mwari.

Jer. 14:20

O Mambo Mwari, tinotenda kushata kwedu nokushaisha kwemadzibaba edu, ngokuti takakushaishira.

Jer. 14:7

O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:2

“Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 20:18

Ndakabvirenyi mundani kuti ndione mushando nokusvipo mwoyo, kuti ndipedze mazuva angu mukutsverudzwa?

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 3:13

Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 31:19

Ngesure apo ndapauka, ndakatenderuka; ngesure apo ndaonwa, ndakachaya chizva changu; ndakatsveruka, ndakapera simba ngokuti ndakatwara kutsverudzwa kwoutsva hwangu.’

Jer. 6:26

“O vanhu vangu varombo, fukai masaka, dzimburumbudzei mumarota; mucheme kudai ngounochemera mwana zinyarimwe, mucheme kakurutu, ngokuti muparadzi unozouya padera pedu ngokukasira.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Jer. 8:14

“Tinogara takanyarara ngenyi? Unganidzanai pamwepo, ngatipotere mumadhorobha akashosherwa, tipereremwo; ngokuti Mambo Mwari, Mwari wedu, wakatitongera rufu, wakatipa mvura inoukaira kuti timwe, ngokuti takashaishira Mambo Mwari.

Jer. 9:18

“Ngavakasire kuuya kuti vatiitire chiriro, kuti masodzi awe kubva kumadziso edu, netsiyo dzedu dzipopome mvura.”

Chi. 5:16

Dzungudza rawa kubva pasoro redu; ihehe kwetiri ngokuti tashaisha!

Chi. 5:7

Madzibaba edu akashaisha, apachina; nesu tatwara zvishaishi zvavo.

Ezek. 2:3

Wakati kwendiri, “Mukororo womunhu, ndinokutuma kuvanhu vaIsuraeri, kudzinza revamukiri, avo vandimukira; ivo nemadzibaba avo vakapauka kundimukira metsa nanyamashi uno.

Ezek. 36:32

Andiiti izvi ngendaa yenyu, unoronza Mambo Mwari, Mwari; izvo ngazviziikanwe kwomuri. Itai vanotsverudzwa nokukangaidzwa ngendaa yenjira dzenyu, O mhatso yaIsuraeri.’

Ezek. 44:13

Avazokwedzeri pasinde kwendiri kuti vaite mushando woupristi kwendiri, nokuti kukwedzera pasinde pemidiro yangu yakachena, zviro zvakapindisisa kuchena; asi vanozotwara kutsveruka kwavo, ngendaa yezvinyangadzo zvavo zvevakaita.

Ezek. 7:18

Vanozodzisimidza ngemachira emasaka, kutyisa kukuru kunozovafukidza. Kutsveruka kunozoa padera pehope dzeshe, mhanza dzinozoa padera pemasoro eshe.

Dha. 12:2

Vazhinji veavo vanoata mubukuta renyika vanozomuka, vamweni mukupona kusikaperi, nevamweni mukutsveruka nokushoorwa kusikaperi.

Hos. 9:10

Ndakaona Isuraeri akadai ngemavhini mushango. Kudai ngemitanguro yomuonde yenguva yawo yokutanga ndakaona madzibaba enyu. Asi vakaenda kuBhaaripeori, vakadzipira kunechiro chinotsverudza, nokuita zvinonyangadza kudai ngechiro chevaida.

Zef. 1:17

“Ndinozounza kutambudzika kwakadaro padera pevanhu, kuti vahambe kudai ngemapofu; ngokuti vakashaisha kunaMambo Mwari, ngazi yavo inozodururwa kudai ngebukuta, nenyama yavo kudai ngemadisa.”

Varoma 6:21

Ndizvo zvino mwaiya nemichero yakaitawani ngouwo mukuwo kubva kuneizvo zviro zvomunotsveruka ndizvo? Ngokuti magumo azvo rufu.

Vato. 2:2

Nemwi amuzoiti chitenderano nevagari veiyi nyika; asi munozopwanya maarita avo.’ Asi amuzi kupurutana izwi rangu. Wonai zvemwakaita!