Jer. 3:24 - Bhaibheri Rakachena muChindau

²⁴ Asi kubvira pautsva hwedu kutsveruka kwakapedza mushando wemadzibaba edu, zvifuyo zvavo, n'ombe nemakwai, vakororo vavo nevanasikana vavo.

Jer. 3:24 Iomraidhean Croise

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 44:7

“Neizvi ndizvo zvinoronza Mambo Mwari, Mwari wehondo, Mwari waIsuraeri: ‘Ngenyi mwechidziitira kuremadzwa kwakakura kudaro pachenyu, kugura vamuna, vakadzi, vana nechiya, kubva pakati paJudha mwechisara pachenyu musina naumwe unosara?

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Jer. 9:18

“Ngavakasire kuuya kuti vatiitire chiriro, kuti masodzi awe kubva kumadziso edu, netsiyo dzedu dzipopome mvura.”

Ezek. 16:19

Zve, kudya kwangu kwendakakupa, ndakakugutisa ngoufu hwakamotseka, mafuta, nouchi, iwewe wakazviisa pamberi payo kuita gwema rakanaka; ndizvo zvezvakaita,” unoronza Mambo Mwari, Mwari.

Ezek. 16:20

“Wakatora vakororo vako nevanasikana vako, vewakabarira inini, naavo wakavatora kuvapira kweiri kuita mubairo kuti vapedzwe. Ingatei uhure hwako huri chiro chidoko!

Ezek. 16:61

Zvino iwewe unozokarakadza ngenjira dzako, utsveruke apo unozoashira vanun'una vako, veshe pamwepo vakuru vako, nevadoko vako, nokuvapa kwouri kuita vanasikana, asi haiwa ngendaa yechitenderano chendakaita newe.

Ezek. 16:63

kuitira kuti iwewe ukarakadze nokutsveruka, kuti usachazobeura muromo wako nakamwe ngendaa yokutsveruka kwako, apo pendinokukungurira zveshe zvowakaita,” unoronza Mambo Mwari.

Hos. 10:6

Rinozotorwa kuenda Asiria, kuita chipo chamambo mukuru. Efuremu uchaiswa muchitsverudzo, naIsuraeri unozotsverudzwa ngomupangi wake.

Hos. 2:8

Ngokuti aazi kuzia kuti ndini ndakamupa koroni nevhini nemafuta, nokuwanza kwaari sirivha nomukore, zvevakanasirira Bhaari.

Hos. 9:10

Ndakaona Isuraeri akadai ngemavhini mushango. Kudai ngemitanguro yomuonde yenguva yawo yokutanga ndakaona madzibaba enyu. Asi vakaenda kuBhaaripeori, vakadzipira kunechiro chinotsverudza, nokuita zvinonyangadza kudai ngechiro chevaida.