Jer. 3:23 - Bhaibheri Rakachena muChindau

²³ “Ngegwinyiso akudetseri kugonda ruponeso kuti runobva kumitunhu, madhiri epamitunhu. Ngegwinyiso ruponeso rwaIsuraeri ruri munaMambo Mwari, Mwari wedu.

Jer. 3:23 Iomraidhean Croise

Nduyo 3:8

Ruponeso runobva kunaMambo Mwari; rufumiso rwako ngarugare padera pevanhu vako. Selah. KuneMutungamiriri woKuemba, neZvidangari. Nduyo yaDhavhidha.

Nduyo 62:7

Pana Mwari ruponeso rwangu nembiri yangu zvinogara; ibuwe rangu rakagwinya, bako rangu riri munaMwari.

Mazwi 21:31

Hachi ranasirirwa zuva rokurwa, asi kunyisa ngokwaMambo Mwari.

Isa. 10:20

Ngeiro zuva, vanosara vaIsuraeri, naavo vanopona vemhatso yaJakobe, avachazotseyami padera pouwo wakavaponda; asi vanozotseyama padera paMambo Mwari, Uwo Wakachena waIsuraeri, mugwinyiso.

Isa. 12:2

Ngegwinyiso, Mwari ruponeso rwangu; ndinozogonda, andizotyi, ngokuti Mambo Mwari, Mwari isimba rangu, nokugwinya kwangu; naye waita ruponeso rwangu.”

Isa. 43:11

Inini, inini ndini Mambo Mwari, ngepabanze pangu apana muponesi.

Isa. 44:9

Veshe avo vanoita miedzaniso yezvimwari yakanyunguruswa avana shwiro nezviro zvevanodakarira zviro zvisina shwiro; zvapupu zvavo azvioni nokuti kuzia. Ndizvo vanotsverudzwa.

Isa. 45:15

Ngegwinyiso iwewe uri Mwari unodzifisha pachake, O Mwari weaIsuraeri, Muponesi.

Isa. 45:17

Asi vaIsuraeri vanoponeswa ndiMambo Mwari ngoruponeso rwemhera nariini; amuzotsverudzwi nokuti kukangaidzwa mhera nariini.

Isa. 45:20

“Unganidzanai pachenyu muuye pamwepo, kwedzeranayi pasinde, imwimwi mwakapokonyoka kubva mumadzinza! Avana ruziyo avo vanotwara peshe miedzaniso yavo yemiti, vechiangira kukumbira kunechimwari chisikakoni kuponesa.

Isa. 63:1

“Ndiani uyu unobva Edhomu, unobva Bhozira uri mumachira akatsvuka? Ndiani uyu unouthende muzvokufuka zvake, unohamba muukuru hwesimba rake?” “Ndini, uwo unoereketa zvakarurama, unesimba rokuponesa.”

Isa. 63:16

Chokwadi uri baba edu, kunyazwi Abrahama asingatizii, naIsuraeri aatizii; iwewe, O Mambo Mwari, uri baba edu; Muripiri wedu kubvira karetu zina rako rindoripo.

Jer. 14:8

O Gonda raIsuraeri, muponesi wavo ngomukuwo wokutambudzika, ngenyi wechiita kudai ngomupara munyika iyi, nokudai ngomuhambi unopauka kuata usiku humwe?

Jer. 17:14

Ndirape, O Mambo Mwari, neni ndinozorapwa; ndiponese neni ndinozoponeswa; ngokuti iwewe uri kukudza kwangu.

Jer. 17:2

naapo vana vavo vechikarakadza ngemaarita avo nesika dzavo dzokudira dziri pasinde pemiti yakasvipira iri padera pezvimitunhu zvakareba,

Jer. 3:6

Mambo Mwari wakati kwendiri ngamazuva aJosia mambo, “Wakaona here izvo zvaakaita uwo usikagondeki Isuraeri, kukwira kwaakaita padera pemitunhu yeshe napashi pemiti yeshe yakasvipirika, apo paakaita uhure?

Jer. 31:7

Ngokuti izvi ndizvo zvinoronza Mambo Mwari: “Emberai Jakobe ngokudakara, mudaidzire mazwi mukuru wemadzinza; teketesai, kudzai, mwechiti, ‘O Mambo Mwari, ponesa vanhu vako vakasara vaIsuraeri!’

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Hos. 1:7

Asi ndinozoitira nyasha mhatso yaJudha, ndinozovaponesa kubudikidza ndiMambo Mwari, Mwari wavo; andizovaponesi ngouta, nokuti ngeshoti, nokuti ngehondo, nokuti ngemahachi, nokuti ngevagadhi vemahachi.”

Johani 4:22

Imwimwi munodira chomusikazii; isusu tinodira chetinozia, ngokuti ruponeso runobva kuvaJudha.