Jer. 3:22 - Bhaibheri Rakachena muChindau

²² Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 3:22 Iomraidhean Croise

Sor. 1:4

Ndikwee sure kwako, tinozokuteera ngokukasira. Mambo wandiunza mumakamera ake. Tinozokudza nokudakara mweuri; tinozokudza rudo rwako kupinda vhini; ngokururama vanokuda.

Isa. 1:2

Izwai, A matenga, upurutane, A nyika, ngokuti Mambo Mwari waereketa: “Ndakakudza nokurera vana, asi vandimukira.

Isa. 27:8

Ngokudzingwa kwakavapinza muuhloko, wakarwisana navo; wakavafuridza kuvabvisa ngomubvumo wake mukuru ngezuva redutu rokumabvazuva.

Isa. 31:6

Petukai kwaari uwo wemwakamukira, imwimwi vana vaIsuraeri.

Isa. 57:17

Ngendaa yokushaisha kwokuemura kwake ndakamutsenekera; ndikamuchaya, ndakahwara ndakatseneka; asi wakaangira kupetuka sure munjira yokuda kwomwoyo wake.

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 30:17

Ngokuti ndinozomutambisa, ndinozorapa maonje enyu, unoronza MamboMwari, ‘Ngokuti vakamududza kuti varashwa’ vechiti, ‘Ndiro Zioni; akuna naumwe unendaa naro.’ ”

Jer. 31:18

Ngegwinyiso ndakazwa Efuremu echidzichemera: ‘Wakandiorora, neni ndakaashira kuororwa, ndakadai ngekonyana risina kudzidziswa risati razia joka. Ndipetudze sure ngandipetuke, ngokuti iwewe uri Mambo Mwari, Mwari wangu.

Jer. 33:6

Ringira, ndinozoriponesa nokurirapa, ndinozovarapa nokuvaonisa kukura kwokunyarara nokwokungwaririka.

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Ezek. 18:30

“Ndizvo ndinozokutonga, O mhatso yaIsuraeri, weshe kudai ngenjira dzake, unoronza Mambo Mwari, Mwari. Tenderuka, ukunukuke pachako kubva muzvishaishi zvako zveshe; pamweni kushata kunozoita kupedzwa kwako.

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Hos. 13:4

“Asi ndaiya Mambo Mwari, Mwari wako, kubvira munyika yeEgipite; auzii Mwari asi inini; ngepabanzi pangu akuna muponesi.

Hos. 14:1

O Isuraeri, hwirira kunaMambo Mwari, Mwari wako, ngokuti wakawa ngokushata kwako.

Hos. 14:4

“Ndinozoporesa kusikagondeka kwavo; ndinozovada pasina mutengo, ngokuti ushungu hwangu hwakunukuka kubva kwevari.

Hos. 14:5

Ndinozodai ngebeto kunaIsuraeri; unozotumbuka kudai ngegofa, nokubudisa nzinde dzake kudai ngegwasha reRebhanoni.

Hos. 14:8

O Efuremu, ndichineyi miedzaniso yokudira? Ndini ndinopingura nokumungwarira. Ndakadai ngomuti muishi womusaiprusi; michero yako inobva kwendiri.”

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Joeri 2:12

“Asi kunyazwi nazvino,” unoronza Mambo Mwari, “Petukai kwendiri ngomwoyo wenyu weshe, ngokuera kudya, ngokuchema nokubonda.”

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”