Jer. 3:20 - Bhaibheri Rakachena muChindau

²⁰ Asi, kudai ngomukadzi usikagondeki unosiya mwamuna wake, ndizvo wakaita usikagondeki kwendiri, iwewe mhatso yaIsuraeri,” unoronza Mambo Mwari.

Jer. 3:20 Iomraidhean Croise

Isa. 24:16

Kubvira kumagumo enyika tinozwa nduyo dzokukudzwa kweWakarurama. Asi ndinoti, “Ndinopera simba, ndinopera simba. Ihehe kwendiri!” Ngokuti vachengedzi vaita ngokuchengedza; vachengedzi vanochengedzera kakurutu.

Isa. 48:8

Ausati wazwa, ausati wazia; kubvira pamukuwo wekaretu nzee dzako adzizi kubeurwa. Ngokuti ndakazia kuti waizoita ngokuchengedzera kakurutu, nokuti kubvira pakubarwa wakadaidzwa kuzwi mupanduki.

Jer. 12:1

“Wakarurama, O Mambo Mwari, apo ndinounza ndaa yangu pamberi pako; asi nditendere kuereketa newe ngendaa yangu. Ngenyi njira yevakashata yechibudirira? Ngenyi veshe vanoshanda ngokuchengedzera vechigarisika?

Jer. 5:11

Ngokuti mhatso yaIsuraeri nemhatso yaJudha vakaita ngokusikagondeka kwendiri,” unoronza Mambo Mwari.

Hos. 3:1

Mambo Mwari wakati kwendirizve, “Enda, ida mukadzi unodiwa ngemudiwa wake naye ihure, kudai ndiMambo Mwari unoda vaIsuraeri, kunyazwi vanoringira kunezvimwari zvimweni, vanodazve makheke anemarizeni.”

Hos. 5:7

Vakaita zvokuchengedzera kunaMambo Mwari; ngokuti vakabara vana vari vapara. Zvino mwedzi mutsva unovapedza pamwepo neminda yavo.

Hos. 6:7

Asi avo kudai ndiAdhamu vakagura chitenderano; apo vakaita zvokuchengedzera kwendiri.

Mar. 2:11

Judha waiya asina kugondeka, nechiro chinonyangadza chaitwa muIsuraeri nomuJerusarema; ngokuti Judha wakasvipisa ndau yakachena yaMambo Mwari yaanoda, waroora mwanasikana wechimwari chipara.