Jer. 3:19 - Bhaibheri Rakachena muChindau

¹⁹ Ndakapinimidza ngenjira yendaizokuemesa. “Ndiyo pakati pevana vangu, nokukupa nyika yakanaka, nhaka yakanaka kakurutu yemadzinza eshe. Neni ndapinimidza, kuti unozondidaidza kuti, Baba angu, nokusikakunukuka kubva kwendiri.

Jer. 3:19 Iomraidhean Croise

Nduyo 106:24

Zvino vakashoora nyika yakanaka, avazi kugonda chigondiso chake.

Nduyo 16:6

Bote rokupimisa randipimira ndau dzakanaka; ndinayo nhaka yakanaka.

Nduyo 89:26

Aye unozodaidzira kwendiri kuti, ‘Iwewe ndiwe baba angu, Mwari wangu webuwe roruponeso rwangu.’

Mazwi 3:35

Vakangwara vanozogara nhaka yokukudzwa, asi mapenzi asikazwi kutsverudzwa.

Isa. 63:16

Chokwadi uri baba edu, kunyazwi Abrahama asingatizii, naIsuraeri aatizii; iwewe, O Mambo Mwari, uri baba edu; Muripiri wedu kubvira karetu zina rako rindoripo.

Isa. 64:8

Asi O Mambo Mwari, ndiwe baba edu; isusu tiri dongo, newe uri muumbi wedu; teshe tiri mushando wenyara dzako.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 3:17

Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 3:4

“Auzi zvino kudaidza kwendiri kuti, ‘Baba angu, mungani woutsva hwangu?

Jer. 31:20

Efuremu mukororo wangu unodikanwa here? Mwana wendinodakara mwaari ndiye here? Nguva dzeshe dzendinoereketa kumuitira ndaa, ndinomukarakadza. Ndizvo mwoyo wangu unomutambudzikira; ngegwinyiso ndinozomuitira nyasha, unoronza Mambo Mwari.

Jer. 31:9

Vanozouya vechichema, vechikumbira ndinozovatungamira kupetuka sure; ndinozoita kuti vahambe ngepasinde pendwizi dzemvura, munjira yakarurama, umwo mwevasikazopumhunwi; ngokuti ndaita baba kunaIsuraeri, naEfuremu idangwe rangu.

Jer. 33:9

Dhorobha iri rinozoita kwendiri zina rokudakara, kukudzwa nokuremeredzwa mukuona kwemadzinza eshe enyika, awo anozozwa ngezvakanaka zveshe zvendinovaitira; anozotya nokuhuta ngendaa yokunaka uku kweshe, kubudirira nokunyarara kweshe kwendinozoriunzira.”

Jer. 5:7

“Ndingakuita marekererenyi? Vana vako vandisiya, vechipika ndivo vasiri Mwari akadi. Naapo ndavagutisa yaamho, vakaomba, vechidziunganidza ngezvikwata mumhatso dzeuhure.

Ezek. 20:6

Pazuva iro ndakapika kwevari kuti ndinozovabudisa kubva munyika yeEgipite, kuti vapotere munyika yendakavatsvakira, nyika inoerera mukaka nouchi, nyika iri uthende hwenyika dzeshe.

Dha. 11:16

Asi uwo unouya koorwa naye unozoita kudai ngokuda kwake, akuna naumwe unozoemesedzana naye.Unozotora nhaka yendau yakanaka munyika yeshe inowa pashi pesimba rake.

Dha. 11:41

Unozopotera munyika inouthende, nemakumi emakumi emazana anozoparadzwa; asi idzi dzinozopona kubva kunyara yake, Edhomu, Moabhi, norupande rukuru rwevaAmoni.

Dha. 11:45

Unozoemesa matende engome yake panyika iri pakati poruandhle nomutunhu unouthende, wakacheneswa. Asi uchaguma pamagumo ake, pasina naumwe unozomudetsera.”

Dha. 8:9

Kubva kuneimwe yadzo murongomuna rwakabuda runyanga rudoko, urwo rwakaita rukuru kakurutu kubani, nokumabvazuva, nokunyika inouthende.

Hos. 11:8

“Ndingakuita marekererenyi, Efuremu? Ndingakupira ngenjiranyi, O Isuraeri? Ndingakuita maitirenyi kuti udai ndiAdhima? Ndingakuita mabatirenyi kudai ndiZebhoimu? Mwoyo wangu unotenderudzwa mukati mwangu; nyasha dzangu dzinokura mukati mwangu.

Vagaratiya 3:26

ngokuti munaKristu Jesu imwimwi mweshe muri vakororo vaMwari kubudikidza ngokugonda.

Vaefesu 1:5

Wakatiemesa karetu kuti tiite vana vake kubudikidza ndiJesu Kristu, kudai ngebiningidzo rokuda kwake,

Dhuto. 14:1

Imwimwi muri vana vaMambo Mwari, Mwari wenyu. Musazodzicheka nokuti kuparwa tsiyo pakati pemadzinza enyu ngepamusoro pevakafa.

Vahebheru 10:39

Asi isusu atisiri pakati pavo avo vanopetuka sure kuenda mukurashwa, asi tiri pakati peavo vanogonda vanoponeswa mweya.

1 Pet. 1:17

Kudai mwechimudaidza kuti Baba, uwo unotonga vanhu veshe asina mukheto kudai ngomushando womunhu umwe ngaumwe, ponai mukuwo wouchigarandimo hwenyu mukutya.