Jer. 3:18 - Bhaibheri Rakachena muChindau

¹⁸ Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 3:18 Iomraidhean Croise

Gen. 12:7

Zvino Mambo Mwari wakaoneka kunaAbrama, akati, “Ndinozopa iyi nyika kune mibarirwana yako.” Naapo wakaakira Mambo Mwari arita, uwo wakaoneka kwaari.

Isa. 43:5

Usatya, ngokuti ndinewe; ndinozounza mibarirwana yako kubva kumabvazuva, nokubva kumabirirazuva ndinozomuunganidza.

Isa. 43:6

Ndinozoti dera, ‘Varekere;’ nokubani, ‘Usavarambidza;’ unzai vakororo vangu kubva kuretu, nevanasikana vangu kubva kumagumo enyika,

Jer. 16:15

asi, Kudai ngezvaanopona Mambo Mwari, uwo wakabudisa vana vaIsuraeri kubva munyika yedera, nokubva kunyika dzeshe dzaakavadzingira. Ngokuti ndinozovapetudza kunyika yavo yendakapa kumadzibaba avo.

Jer. 23:8

asi, ‘Kudai ngezvaanopona. Mambo Mwari, uwo wakabudisa nokutungamira rudzi rwemhatso yaIsuraeri kubva munyika yedera, nokubva munyika dzeshe kwendakavadzingira.’ Zvino vanozogara munyika yavo yemene.”

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 50:20

Mumazuva awo, nepamukuwo uwo,” unoronza Mambo Mwari, “Kushaisha kwaIsuraeri kunozotsvakiwa, napo apazooneki chiro, nezvishaishi zvaJudha, apana chiro chinozoonekapo; ngokuti ndinozovarekerera avo vendakasiya.

Jer. 50:4

“Mumazuva awo nomunguva iyo,” unoronza Mambo Mwari, “Vanhu vaIsuraeri vanozouya, ivo nevanhu vaJudha pamwepo, vanozouya vechichema, apo vechitsvaka Mambo Mwari, Mwari wavo.

Jer. 50:5

Vanozobvunza njira yeZioni nehope dzakaringireyo, vanozouya vechidzibatanidza pachavo munaMambo Mwari ngechitenderano chemhera nariini chisikazoriyarikanwi.

Jer. 7:7

zvino ndinozogara nemwi mundau iyi, munyika yendakapa kumadzibaba enyu mhera nariini nariini.

Ezek. 11:17

Ndizvo ronza kuti: Izvi ndizvo zvinoronza Mambo Mwari, Mwari: Ndinozomuunganidza kubva kuvanhu vemadzinza, nokumuunganidza kubanze kwenyika dzemwakaparadzirwa, neni ndinozomupa nyika yaIsuraeri.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Hos. 11:12

Efuremu wanditendenedza ngemanyepo, nemhatso yaIsuraeri ngokuchengedzera; asi Judha uchatonga naMwari, unogondeka kuneUmwe Wakacheneswa.

Hos. 2:2

Potai mai enyu, potai; ngokuti aari mukadzi wangupi, neni andiri mwamuna wakepi. Ndizvo ngaarashe uhure hwake kubva pamberi pehope yake, nokuomba kwake kubva pakati pemazamo ake,

Amo. 9:15

Ndinozovasima munyika yavo, navo avachazobvitwizve kubva munyika yavo yendakavapa,” unoronza Mambo Mwari, Mwari wako.

Zek. 10:6

Neni ndinozogwinyisa mhatso yaJudha, ndinozoponesa mhatso yaJosefa. Ndinozovapetudza, ngokuti ndinenyasha kwevari, navo vanozoita kudai ngevendisikazi kuramba; ngokuti ndiri Mambo Mwari, Mwari wavo, neni ndinozovapingura.

Zek. 2:6

“Mirukai! Mirukai! Budai, mutize kubva kunyika yedera, unoronza Mambo Mwari; ngokuti ndakamuparadzira kudai ngemadutu marongomuna omudenga, unoronza Mambo Mwari.