Jer. 3:17 - Bhaibheri Rakachena muChindau

¹⁷ Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 3:17 Iomraidhean Croise

Gen. 8:21

Naapo Mambo Mwari wakafemba gwema rakanaka; naMambo Mwari wakati mumwoyo mwake, “Andichazotukizve mavhu ngendaa yomunhu, ngokuti kupinimidza kwomwoyo womunhu kwakandoshata kubvira muudoko hwake; zve, andichazoparadzizve zveshe zvinopona kudai ngezvendaita.

1 Madzi. 8:41

“Naapo vapara, avo vasiri vevanhu vako Isuraeri, avo vanobva kunyika iri kuretu ngendaa yezina rako,

Nduyo 102:23

Watsonza simba rangu munjira; wafupisa mazuva okupona kwangu.

Nduyo 78:8

kuti vasadai ngemadzibaba avo, mubarirwana usikazwi nounomukira, mubarirwana usikazii kururama mumwoyo yawo, uwo mweya wawo usikazi kugondeka kunaMwari.

Nduyo 87:3

Zviro zvakanakisisa zvinoereketwa ngendaa yako, iwewe guta raMwari. Selah.

Isa. 26:8

Munjira yokutonga kwako, O Mambo Mwari, tinokugarira; zina rako nokukarakadzwa kwako ndikwo kudisisa kwomweya yedu.

Isa. 56:6

Nevapara vanodzibatanidza kunaMambo Mwari, kuti vamushandire, kuda zina raMambo Mwari, nokuita varanda vake, veshe avo vanongwarira Sabatha kuti vasarisvipisa, nokungwarira chitenderano changu,

Isa. 59:19

Ndizvo avo vari kumabirirazuva vanozotya zina raMambo Mwari, neavo vari kumabvazuva uthende hwake; ngokuti unozouya kudai ngerwizi rwazarisa, runosundwa ngomweya waMambo Mwari.

Isa. 6:1

Mugore raakafa mambo Uzia, ndakaona Mambo Mwari akagara padendemaro, rakareba nokukwirira, nemipendero yemachira ake yakazadza temperi.

Isa. 66:1

Izvi ndizvo zvinoronza Mambo Mwari, “Denga idendemaro rangu, nenyika chitambarariro chetsoka dzangu; imhatso yakadini zvino yomunondiakira? Indau yakadini yokuzorora kwangu?

Isa. 66:18

“Ngokuti ndinozia mishando yavo nemirangariro yavo, ndinouya koounganidza madzinza eshe nendimi dzeshe; navo vanozouya, vaone uthende hwangu,

Isa. 66:20

Vanozounza hama dzenyu dzeshe kubva kumadzinza eshe kuita chipo chomudiro kunaMambo Mwari, padera pemahachi, mumakarichi mungoro, padera pemanurusi, napadera pemangamera, kuvaunza kumutunhu wangu wakachena Jerusarema,” unoronza Mambo Mwari, “Kudai ngevana vaIsuraeri vanounza zviyo kuita munikero wavo muzvidziyo zvakasukika kumhatso yaMambo Mwari.

Jer. 11:8

Asi avazi kupurutana nokuti kuteya nzee dzavo, asi vakahamba umwe ngaumwe mumupinimidzo womwoyo wake wakashata. Ndizvo ndakaunza padera pavo mazwi eshe echitenderano endakavapa kuti vaite, asi avazi kuaita.”

Jer. 12:15

Naapo ndapedza kubvita ndinozovaitirazve nyasha nokuvaunzazve, umwe ngaumwe kunhaka yake nokunyika yake.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 14:21

Usatinyenya ngendaa yezina rako; usatsverudza chigaro chako choumambo chinouthende; karakadza, usagura chitenderano nesu.

Jer. 16:12

nendaa yokuti mwakaita kushata kukuru kwakapinda kwemadzibaba enyu; ngokuti, ringira, munohamba umwe ngaumwe, kuteera kukonza kwomwoyo wake wakashata, nokuramba kupurutana kwendiri.

Jer. 16:19

O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Jer. 17:12

O dendemaro rinouthende rakakwidzwa kubvira pakutanga, ndau yedu yokudirira yakachena!

Jer. 18:12

Asi vanoti, ‘Azvidetseri chiro! Isusu tinozoteera urongwa hwedu, nesu umwe ngaumwe wedu unozoita kudai ngokukonza kwomwoyo wake wakashata.’ ”

Jer. 3:19

Ndakapinimidza ngenjira yendaizokuemesa. “Ndiyo pakati pevana vangu, nokukupa nyika yakanaka, nhaka yakanaka kakurutu yemadzinza eshe. Neni ndapinimidza, kuti unozondidaidza kuti, Baba angu, nokusikakunukuka kubva kwendiri.

Jer. 31:23

Izvi ndizvo zvinoronza Mambo Mwari wehondo, Mwari waIsuraeri: Vachazoereketazve mazwi aya munyika yaJudha, nomumadhorobha ayo, apo ndinozovapetudza kubva muubatwa hwavo, “Mambo Mwari ngaakufumise, O ugaro hwokururama, O mutunhu wakacheneswa.

Jer. 33:9

Dhorobha iri rinozoita kwendiri zina rokudakara, kukudzwa nokuremeredzwa mukuona kwemadzinza eshe enyika, awo anozozwa ngezvakanaka zveshe zvendinovaitira; anozotya nokuhuta ngendaa yokunaka uku kweshe, kubudirira nokunyarara kweshe kwendinozoriunzira.”

Jer. 4:2

nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Jer. 9:14

Asi vakateera kukonza kwomwoyo yavo; vakateera vanaBhaari, izvo zvevakadzidziswa ngemadzibaba avo.”

Ezek. 1:26

Nepadera pedenga raiya padera pemasoro azvo, paiya nechiro chakadai ngedendemaro, rinomuemo wakadai ngebuwe resafire; newaigara padera pomuemo wedendemaro chiro chairingirika chakadai ngomunhu.

Ezek. 43:7

Wakati kwendiri, “Mukororo womunhu, iyi ndiyo ndau yedendemaro rangu, nendau yokutambararira tsoka dzangu, apo pendinozogara pakati pevanhu vaIsuraeri mhera nariini. Mhatso yaIsuraeri aichazosvipisi zina rangu rakachena, kunyazwi iyo nokuti madzimambo ayo, ngouhure hwayo, nokuti ngemiiri yakafa yemadzimambo ayo mundau dzayo dzakakwirira.

Ezek. 48:35

Kupimwa kweshe kwedhorobha kunozoita mamitha makumi emazana mapfumbamwe (9,000). Zina redhorobha kubvira ngeiro zuva rinozozwi, “Mambo Mwari Urimwo.”

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Zek. 8:8

neni ndinozovaunza kuti vagare muJerusarema. Vanozoita vanhu vangu, neni ndinozoita Mwari wavo, mukugondeka nomukururama.

Zvi. 15:39

Mune mahlanguyo okuti muaringire, nokukarakadza yeshe mipango yaMambo Mwari, muiite, kuti musapauka kuteera mwoyo yenyu nokuti madziso enyu, izvo zvemwairovedzera kuita umhombo nokuzviteera.

Varoma 1:21

ngokuti kunyazwi vechimuzia Mwari avazi kumuremeredza kudai ndiMwari nokuti kumubonga, asi vakaita vasina shwiro mumipinimidzo yavo nemwoyo yavo isina kungwara yakaita chidima.

Varoma 6:14

Ngokuti kushaisha akuzotongi padera penyu akadi, ngokuti imwimwi amusiri pashi peMipango asi pashi penyasha.

Vagaratiya 4:26

Asi mukadzi umweni unoedzaniswa neJerusarema iro romudenga rakasunhurika, ndivo mai edu.

Dhuto. 29:29

Zvino zvakafishika ngezvaMambo Mwari, Mwari wedu; asi izvo zvakaoneswa pamhene ngezvedu nevana vedu kunoti mhera nariini, kuti tiite mazwi eshe emipango iyi.

Vato. 2:19

Asi apo mutongi afa, vaihwirira sure, nokudzishaishira kupinda madzibaba avo, ngokuteera zvimwari zvimweni nokuzvidira nokuzvigwadamira. Avazi kurekera kubva kunezviito zvavo, nokuti kubva kunjira dzavo dzomutinini.