Jer. 3:15 - Bhaibheri Rakachena muChindau

¹⁵ Ndinozomupa vaushi vanodakadza mwoyo wangu, vanozogutisa ngokuzia nokuzwisisa.

Jer. 3:15 Iomraidhean Croise

Mazwi 10:21

Miromo yevakarurama inogutisa vazhinji, asi mapenzi anofa ngendaa yokutama kuzwisisa.

Jer. 23:4

Ndinozomirudza vaushi padera pawo, avo vanozoausha; nawo aachazotyi nokuti kuvhunduswa, apana narimwe rawo rinozorashika,” unoronza Mambo Mwari.

Jer. 31:10

Izwai izwi raMambo Mwari, O madzinza, muridaidzire kuzviwi zviri kuretu mwechiti, ‘Iye wakaparadzira Isuraeri unozomuunganidza, nokumungwarira, kudai ngezvinoita muushi womutanga wake.’

Ezek. 34:2

“Mukororo womunhu, profeta kuitira ndaa vaushi vaIsuraeri, profeta wechiti kwevari, ‘Izvi ndizvo zvinoronza Mambo Mwari, Mwari: A, imwimwi vaushi, vaushi vaIsuraeri vanodzigutisa pachavo! Vaushi avasisiri kugutisa makwai here?

Ezek. 34:23

Ndinozoemesa muushi umwe padera pawo, muranda wangu Dhavhidha, naye unozoagutisa; unozoausha, unozoita muushi wawo.

Ezek. 37:24

Muranda wangu Dhavhidha unozoita mambo padera pavo; navo veshe vanozoa nomuushi umwe. Vanozohamba mukati mwezvitongero zvangu nokungwarira zviemeso zvangu nokuzviita.

Ruka 12:42

Mambo wakati, “Ndiani muranda unogondeka newakangwara, uwo mambo wake unozomuemesa padera pemhatso yake, kuti avape kudya kwavo ngomukuwo wakwo?

Zvak. 20:28

Dzingwarirenyi imwimwi pachenyu nedanga reshe remwakaemeswa padera paro ndiMweya Wakachena, kuti muite vangwariri varo, muushe chiara chaMwari, chaakatenga ngengazi yoMukororo wake emene.

1 VaK. 2:6

Asi pakati pevabva muzero tinoereketa ungwaru, kunyazwi husiri ungwaru hweiyi nyika nokuti hwevatongi veiyi nyika, avo vanopera.

1 Pet. 2:2

kudai ngevana vatsva vachaamba kuberekwa, disisai mukaka woMweya usina kuchengedzera, kuti mukure ndiwo, muponeswe,

1 Sam. 13:14

Asi zvino umambo hwako ahuzogari. Mambo Mwari watsvaka munhu unodiwa ngomwoyo wake, naMambo Mwari wakamuemesa kuita mutungamiriri wevanhu vake, ngokuti iwewe auzi kungwarira icho chaakakupanga Mambo Mwari.”