Jer. 3:14 - Bhaibheri Rakachena muChindau

¹⁴ “Petukai, imwimwi vana vasikagondi, unoronza Mambo Mwari, ngokuti ndini mambo wenyu; ndizomutora, umwe kubva mudhorobha, nevairi kubva mumhuri, neni ndinozomuunza Zioni.

Jer. 3:14 Iomraidhean Croise

2 MaKro. 30:6

Ndizvo vatwari vakaenda muIsuraeri mweshe nemwaJudha, netsamba dzakabva kunamambo nevakuru vake, kudai ngezvaakapanga mambo echiti, “Imwimwi vana vaIsuraeri, petukaizve kunaMambo Mwari, Mwari waAbrahama, waIsaka nowaIsuraeri, kuti naye apetuke kunevakasara venyu, vakapokonyoka kubva kunyara yemadzimambo evaAsiria.

Isa. 1:9

Dai Mambo Mwari wehondo asikazi kutisiira vashomani vakapona, taizodai ngeSodhoma neGomora.

Isa. 10:22

Kunyazwi vanhu vako vaIsuraeri vakadai ngejecha roruandhle, asi unosara wavo unozohwirira. Kuparadzwa kwakaemeswa, kunoerera kururama.

Isa. 17:6

Hwarakwatwa dzemaorivhi dzinozosiyiwamwo apo miti yemaorivhi yazungunyiswa, michero miiri nokuti mitatu inozosara kumagumo edai redera, mirongomuna nokuti mishanu kumagumo ematai anobereka kakurutu,” unoronza Mambo Mwari, Mwari waIsuraeri.

Isa. 27:12

Ngeiro zuva, Mambo Mwari unozopura zviyo, kubvira pamugero werwizi Yufratesi metsa mubani reEgipite, nemwi munozounganidzwa umwe ngaumwe, imwimwi vanhu vaIsuraeri.

Isa. 31:6

Petukai kwaari uwo wemwakamukira, imwimwi vana vaIsuraeri.

Isa. 44:22

Ndatsvairira zvipauko zvako kuretu kudai ngegore, nezvishaishi zvako kudai ngemhute; petuka kwendiri, ngokuti ndakuripira.

Isa. 54:5

Ngokuti Musiki wako ndiye mwamuna wako, Mambo Mwari wehondo ndiro zina rake; Wakachena waIsuraeri ndiye Muripiri wako; unozodaidzwa kuzwi, Mwari wenyika dzeshe.

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Isa. 57:17

Ngendaa yokushaisha kwokuemura kwake ndakamutsenekera; ndikamuchaya, ndakahwara ndakatseneka; asi wakaangira kupetuka sure munjira yokuda kwomwoyo wake.

Isa. 6:13

Kunyazwi rupande rumwe rwegumi rwechisara mukati mwayo runozopishwazve, kudai ngomutherebhinti nokudai ngomuokhi, uwo guri rawo rinosara rakaema apo unowisirwa pashi. Mbeu yakachena ndiyo guri rawo.”

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:2

“Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 3:8

Inini ndakaona, apo ndakamurasha nokumupa tsamba yokuparadzana, ngendaa dzeshe dzokuomba dzaakaita Isuraeri echipetuka sure; asi Judha munun'una wake unochengedzera aazi kutya, asi wakaenda kooita hure.

Jer. 31:12

Vanozouya nokuemba vechidaidzira muurebu hweZioni, navo vanozojeka padera pounaku hwaMambo Mwari, padera pekoroni, pevhini, nemafuta, nepadera pemakonyana emitanga yen'ombe nemakwai; kupona kwavo kunozodai ngomunda wakadiridzirwa, avazoperizve simba.

Jer. 31:32

chisikazi kudai ngechitenderano chendakaita nemadzibaba avo, pendakavatora ngenyara kuvabudisa kubva munyika yeEgipite; chitenderano icho changu chevakagura, kunyazwi ndaiya mwamuna wavo,” unoronza Mambo Mwari.

Jer. 31:6

Ngokuti rinozoapo zuva apo varindi pevanozodaidza vari munyika yezvimitunhu yaEfuremu vechiti, ‘Uyai, tikwire Zioni, kunaMambo Mwari, Mwari wedu.’ ”

Hos. 5:15

Ndinozopetukazve kundau yangu, metsa vazia ndaa yavo, nokutsvaka hope yangu. Mukutambudzika kwavo vanozopota nyasha dzangu.

Zek. 1:4

Musadai ngemadzibaba enyu, avo vevakadaidza kwevari vaprofeti vokutanga vechiti, ‘Unoronza izvi Mambo Mwari wehondo: Petukai zvino kubva kunjira dzenyu dzakashata, nokubva kuzviito zvenyu zvakashata. Asi avazi kuzwa, nokuti kupurutana kwendiri, unoronza Mambo Mwari.

Varoma 9:27

NaIsaya wakadaidzira ngendaa yevaIsuraeri kuti, “Kunyazwi uwandu hwevana vaIsuraeri hwechinyazodai ngejecha roruandhle, vakasara vavo ndivo vanozoponeswa;