Jer. 3:13 - Bhaibheri Rakachena muChindau

¹³ Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 3:13 Iomraidhean Croise

Neh. 9:2

Zvino avo vedzinza raIsuraeri vakadziparadzanisa pachavo kubva kunevapara veshe, navo vakaema vechitenderuka zvishaishi zvavo, nezvinyangadzo zvemadzibaba avo.

Mazwi 28:13

Uwo unofisha zvishaishi zvake aazobudiriri, asi uwo unozvitenda nokuzvisiya unozoona nyasha.

Isa. 57:5

Imwimwi munotsva ngokuemura pashi pemiti yomuokhi, pashi pomuti weshe wakasvipirika, imwimwi munouraya vana venyu mumapani pashi pemawere emapuwe.

Jer. 14:10

Izvi ndizvo zvinoronza Mambo Mwari ngendaa yevanhu vake, “Ngegwinyiso vakada kuhambahamba, avazi kubata tsoka dzavo; ndizvo Mambo Mwari aavaashiri; zvino unokarakadza zvishaishi zvavo echiorora kushaisha kwavo.”

Jer. 14:20

O Mambo Mwari, tinotenda kushata kwedu nokushaisha kwemadzibaba edu, ngokuti takakushaishira.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 2:25

Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 3:2

Mirudza madziso ako kundau dzakakwirira dzisina chiro, uone! Iripo here ndau pousikazi kuatwa newe? Pasinde penjira wakavagarira vadiwa kudai ngavaArabia mushango. Newe wasvipisa nyika ngouhure hwako nokushata kwako.

Jer. 3:25

Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 3:6

Mambo Mwari wakati kwendiri ngamazuva aJosia mambo, “Wakaona here izvo zvaakaita uwo usikagondeki Isuraeri, kukwira kwaakaita padera pemitunhu yeshe napashi pemiti yeshe yakasvipirika, apo paakaita uhure?

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Jer. 7:26

asi avazi kupurutana nokuti kukotamisa nzee kwendiri, asi vakakonzisa mitsipa yavo. Vakaita zvakashata kupinda madzibaba avo.

Ezek. 16:15

“Asi wakagonda muunaku hwako, wakaita uhure ngendaa yembiri yako, newe wakadurura uhure hwako kuneumwe ngaumwe waipinda ndipo.

Hos. 5:15

Ndinozopetukazve kundau yangu, metsa vazia ndaa yavo, nokutsvaka hope yangu. Mukutambudzika kwavo vanozopota nyasha dzangu.

Dhuto. 12:2

Munozoparadza yaamho ndau dzeshe dzevakashandira zvimwari zvavo madzinza omunoenda koogara nhaka yao, padera pemitunhu yakakwirira, nepadera pezvimitunhu, nepashi pemiti yeshe yakasvipirika.