Jer. 3:12 - Bhaibheri Rakachena muChindau

¹² Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 3:12 Iomraidhean Croise

Gen. 4:7

Kudai wechiita zvakanaka, ausaizoashirika here? Kudai usikaiti zvakanaka, chishaishi chinokuhwarira pamusiwo, nokudisisa kwacho ngekwokuda kutonga padera pako, asi iwewe unosisira kuchinyisa.”

2 Madzi. 15:29

Mumazuva aPheka mambo waIsuraeri, Thigirathiphiresa mambo weAsiria wakauya akanyisa Ijoni, Abheribhethimaakha, Janoa, Kedheshi, Hazori, Gireadhi neGarire, nenyika dzeshe dzaNafitari; wakatora vanhu kuita hloko muAsiria.

2 Madzi. 17:23

metsa Mambo Mwari adusa vaIsuraeri kubva pamberi pake, kudai ngezvaakaronza kubudikidza ngevaranda vake veshe vaprofeti. Ndizvo vaIsuraeri vakaitwa vatorwa kubva kunyika yavo kuenda Asiria metsa nyamashi.

2 Madzi. 17:6

Mugore rechipfumbamwe rokutonga kwaHoshea, mambo weAsiria wakanyisa Samaria, akatora vaIsuraeri kuenda navo Asiria. Wakavaisa muHara paHabhori pasinde pomufuya weGozani, nomumadhorobha evaMedhia.

2 Madzi. 18:1

Mugore rechitatu raHoshea mukororo waEra mambo waIsuraeri, Hezekia mukororo waAhazi mambo waJudha wakatanga kutonga.

2 MaKro. 29:10

Zvino zvirimwo mumwoyo mwangu kuti ndiite chitenderano naMambo Mwari, Mwari waIsuraeri, kuti ushungu hwake hunotyisa hukunukuke kubva kwetiri.

2 MaKro. 30:9

Ngokuti imwimwi mukapetuka kunaMambo Mwari, hama dzenyu nevana venyu vanozoona nyasha kubva kunevakavatora kuvaita hloko, nokupetuka kunyika iyi. Ngokuti Mambo Mwari, Mwari wenyu, wakanaka unenyasha, naye aazofuratiri hope yake kubva kwomuri, kudai mwechipetuka kwaari.”

Nduyo 103:17

Asi nyasha dzinorudo dzaMambo Mwari dzinogara dzakadaro kubvira mhera nariini metsa mhera nariini kuneavo vanomutya, nokururama kwake kunogara kuripo kunevana vevana,

Nduyo 103:8

Mambo Mwari wakazara ngenyasha nokuzwira urombo, unononoka kutseneka, unowanza kuitira nyasha dzinorudo.

Nduyo 103:9

Aazogari echiitira ndaa, nokuti kugara akatseneka mhera nariini.

Nduyo 145:8

Mambo Mwari unenyasha, wakazara ngokukungurira; unononoka kunyangadzwa unenyasha huru dzinorudo.

Nduyo 79:5

Metsa riini, A Mambo Mwari? Unozotseneka mhera nariini here? Ushungu hwako hunendurumwa hunozopisha kudai ngomuriro here?

Nduyo 86:15

Asi iwewe, A Mambo Mwari, ndiwe Mwari unenyasha dzakawanda nokukungurira, aukasiri kunyangadzwa, unowanza nyasha dzinorudo nokugondeka.

Nduyo 86:5

Ngokuti iwewe, Mambo Mwari, wakanaka unokukungurira, unowanzisa nyasha dzinorudo kuneavo veshe vanokumbira kwouri.

Mazwi 28:13

Uwo unofisha zvishaishi zvake aazobudiriri, asi uwo unozvitenda nokuzvisiya unozoona nyasha.

Isa. 31:6

Petukai kwaari uwo wemwakamukira, imwimwi vana vaIsuraeri.

Isa. 44:22

Ndatsvairira zvipauko zvako kuretu kudai ngegore, nezvishaishi zvako kudai ngemhute; petuka kwendiri, ngokuti ndakuripira.

Jer. 11:6

Mambo Mwari wakati kwendiri, “Daidzira mazwi aya eshe mumadhorobha aJudha nomumapato eJerusarema wechiti, ‘Izwai mazwi echitenderano ichi nokuaita.’

Jer. 12:15

Naapo ndapedza kubvita ndinozovaitirazve nyasha nokuvaunzazve, umwe ngaumwe kunhaka yake nokunyika yake.

Jer. 23:8

asi, ‘Kudai ngezvaanopona. Mambo Mwari, uwo wakabudisa nokutungamira rudzi rwemhatso yaIsuraeri kubva munyika yedera, nokubva munyika dzeshe kwendakavadzingira.’ Zvino vanozogara munyika yavo yemene.”

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:14

“Petukai, imwimwi vana vasikagondi, unoronza Mambo Mwari, ngokuti ndini mambo wenyu; ndizomutora, umwe kubva mudhorobha, nevairi kubva mumhuri, neni ndinozomuunza Zioni.

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 3:5

Unozogara anoushungu hwake mhera nariini here? Unozogara akatseneka metsa kumagumo here?’ Aya ndiwo maereketere ewaita, asi waita kushata kweshe kudai ngezvewaikona.”

Jer. 3:7

Neni ndakapinimidza, apo aita izvi zveshe, kuti unozopetuka kwendiri. Asi aazi kupetuka, naJudha munun'una wake unochengedzera wakazviona.

Jer. 30:11

Ngokuti ndinemwi, unoronza Mambo Mwari, kumuponesa; ndinozoita magumo emadzinza eshe endakamuparadzira pakati pawo, asi imwimwi andizomuparadzi. Asi ndinozomuorora ngechipimo chakanaka, andizoreki kumuorora.”

Jer. 31:20

Efuremu mukororo wangu unodikanwa here? Mwana wendinodakara mwaari ndiye here? Nguva dzeshe dzendinoereketa kumuitira ndaa, ndinomukarakadza. Ndizvo mwoyo wangu unomutambudzikira; ngegwinyiso ndinozomuitira nyasha, unoronza Mambo Mwari.

Jer. 31:21

Emesa zvioniso zvepato pachako, udziitire pachako sika dzechioniso mupato; ukarakadze zvakanaka mapato makuru, pato iro rowakahamba ndiro. Petuka, O mhandwe Isuraeri, petuka kumadhorobha ako aya.

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 33:26

ndingazoramba mibarirwana yaJakobe, neyeDhavhidha muranda wangu, ndisatsanangura naumwe wemibarirwana yake kutonga padera pemibarirwana yaAbrahama, Isaka, naJakobe. Ngokuti ndinozopetudza vabatwa vavo nokuvaitira nyasha.”

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Chi. 3:22

Nyasha dzinorudo dzaMambo Mwari dzinoita kuti tisapedzwa, ngokuti kuzwiro urombo kwake akuperi.

Ezek. 11:17

Ndizvo ronza kuti: Izvi ndizvo zvinoronza Mambo Mwari, Mwari: Ndinozomuunganidza kubva kuvanhu vemadzinza, nokumuunganidza kubanze kwenyika dzemwakaparadzirwa, neni ndinozomupa nyika yaIsuraeri.

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Ezek. 39:25

“Ndizvo izvi ndizvo zvinoronza Mambo Mwari, Mwari: Zvino ndinozopetudza upfumi hwaJakobe, nokuitira nyasha vemhatso yeshe yaIsuraeri; ndinozoita ndurumwa ngendaa yezina rangu rakachena.

Hos. 6:1

“Uyai, ngatihwirire kunaMambo Mwari; ngokuti ndiye wakabaura, ndiyezve unozotirapa; wakachaya, ndiye unozotisunga.

Revhi 26:40

“Asi kudai vechizotenda kushaisha kwavo nokwemadzibaba avo, pamwepo nokupauka kwevakapauka ndikwo kwendiri, nokuhambazve ngokutsvatsvana kwavo neni,

Zek. 1:4

Musadai ngemadzibaba enyu, avo vevakadaidza kwevari vaprofeti vokutanga vechiti, ‘Unoronza izvi Mambo Mwari wehondo: Petukai zvino kubva kunjira dzenyu dzakashata, nokubva kuzviito zvenyu zvakashata. Asi avazi kuzwa, nokuti kupurutana kwendiri, unoronza Mambo Mwari.

Dhuto. 30:2

tenderukirai kunaMambo Mwari, Mwari wenyu, nokupurutana izwi rake kudai ndizvo zveshe zvendinomupanga ngezuva ranyamashi, imwimwi nevana venyu, ngomwoyo yenyu yeshe, nomweya yenyu yeshe.