Jer. 3:10 - Bhaibheri Rakachena muChindau

¹⁰ Asi ngeizvi zveshe munun'una wake unochengedzera aazi kupetuka kwendiri ngomwoyo wake weshe, asi ngokudziitisa,” unoronza Mambo Mwari.

Jer. 3:10 Iomraidhean Croise

2 MaKro. 34:33

Josia wakadusa zveshe zvinyangadzo kubva munyika dzeshe dzevana vaIsuraeri, naye wakaita veshe vaiya muIsuraeri kuti vadire Mambo Mwari, Mwari wavo. Mumazuva ake eshe okupona kwake avazi kupauka kubva mukuteera Mambo Mwari, Mwari wemadzibaba avo.

Nduyo 18:44

Apo vozwa ndini, vakandipurutana; venyika mukanza vakauya vechidzipfaisa kwendiri.

Nduyo 66:3

Ronzai kunaMwari kuti, “A, kutyisanyi kwemishando yako! Ngendaa youkuru hwesimba rako, magaa ako anozodzipfaisa pamberi pako.

Isa. 10:6

Ndinomutuma koorwisa dzinza risikadi Mwari nokuvanhu voushungu hwangu ndinomupanga, kutora zvinochakatwa nokutora zvakabvukwa nokuvatsika tsika pashi kudai ngematope omumapato.

Isa. 29:13

Mambo Mwari wakati, “Ngokuti vanhu ava vanokwedzera kwendiri ngemiromo yavo, nemiromo yavo vanondiremeredza, naapo mwoyo yavo iri kuretu kubva kwendiri, nokundidira kwavo chaita chironzo chomunhu chakadzidziswa kwevari;

Isa. 31:6

Petukai kwaari uwo wemwakamukira, imwimwi vana vaIsuraeri.

Jer. 11:10

Vahwirira mukushata kwemadzibaba avo ekaretu, avo vakaramba kupurutana mazwi angu; vakateera zvimwari zvimweni kuzvidira; vemhatso yaIsuraeri nevemhatso yaJudha vagura chitenderano changu chendakasunga nemadzibaba avo.

Jer. 12:2

Iwewe wakavasima, navo vakatsira nzinde, vanokura, nokubereka michero; uri pasinde pemiromo yavo, asi uri kuretu kubva kumwoyo yavo.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Hos. 7:14

Avachemi kwendiri kubva mumwoyo yavo, asi vanoboorera vari pamibhedhi yavo; vanodziunganidzira koroni nevhini, vanondimukira.

Amo. 4:9

Ndakamuchaya ngokufota nechirotarota: apo minda yenyu neminda yenyu yemivhini, nemionde yenyu, nemiorivhi yenyu yakabereka kakurutu, machonja akaidya; asi amuzi kupetuka kwendiri, unoronza Mambo Mwari.

Mar. 2:11

Judha waiya asina kugondeka, nechiro chinonyangadza chaitwa muIsuraeri nomuJerusarema; ngokuti Judha wakasvipisa ndau yakachena yaMambo Mwari yaanoda, waroora mwanasikana wechimwari chipara.