Jer. 3:1 - Bhaibheri Rakachena muChindau

¹ “Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:1 Iomraidhean Croise

Nduyo 106:38

Vakaparadza ngazi isina ndaa, ngazi yevakororo vavo neyevanasikana vavo, avo vevakapira kuita mudiro wemiedzaniso yeKhenani; nenyika yakasvipiswa ngengazi.

Isa. 24:5

Nyika inosvipiswa pashi paavo vanogara mukati mwayo; ngokuti vadarika mipango, vashaishira zviemeso, vagura chitenderano chemhera nariini.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 2:23

Ungaita maronzerenyi kuti, andizi kusvipiswa, andizi kuteera vanaBhaari? Ringira njira yako mubani, uzie icho chowaita; wakadai ngengamera doko rinorumbisa apo neapo munjira dzaro,

Jer. 2:7

Ndakamuunza kunyika yezvakawanda, kuti mudye michero yayo nezviro zvayo zvakanaka. Asi apo mwapindamwo, mwakasvipisa nyika yangu, nokuita kuti nhaka yangu iite chinyangadzo.

Jer. 22:20

Kwireyo Rebhanoni, ucheme; nokuboorera muBhashani, boorera kubva paAbharimu, ngokuti vadikani vako veshe vaparadzwa.

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 3:9

Ngendaa yokurerusa kuhura kwake wakasvipisa nyika, wakahura nebuwe nomiti.

Jer. 31:22

Unozohamba hamba mukuwo wakadini, O mwanasikana usina gonda? Ngokuti Mambo Mwari wakasika chiro chitsva munyika, mukadzi unozofungatira mwamuna.”

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Jer. 4:14

O Jerusarema, shambidza mwoyo wako uchene kubva kunezvakashata, kuti uponeswe. Mipinimidzo yako youpenzi inozogara mukati mwako mukuwo wakadini?

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Ezek. 16:26

Wakaita uhure nevaEgipite, kuemura kwenyama kwevaakirwana vako, ukawanzisa uhure hwako, kundimusira ushungu.

Ezek. 16:30

“Ngenjiranyi mwoyo wako unopera simba, unoronza Mambo Mwari, Mwari, wechiita izvi zviro zveshe, zviito zvinoitwa ngehure risikatsveruki ngouhure.

Ezek. 16:35

“Ndizvo, O hure, izwa izwi raMambo Mwari:

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Hos. 1:2

Naapo paakatanga kuereketa Mambo Mwari kubudikidza ndiHosea, Mambo Mwari wakati kunaHosea, “Enda, udzitorere mukadzi hure, ubare vana vokuhura, ngokuti nyika inohura kakurutu ngokubva kunaMambo Mwari.”

Hos. 2:2

Potai mai enyu, potai; ngokuti aari mukadzi wangupi, neni andiri mwamuna wakepi. Ndizvo ngaarashe uhure hwake kubva pamberi pehope yake, nokuomba kwake kubva pakati pemazamo ake,

Mik. 2:10

Mirukai, muende; ngokuti iyi andiyopi ndau yokuzorora, ngendaa yokusvipiswa kunoparadza ngokuparadza kunotyisa.

Zek. 1:3

Ndizvo wechiti kwevari, ‘Izvi ndizvo zvinoronza Mambo Mwari wehondo: Petukai kwendiri, unoronza Mambo Mwari wehondo, neni ndinozopetuka kwomuri, unoronza Mambo Mwari wehondo.’

Mateu 5:31

“Kwakaronzwa kuti, ‘Uwo unoramba mukadzi wake, ngaamupe tsamba yokuparadzana.’

Dhuto. 22:21

zvino munozounza uyu musikana kumusiwo wemhatso yababa ake, nevanhu vedhorobha rake vanozomuponda ngemapuwe kuti afe, ngokuti wakaita zvinotsverudza muIsuraeri, ngokuita zvoumhombo mumhatso yababa ake. Ngokudaro munozodusa kushata kubva pakati penyu.

Vato. 19:2

Asi bunha rake rakaita ufebi rikabva kwaari, rakamusiya rikakwira kumhatso yababa aro kuBhetherehema muJudha, naro rakagareyo mwedzi yeshe mirongomuna.