Jer. 28:4 - Bhaibheri Rakachena muChindau

⁴ Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Jer. 28:4 Iomraidhean Croise

Gen. 27:40

Newe unozopona ngebanga remakara rako, unozoshandira munun'una wako; asi apo pounozodzisunhura iwewe, unozopwanya joka rake kubva mumutsipa wako.”

2 Madzi. 24:14

Wakatwara veshe veJerusarema, makota eshe, varwi vehondo nengwazi dzeshe dzinesimba nokushinga, vaiya gumi remakumi emazana (10,000), vakaitwa hloko, veshe vari ngwazi dzemishando nevapfuri; akuna naumwe wakasiiwa asi vega varombo venyika.

Isa. 9:4

Ngokuti wagura joka raivaremera, nemwamba wairemera makhadza avo, ndonga yomutambudzi wavo, iwewe wagura kudai ngezuva raMidhiani.

Jer. 13:19

Madhorobha okubani akonywa, apana naumwe unoabeura; Judha weshe unotorwa kuitwa hloko, unotorwa yaamho kuitwa hloko.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 22:10

Musachemera uwo wafa, nokuti kumutsumba; asi chemera uwo unoenda kure, ngokuti aachazopetukizve, kuona nyika yechibarirwe chake.

Jer. 22:24

“Kudai ngezvendinopona, unoronza Mambo Mwari, kunyazwi kudai mambo Konia mukororo waJehoiakimu waJudha waiya ndandazi yakanangurwa yepanyara yangu yokumudyo, kunyazwi ndaizokubvisapo

Jer. 24:1

Mambo Mwari wakandionisa zvitundu zviiri zvemaonde zvakaiswa pamberi petemperi raMambo Mwari. Izvi zvakaitika ngesure apo mambo Nebhukhadhineza weBhabhuroni atora kuvaita vabatwa kubva Jerusarema mambo Jekhonia, mukororo waJehoiakimu mambo waJudha, pamwepo nevatongi vaJudha, vatsetsi, nevapfuri, kuenda navo Bhabhuroni.

Jer. 24:5

“Izvi ndizvo zvinoronza Mambo Mwari, Mwari waIsuraeri: Kudai ngaaya maonde akanaka, ngokudaro ndinozovaerenga kuti vakanaka avo vakatorwa kubva kuvaJudha kuita vabatwa, avo vendakabudisa mundau iyi kuenda munyika yevaKharadhea.

Jer. 27:8

“Asi, kuti kunyazwi ngeriri dzinza, nokuti umambo vasikazoshandiri uyu mambo Nebhukhadhineza weBhabhuroni, vasikazoisi mitsipa yavo pashi pejoka ramambo weBhabhuroni, zvino ndinozoriorora iro dzinza ngeshoti nzara, nenhenda, unoronza Mambo Mwari, metsa ndapedza kuparadzwa kwavo ngenyara yake.

Jer. 28:10

Zvino Hanania muprofeti wakadusa joka kubva pamutsipa womuprofeti Jeremia, akarigura.

Jer. 28:2

“Izvi ndizvo zvinoronza Mambo Mwari wehondo, Mwari waIsuraeri echiti, ‘Ndagura joka ramambo weBhabhuroni.

Jer. 29:1

Aya ndiwo mazwi etsamba yaakatumira Jeremia muprofeti kubva Jerusarema kunevakasara vevakuru pakati pevakatorwa kuitwa vabatwa, kuvapristi, kuvaprofeti, nokuvanhu veshe vaiya vatorwa kuitwa vabatwa ndiNebhukhadhineza, kubva Jerusarema kuenda Bhabhuroni,

Jer. 29:2

ngesure kwokubva kwavo Jerusarema, Jekhonia mambo, namai ake, vakuru voruwanze, vatungamiriri vaJudha neveJerusarema, vatsetsi nevapfuri.

Jer. 30:8

“Pazuva iro, unoronza Mambo Mwari wehondo, ‘Ndinozogura joka rake kubva pamutsipa wako, nokudambura zvisungo zvako, nevapara avachazoshandirwi ndiye.

Revhi 26:13

Inini ndini Mambo Mwari, Mwari wenyu, uwo wakamubudisa kubva kunyika yeEgipite, kuti musaizwe hloko ndivo; ndakagura zvisungo zvejoka renyu, ndikaita kuti muhambe ngokururama.

Nah. 1:13

Nazvino ndinozogura joka rake kubva kwouri, nokudambura zvisungo zvakakusunga.”