Jer. 27:9 - Bhaibheri Rakachena muChindau

⁹ Ndizvo imwimwi musapurutana kuvaprofeti venyu, vafemberi venyu, varoti venyu, nevaroyi venyu, nokuti kuman'anga enyu, avo vanoereketa kwomuri vechiti, ‘Amuzoshandiri mambo weBhabhuroni.’

Jer. 27:9 Iomraidhean Croise

EKISEDHUSI 22:18

“Usazotendera musaramusi kuti ararame.

EKISEDHUSI 7:11

Naapo Faro wakadaidzawo vanhu vakangwara nevarombi; navowo, vasaramusi veEgipite, vakaitawo kudai ngemasaramuso avo.

Mazwi 19:27

Rekera kupauka, mwana wangu, kubva kumazwi oungwaru, kuitira kuti uzwe kudzidziswa.

Isa. 8:19

Naapo vanhu vanozoti kwomuri, “Tsvakai kwevari vanemweya yokufembera, nokuman'anga anomukirwa, naavo vanovhuruvhuta; akudikani here kuti vanhu vabvunze zvimwari zvavo, vakafa ngendaa yevanopona?”

Jer. 14:14

Zvino Mambo Mwari wakati kwendiri, “Vaprofeti vanoprofeta zvokunyepa ngezina rangu. Andizi kuvatuma, nokuti kuvapanga nokuti kuereketa kwevari. Vanoprofeta kwomuri chioniso nokufembera zvokunyepa, nechisina shwiro, nokuchengedzera kwemwoyo yavo.

Jer. 23:16

Izvi ndizvo zvinoronza Mambo Mwari, “Musapurutana kumazwi evaprofeti, avo vanoprofeta kwomuri, vanomunyepera. Vanoereketa zvioniso zvomwoyo yavo, haiwa zvinobva kumuromo waMambo Mwari.

Jer. 23:25

“Ndazwa zvakaronza vaprofeti avo vanoprofeta manyepo ngezina rangu vechiti, ‘Ndarota, ndarota.’

Jer. 23:32

‘Ringirai, ndinorwisana navo vanoprofeta hope dzokunyepa,’ unoronza Mambo Mwari, nokudzironza, nokuita kuti vanhu vangu vapauke ngemanyepo avo nezvisina shwiro, apo ndisikazi kuvatuma, nokuti kuvapanga kudaro; ndizvo avazodetseri vanhu ava nepadoko, unoronza Mambo Mwari.”

Jer. 29:8

Ngokuti izvi ndizvo zvinoronza Mambo Mwari wehondo, Mwari waIsuraeri: ‘Musatenda kuchengedzerwa ngavaprofeti venyu neman'anga enyu ari pakati penyu, musapurutana kurota kwenyu kwomunoda kuti murote.

Ezek. 21:29

Kuonisa zvioniso zvokunyepa, vechiita mabhigidha emanyepo kweuri vanokuisa pamitsipa yevakashata, vakashata avo zuva ravo raguma, nguva yokuororwa kwokupedzisira.

Dha. 4:7

Zvino man'anga, vanomukirwa, vaKharadhea, nevafemberi vakapotera, neni ndakavaronzera hope pamberi pavo, asi avazi kundironzera zvedzaironza.

Mik. 3:7

Vaoni vanozopedzwa simba, nevafemberi vanozotsverudzwa; veshe vanozofukidza miromo yavo, ngokuti akuna mupinguro wabva kunaMwari.”

Zek. 10:2

Ngokuti miedzaniso yokudira inoereketa zvisina shwiro, neman'anga anoona manyepo, varoti vanoronza hope dzokunyepa, vechipa kuembedzera kusina shwiro. Ndizvo vanhu vanonzerereka kudai ngemakwai, vanotambudzika ngokutama muushi.

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.

Zvak. 8:11

Navo vakamupurutana ngokuti kubvira mukuwo wakareba iye waiya avashamisa ngokukamba kwake.

Vaefesu 5:6

Musachengedzerwa ngomunhu ngemazwi asina shwiro, ngokuti ngendaa yeizvi zviro ushungu hwaMwari hunouya padera pevana vokusikapurutana.

Dhuto. 13:2

nechioniso nokuti munana chechiitika kudai ngokuronza kwake, ukwo kwaanozoereketa echiti, “Ngatiteere zvimwari zvimweni,” (zvomusikazi kuzia), “Ngatizvishandire.”

Dhuto. 18:14

Kunyazwi aya madzinza omunogara nhaka yavo, vakapurutana vezvisi nokuvafemberi; asi imwimwi Mambo Mwari, Mwari wenyu aazi kutendera kuti muite zvakadaro.

Josh. 13:22

VaIsuraeri vakaurayazve Bharamu mukororo waBheo, svikiro, ngeshoti, pamwepo naavo vakaurawa ndivo.

Chakapangijihwa 18:23

Kujeka kwechibani akuchazojeki nepadoodoko mukati mwako; neizwi romukwambo neromuroorwa arichazozwiki mukati mwako; ngokuti vatengesi vako vaiya vanhu vakuru venyika, ngokuti madzinza eshe akachengedzerwa ngokurowa kwako.

Chakapangijihwa 21:8

Asi ngendaa yevanotya, vasikagondi, vanonyangadza, vaurayi, vaombi, varoyi, vadiri vemiedzaniso, navo veshe vanyepi vanozoa nechikoaniswa chavo mugandwa rinobaka ngomuriro nesurufa, ndirwo rufu rwechipiri.”

Chakapangijihwa 22:15

Ngokuti ngokubanze kunembwa, varoyi, vaombi, vaurayi, vadiri vemiedzaniso, navo veshe vanoda nokuita vanyepi.

Chakapangijihwa 9:21

Avazi kutenderuka kubva mukuuraya kwavo nokuti mukukamba kwavo nokuti mukuomba kwavo nokuti mukuba kwavo.